MIKNGÜN-OHÜN 3:7 - OTSAO BAIBEL (BSI)

⁷ “Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

MIKNGÜN-OHÜN 3:7 ပူးပေါင်းရင်းမြစ်များ

ISAIA 22:22

Dawid hosu Wanghompa fangfang ma tsak-zong komkaile kue chix ang koxüi. Khwa angkya kapatja chix ma thomüi; oja chixe dap puix, owaechu chihaküi, ilaxle oja chixe hakpuix, ija owaechu chidapüi.

MATHI 16:19

Nang ang kue zangkangting kapatja faüi; nange chaxwannu ma chem abaxpuix, ija zangkangting tochu wüi abaxüi; chaxwannu ma oja nange danüi hex, zangkangting tochu ija a danüi.”

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

JOB LAIPEX 12:14

Chemtue Zang-e pünle amaüihex, owaechu chatle zing ang müntho; Zang-e kun ma shokya khünak owaechu dan ang tho!

MIKNGÜN-OHÜN 6:10

Hwome azaxle akhong: “Khüthak Jowanpa, Otsao üntoxle Otsingtsing! Kwom langkya khoma chaxwannu angkya khünaknu kaxfün angkya tamchu sikangün angkya athaxchu otukux omüi?”

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

KAXHO MÜIKYA LUK 1:32

Chix zaxzangüi üntoxle chix ang Taitax Zang Hosa le nyaküi. Opu Dawid ningle Jowan Zange chixchu wüi wanghom ang achangüi,

MARK 1:24

Chixe thüi: “Kwom tata danhüi, nang füi kwom ang chem mwot tüikya, nang Nazareth nok Jisu? Nang ikhato kwom amüt ang hüipia? Nang owa hex kue awanle: Nang a Zang tokya Otsao changpu!”

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

WANGSHEMBU MWOT 3:14

Chix a otsao tamchu sukya mix changkya, ikoxlechu hünzome chix chilax, itülüi hünzome Pilat ma mix mik amüt daokya mix wüi danhüile ju.

MATHI 24:35

Ding hia hax kaile leüi; Ku kax a tuitachu kaile münleüi.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

KAXHO MÜIKYA LUK 4:34

chixe akhongle thüi: “Ei, Nazareth nok Jisu, nange kwom füi chem mok angkya tüikya? Nang kwom amüt ang hüipia? Nang owahex kue awanle. Nang a Zang Otsao Kaxho mix changle!”

ISAIA 55:5

Athax hünzome mixnokbu nyaküi; hanpak tuita ma hwome hünzom a chitikkya, ikoxle athax hwom a hünzom füi tuita ang achang ang zikle nguitüi! Ku, Jowanpa hünzom Zang, tuita Israel nok otsao Zang, kue ibu pangwüi changle hüi ang tomüi; Kue hünzom ang münchong hia fuazangkya koxüi.”

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

ISAIA 48:17

Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

ISAIA 47:4

Israel nok otsao Zang-e kem dan-e— chix mün a Jowanpa Khüthak Zang.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 6:3

Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

MÜNCHUAK-TSAI 89:18

Nange, O Jowanpa, kwom kho-awapa zünle kop; nang, Israel nok otsao Zang-e kwom ang wanghom koxpu.

JOB LAIPEX 11:10

Kop üntoxle Zang-e nang kaxfün nui to apüile jangchang, chix abaxle tui angkya owa tüi?

MIKNGÜN-OHÜN 21:5

Ifüima chongwang tüntong ma thungle tüikya mixe thüi: “Athaxpi kue pangwüi hozün ang zingdaoa!” Chixe ku angchu wüi thüi: “Ija zalax, chemthüikoxle ibu a otsingtsing tamchu mongong tüiangkya kaxbu changle.”

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

MIKNGÜN-OHÜN 16:7

Ifüima zomtong makhange akaxkya kaxzing kue ile atat, “Jowanpa Khüthak Zang! Nang kaxfün otsingtsing, tamchu sukya changle!”

MIKNGÜN-OHÜN 4:8

Ibu ozün ma tüikya müi pangnu ang wüi ozang azok pong tüikya, üntoxle ibu a, omong tochu otok tochu mik füi awang le tüikya. Zangnak zangngai hwome ija ngaokya chizak: “Otsao, otsao, Otsao, Opunu khüthak Zang; Owa tüikyahex, tuipuix, üntoxle tüi angkya hex.”

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

ISAIA 30:11

Kwom ang lomdaple kwom lom tsyenle ngokya achaün. Kwome hünzom Israel nok otsao Zang mowün atat-sele müntsu.”

MÜNCHUAK-TSAI 16:10

chemthüikoxle zikmüt-mangkho pangnu tsak-zong chak tokya nange ku sünle thompu. Mongong tüikya füi kue nang thothapu, ilaxle nange ku amalum fangto awütle chichangüi.