MIKNGÜN-OHÜN 3:11 - OTSAO BAIBEL (BSI)

¹¹ Ku lwomle ngui ngole. Nang ma chem tüipuix ija sünle thomlax, ikoxle nang chak angkya tholünkya nang hingho owaechu pale münpao.

MIKNGÜN-OHÜN 3:11 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

MIKNGÜN-OHÜN 2:25

Ikoxle hünzom ma chem tüipuix ija to ku mahüi mahüile shingmongle künlax ngo angkya changle.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 TIMOTHI 2:5

Zik ma apankya khünak tuitae wanlombu tole chichang thüikoxle hingho kop ang chithoüi.

MIKNGÜN-OHÜN 22:20

Ibu pangwüi to chix bama kaxkhi fakya mixe thüi: “Ija changtomtale! Ku chwonle nguiüi!” Amen. Opunu Jisu, nguihüi!

MIKNGÜN-OHÜN 1:3

Ija laipex ekyabu mohiman, ilaxle ija jekax to apakyabu tamchu ija laipex ma zale tüikya kax ma laxkyabu mohiman! Chemthüikoxle ibu pangwüi changle ngai angkya hanpak chwonle hüiüna.

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

1 KORIN 9:25

Zap ma zong apankyabue pangnuli lom towüi malailai to akumathum tsuak angkya azongle. Hwome ile male paoün angkya khohom kop ang mokpu, ikoxle keme ile mokkya a tamchu chima angkya khohom atak angkya hanpakma mokpu.

MIKNGÜN-OHÜN 3:3

Idaile nang hama chem anwot-ano daopuix ilaxle chempang atat daopuix; ija kax ma laxlax ilaxle hünzom ochaxbu tokhange chatlax. Nang chizo jangthüiba nang hato ku ahuxmix ningle nguiüi, üntoxle ku otue nguiüihex ija hanpak hünzome awan ang müntho.

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

MIKNGÜN-OHÜN 22:7

Jisu-e thüi: “Apalax! Ku chwonle wüi nguiüi! Opange ija laipex ma tüikya jekaxbu kax ma laxle tüilaxpuix, ibu mohiman!”

ZEFANIA 1:14

Jowanpa hanpak chongkya hüitu nguiüna: müimama lejao ngangle soxüna tamchu mom-momle nguile ngole! Ija nyix a khaxkya nyix ang changüi, chemthüikoxle tüle chachen mongchen füikya naomüibu ngaxchu jemax-hwonsamle akhongüi!

JAKOP 5:9

Kutüi kunaohom, hünzome tata mowün ama le taxtüi, ikoxle Zange hünzom ang kaxfün fakya müntüiüi. Kaxfünpa ngai ang a chwonle tüile.

FILIPI 4:5

Pangnu hato jonaikya zanglom saikha tutex ahokox. Jowanpa a chwonle nguile ngole.

MIKNGÜN-OHÜN 16:15

“Apalax! Ku ahuxmix lailaile nguiüi! Tomhua ma lai laxle noknu thüntho ma zakkop thajaokya naktüi le owae mik-hingkya füi ma nyiza otya ma laxle ngolaxpuix, chix mohiman.”