MIKNGÜN-OHÜN 3:8 - OTSAO BAIBEL (BSI)

⁸ Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

MIKNGÜN-OHÜN 3:8 ပူးပေါင်းရင်းမြစ်များ

1 KORIN 16:9

Ku zongto zanbu tüihu koxlechu, mwot ziakho nguile mok ang ku hanpakma olom dapkya tüile.

KOLOSI 4:3

Ifüi tomle kwom hanpakmachu wüi jop-hüi, ile Khrista bama ija huxsa kaxho anwot-ano angkya kwom ang hanpak omüi naxfa. Chemthüikoxle ija hanpakmale athax ku a kun khato ngopu.

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

2 KORIN 2:12

Khrista bama Kaxho Müikya apuk-apua ang ku Troas to nguikya zuma, kue ikhato chix mwot otua ma süt tsuak angkya hanpakma, Jowanpa-e ku ang lom zangle bang.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

KAXHO MÜIKYA LUK 12:9

Ikoxle owae ku noknu thüntho ma chilaxle awütüi hex, Khünak Hosaechu Zang kaxtaimixbu pomthoma chix to ile hwonüi.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

JUHAN 17:6

“Chaxwannu angkya khünak nange ku ang opang koxdao laxpuix, hwom hama kue nang tsing ang koxdaoa. Hwom a nang kux changkya, ikoxle nange ku ang koxpu; hwome nang Kax pongle kopdaoa.

MIKNGÜN-OHÜN 3:15

Nange chem mokdaopuix kue awanle. Nang a okongchu münchang okhamchu münchangle kue awanpu. Nang a tututa ang changkoxle müise!

MIKNGÜN-OHÜN 22:7

Jisu-e thüi: “Apalax! Ku chwonle wüi nguiüi! Opange ija laipex ma tüikya jekaxbu kax ma laxle tüilaxpuix, ibu mohiman!”

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

1 TIMOTHI 5:8

Ikoxle ma tomzi mo ojao chiwünkya mix owawa jangtüi thüiba, tamsüilechu kako ma, chixe mongong tha ajao daoa ilaxle chix a mix mik amütkya mix füi ngaxchu sümakya changle.

2 TIMOTHI 4:7

Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.

MIKNGÜN-OHÜN 3:1

“Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

DANEL 11:34

Ile mix lang mix-mixhuakkle ngopongma, hwomkha to womkya züizüibue mahuak hanpak ang mokle changkoxchu, Zang khünakbue ofong-otsox hidaole kopüi.