MIKNGÜN-OHÜN 3:9 - OTSAO BAIBEL (BSI)

⁹ Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.

MIKNGÜN-OHÜN 3:9 ပူးပေါင်းရင်းမြစ်များ

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 49:23

Wanghombu a nang zongto mapabu ningle changüi; wangchanubu a nang zongto honu hwom ningle changüi. Hwom nang chitong to puiüi ilaxle nang achuaküi; hwome puinaikya füi hünzom chathua zakya ahoüi. Izuma hünzome ku a Jowanpa changpule awanüi; kue fong angkya tanle hungokya ku khünak owa angchu mong münatho.”

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

ISAIA 43:4

Kue chaxwannu nok pangwüi hünzom khosün ang dantoxüi, chemthüikoxle hünzom a ku zongto thalix changle tamchu ikhoma kue hünzom to kue mongkünle tamchu e-sele.

ESTAR 8:17

Wanghompa-e apukkya kaxho ojongpang to epuix, ibu haxtok pangkha towüi Judah khünakbue mongmüi tungle fongkhale nui. Otsingtsingma, athax khünakbu hwom thua zalaxle huanuma Judah khünak ang achangle hüi.

LAIPAO 11:8

Mosa-e ile akaxle ashuk: “Nang nguakhobu pangwüi ku hato nguile ku tong shwomle, ku ang Israel khünakbu laxlax süpaofale akaxüi. Ifüimatix ku pao ang laiüi.” Ilaxle mongtsik ahole Mosa wanghompa tuntho angkya laile pao.

1 SAMUEL 2:36

Nangsix-nangli ozün ma tüikya pangwüi chix hato nguiüi ilaxle chix ma ngun hia sütlingbu jule changüi; ilaxle masüt hanpak ang nguapabu to fongle hingchak mwot lomle nguiüi.”

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.