MIKNGÜN-OHÜN 22:2 - OTSAO BAIBEL (BSI)

² khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

MIKNGÜN-OHÜN 22:2 ပူးပေါင်းရင်းမြစ်များ

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

MIKNGÜN-OHÜN 2:7

“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

PONGWANG LAIPEX 2:9

Osün müikya tamchu oziak sax ang tüle müikya pünziak füikya pün oli pangwüi chixe ikhama nyem ang tom. Tsawat osungkha ma khüzün koxkya pün hia omüi-oma pangwüi awan angkya jepün nyemle tüikya.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

WANWÜNKAX 3:18

Jetüi-hwonlangkya mix ang achangkya a mongmüi mix changpu; je-hwone hwom ang khüzün faüi.

MIKNGÜN-OHÜN 22:19

Owawae ija laipex angkya jekaxbu oli tuita ngaxchu awütle jangchang thüiningle, ija laipex ma wünle tüikya khüzün pün angkya pünziak hia Otsao Tingnu angkya chix süntom Zange tswonle paoüi.

MIKNGÜN-OHÜN 21:24

Chaxwannu angkya khünaknu ija wünnyan zung to ahamüi ilaxle chaxwannu angkya wanghombue ija khato hwom tuinabu apüiüi.

MIKNGÜN-OHÜN 21:21

Ngailom bün anyi a liknu bün anyi changkya; ngailom tupong a liknu muakpong füi zing. Tingsho lomnu a hun tsaotsao füi zinglaxle zawan lailaile tsao wüi tsaole tüikya.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

EZEKEL 47:1

Ija mixsüne ku Zangshwom-Hom dünlom to laxlaxle chat. Zangshwom-Hom homthün thale tüikya chima, ija dünlom makhange handün chito jenle jule ti fuakle laingokya kha tuita tüikya. Ija shuasa a Zangshwom-Hom shuathong chikao makhange tö-tsap zongma shuathongchi akaile jenle ju.

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

HOSIA 14:4

Jowanpae thüi: “Kue ku khünaknu tamchatle ku hato apüiüi. Kue hwom to mong makhange zongbakle mongkünüi; athax ku ang hwom füi mongtsikkya müntüiüi.

JEREMIA 17:14

Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

ZEKARIA 14:8

Chemtue ija hanpak nguile hüiüihex, Jerusalem makhange tsaothakya tibu jenüi, ija angkya süifi Omang Tinu to ilaxle süifi a Mediterenian Tinu tole jenüi. Ija a zangwa hia tsonu chisüile zanglao atale jenüi.