MIKNGÜN-OHÜN 3:10 - OTSAO BAIBEL (BSI)

¹⁰ Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

MIKNGÜN-OHÜN 3:10 ပူးပေါင်းရင်းမြစ်များ

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

MIKNGÜN-OHÜN 14:12

Opange Zang kaxtombu kax ma lax üntoxle Jisu tokya mongong ma shingmongle ngopuix, ibu Zang khünakbu hanpakma ikhama adu angkya lomle.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

DANEL 12:10

Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

1 PITAR 4:12

Ku mongkün tüinaohom, hünzom to tüle kakle thwontsing pongma, hünzom füi chiapong homfang apongkya ningle, hünzom taxabüt.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

MIKNGÜN-OHÜN 13:10

Koplaxle pao angkya le tüikyabu koplaxle pao angkya wüi changle; changlo füi langüi thüikyabu, changlo füi lang angkya jao changle. Ikhama Zang khünakbu hanpakma, adukya hia mongong tüi angkya lomle.

EFISIA 6:13

Idaile athax wüi Jowanpa khyepdi laxlax! Ile changkox tix ochax din-pan hüikya zuma, zane singkyabu hünzome abax ang thoüi; ilaxle oshuk kople azanle hüikya füimachu wüi, hünzome ziakople thom ang thoüi.

ISAIA 24:17

Ku kax apahüi, pangnusae wüi! Thama, tswomkha, tai, ibue nang tanle ngole.

MIKNGÜN-OHÜN 8:13

Ifüima kue hu, ikoxle dingkho to pile ngokya ola tuita akhongle ile akaxkya kue atat: “Mama kaxtaimix azome nyazongbu mütkya zuma, chaxwannu ma opang tüilaxpuix, hwom hanpakma, Maxsax! Maxsax!”

MIKNGÜN-OHÜN 6:10

Hwome azaxle akhong: “Khüthak Jowanpa, Otsao üntoxle Otsingtsing! Kwom langkya khoma chaxwannu angkya khünaknu kaxfün angkya tamchu sikangün angkya athaxchu otukux omüi?”

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MATHI 26:41

Thwontsing to chidüt angkya hanpakma hunga ngolax ilaxlechu zangjoplax. Chasa ma mongtsule ikoxlechu tsangtsa ma zong müntüi changa.”

MATHI 24:14

Ilaxle Zang Wangting bama ija Kaxho Müikya chaxwannu nok pangnu chito kaxkhi ang apuküi; ija füima tix oshuk hüiüi.

ROM NOK HATO ZAKYA POL LAIZA 1:8

Pongwang ma hünzom pangnu hanpakma, Jisu Khrista makhange kue Zang ang münchong fapu; chemthüikoxle hünzome Jisu Khrista to mongongkya zing zangfange atat ang kople ngole.

MIKNGÜN-OHÜN 11:10

Okhi zikya khoma chaxwannu angkya khünaknu tüle mongmüiüi. Zuikhuibue tata füi hingho ma alüixüi; chemthüikoxle ija aje nyie chaxwannu ma ngokya khünakbu ang tüle tingtui adün.

MARK 14:9

Kue otsing tomtata akaxpu: Chaxwannu ojong pang khato Kaxho Müikya apukle tsaüi hex, ija mixchae mokkya mwot bama she mün texle atakle lax angkya hanpakma wünüi.”

KAXHO MÜIKYA LUK 2:1

Iponge Roman Wangting pangkha towüi khünak akiak angkya chongwangpa Agastas-e kaxkox.

JAKOP 3:12

Fupsa pün tuita ma otuechu olip münziak; grep zu tuita ma otuechu fupsa münziak, ilailaile humlua makhange otuechu tsaothakya ti münlai.

JUHAN 17:6

“Chaxwannu angkya khünak nange ku ang opang koxdao laxpuix, hwom hama kue nang tsing ang koxdaoa. Hwom a nang kux changkya, ikoxle nange ku ang koxpu; hwome nang Kax pongle kopdaoa.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

MIKNGÜN-OHÜN 14:6

Ifüima chaxwannu angkya khünaknu pangnu jat-li, homjen, kaxngao tamchu ting-nok hato ho angkya oshuk chitüikya Kaxho Müikya koplaxle tüle dingkhoza to pile ngokya kaxtaimix mama tuita kue ngün.

MIKNGÜN-OHÜN 16:14

Hwom a ohünotünbu mokle ahokya haxshix chasabu changle. Khüthak Zang Hanpak Nyix azan angkya hanpakma chaxwannu angkya wanghombu komle sele afox ang, ibu chasa azom hwom hato pao.

MIKNGÜN-OHÜN 17:2

Chaxwannu angkya wanghombue she füi chinunchakkai, üntoxle she angkya müi-hi-aji mongzok ju ling laxle chaxwannu angkya khünaknu jutok le changüna.”