MIKNGÜN-OHÜN 3:1 - OTSAO BAIBEL (BSI)

¹ “Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

MIKNGÜN-OHÜN 3:1 ပူးပေါင်းရင်းမြစ်များ

1 TIMOTHI 5:6

ikoxlechu zomnu owae ma mongzom amüi angkya chak to ma alüile koxle thom, ija mixcha a ozün ma tüikoxlechu omang changle.

JAKOP 2:26

Ikhoma, chasa chitüi homtoxle tsangtsa chemle omang changpuix, ilailaile mwot chitüi homtoxle mongongchu wüi omang changle.

MIKNGÜN-OHÜN 1:4

Asia haxtok ma tüikya müimüithom anüt hato Juhan tokhange: Zang owa athax tüipuix, tüikyahex, üntoxle tüi angkya hex chix tokhange; üntoxle chix ngwotnui thüntho ma tüikya chasabu anüt tokhange,

KOLOSI 2:13

Tam a hünzom ochaxbu khoma tamchu wanlom chitüikya mixnokbu changkoxle chasa ma omangbu changkya. Ikoxlechu athax a Zange Khrista füi tomle hünzom a ozün ang achang daoa. Zange kem ochax pangnusa thailak fa;

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

MIKNGÜN-OHÜN 2:19

Nange chem mokpuix kue awan ngole. Nang mongkün, nang mongong, nange thothakya, nange adukya ibu pangwüi kue awanpu. Owang pongkya füichu nange athax ponge wüi süchongle mokle, ija kue awanpu.

KAXHO MÜIKYA LUK 15:24

Chemthüikoxle ija kusa zidaokya changle, ikoxle chix athax azangle tüile; chix maxdaokya, ikoxle athax chix atakdaoa!’ Idaile fongkha ang süt.

MIKNGÜN-OHÜN 1:16

Chix a tsaxchi chak ma lyettsi anüt koplaxle tüikya, ilaxle nongnong-naxkya changlo chix wikha makhange lai. Chix thün a tungto senyan ningle nyanle tüikya.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

EFISIA 2:1

Hünzom kax ma chilaxle hüikya ochax khoma amiba hünzom a chasa lom ma omang changkya.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

MIKNGÜN-OHÜN 4:5

Chongwang tüntong makhange zangchang ajepkyae nyankya, kaxzing tamchu zang adungkyabu lai. Chongwang tüntong ija thüntho ma wünnyan thop anüt chuale tüikya, ija a Zang Chasabu anüt changkya.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

JUHAN 1:33

Kue chix ija mix changle le chiawan; ikoxlechu Zang owae ku tima bapti le fa ang ngui ang tsanpuix, chixe ku ang thüi: ‘Nange owa ma chasa julaxle paxkya ngünüi hex, Otsao Chasa ma baptile fa angkya mix chix changpu!’

JUHAN 1:16

Chemthüikoxle okhonguile tüikya chix chingcha kha angkya, tuita füima tuita le chixe kem to mohimanle.

MIKNGÜN-OHÜN 5:6

Ifüima ozün ma tüikya müi ali hia tüichong mixmüibue akhop laxle chongwang tüntong osung wama Chun Hosa ajongkya kue ngün. Chun Hosa a langdaokya ningle ngün. Ija ma ozong anüt üntoxle omik anüt le tüikya. Ibu a chaxwannu pangkha towüi pao ang tomkya Zang Chasa anüt changle.

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

JUHAN 20:22

Chixe ija kax akax füima, hwom to zak füi mütle thüi: “Otsao Chasa koplax;

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

MIKNGÜN-OHÜN 3:2

Idaile zolax, üntoxle ija komkaile ziüi thoma chem nang ma tüipuix ija zongdong ang koxlax. Chemthüikoxle nange chem mokdaolaxpuix ija Zang miksho ma okho mangui le kue atakdaoa.

MIKNGÜN-OHÜN 3:8

Nange chem mokpuix kue awan ngole; nang ma zong hidaole wüi tüikya kue awan ngopu; nange ku hwon-nwot man to ilaxle ku to mongong tüile hüi. Owaechu hak ang chithokya nang thüntho ma kue tuita ka daple fadaoa.

MIKNGÜN-OHÜN 3:15

Nange chem mokdaopuix kue awanle. Nang a okongchu münchang okhamchu münchangle kue awanpu. Nang a tututa ang changkoxle müise!