MIKNGÜN-OHÜN 22:9 - OTSAO BAIBEL (BSI)

⁹ Ikoxle chixe ku ang thüi: “Nange ile taxchang! Jowanpa mwottho ma kuchu hünzom füi tamchu hünzom tüinao ajebu füi ilaxlechu ija laipex ma tüikya kaxbu ma laxle tüikya pangnusa füi wüi üitho changle. Zang shwomlax!”

MIKNGÜN-OHÜN 22:9 ပူးပေါင်းရင်းမြစ်များ

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

MIKNGÜN-OHÜN 22:10

Ilaxle chixe ku ang thüi: “Ija laipex ma tüikya jekaxbu pyenle thom angkya oli münchang, chemthüikoxle ibu pangwüi changle ngai angkya hanpak chwonle hüingole.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

MÜNCHUAK-TSAI 45:11

Nang sünmüi-johang to wanghompa ang mongzalokya tüiüi; chix a nang kakopa changle, nange chix kax ma lax angkya wüi.

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

MIKNGÜN-OHÜN 22:18

Ija laipex angkya jekaxbu atatkya pangnu füi wüi kue kaxfün koxle akaxpu: Owawae ibu to janbo langle jangchang thüiningle, Zange chix sikngün to janbo langle ija laipex ma tüikya thama faüi.

KAXHO MÜIKYA LUK 4:7

Nange ku to jangshwom thüiba ibibi bakle nang kux ang achangüi!”

2 WANGHOMBU 17:36

Hünzome Jowanpa, owae hünzom chongkya janzüi füi Ijip nok tokya apüile changpuix, ibu kax ma lax angkya changpu. Hünzom ku tong to akhuxüi ilaxle ku ang töbu koxle changüi.

MATHI 4:9

“Chikux athong laxle nange ku to jangshwom thüiningle, ibibi pangwüi kue nang ang faüi”, le baoe akax.

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

MIKNGÜN-OHÜN 22:7

Jisu-e thüi: “Apalax! Ku chwonle wüi nguiüi! Opange ija laipex ma tüikya jekaxbu kax ma laxle tüilaxpuix, ibu mohiman!”