MIKNGÜN-OHÜN 21:3 - OTSAO BAIBEL (BSI)

³ Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

MIKNGÜN-OHÜN 21:3 ပူးပေါင်းရင်းမြစ်များ

EZEKEL 37:27

Ikhato ku hwom füi tomle ngoüi; ku a hwom Zang ang ngoüi ilaxle hwom a ku khünaknu ang ngoüi.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

ZEKARIA 8:8

Jerusalem ma ngo angkya hanpakma kue hwom handün hannop tokya chatle apüi angkya changle. Hwom a ku khünaknu ang ilaxle ku a hwom Zang ang ngoüi. Kue hwom thakma mongong-chalom hia sukya kaxfün füi apün-awangle changüi.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

MIKNGÜN-OHÜN 7:15

“Ikhoma hwome nyixfokya to, Zang chongwang tüntong thüntho ma, ajong laxle zangnak zangngai, chix zangshwom-hom ma chix thothale. Chix womlaxle chongwang tüntong ma, thungle tüikya mixe, hwom khosünle thomüi.

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MIKNGÜN-OHÜN 12:10

Ifüima zangkangting to, “Athaxpi Zang khosün hüidaoa! Athaxpi Zange chix chongwangpa changpu le zong ahodoa! Athaxpi chix Messaiah-e, apün-adakya chix zong ahodaoa! Zang thüntho ma ajong laxle, kemtüi kemnao hwom ma; zangnak zangngai to, kaxhux fengokya mix; zangkangting tokya, tswonle awütdaoa.

EZEKEL 43:7

“Ziün angkya khünak, ku ngwotnui ikhama tüile. Ku ikhama Israel khünaknu füi tomle ngo angkya ilaxle othuithuima hwom thakma apünle ngo angkya changle. Athax Israel khünaknue wüi changlax hwom wanghombue wüi changlax owaechu, mixnokbu baozangbu to shwomkya makhange chichangba zan ma maxkya hwom wanghom hwom mangbu akhün laxle ibu chapabu ajongle changkya makhange ku otsao mün amale münchang angkya changle.

1 WANGHOMBU 8:27

“Ikoxle, O Zang, nang a chaxwannu ma ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

2 PUKAX-PANGAO 6:18

“Ikoxle, O Zang, nang a chaxwannu ma sheko hia lüka tham to ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

MIKNGÜN-OHÜN 10:8

Ifüima kue atatkya zangkangting tokya kaxzinge ku füi chatle akax: “Hüilax, ilaxle tinu hia chaxwan dingma ajongle tüikya kaxtaimix chak angkya daple tüikya laitün laxlax!”

MIKNGÜN-OHÜN 10:4

Ibu zangdung anüte ozing alaikya füima kue laiza ang achwonle tüikya. Ikoxchu zangkangting tokya kax zing kue ile atat, “Zangdung anüte akaxkya pyenle naxngokox; ija zale taxkop!”

LAIPAO 25:8

Khünaknue ku hanpakma otsao Nyihom tuita zing angkya wüi changle; ikoxle tix ku hwom khato ngo ang thoüi.

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

1 THESALONIKA 3:11

Hopa Zang hia kem Jowanpa Jisu Khrista-e hünzom sün ngün angkya bama lom daple naxfa hüi!

IBRI 8:2

Khünake münchang ikoxle Jowanpa-e zingkya ataxle tsaokya otsingtsing zangshwom nui makhange chixe Nguakho mwot mokle.

MIKNGÜN-OHÜN 22:3

Ija tingnu ma Zang thuakzom ma womdaokya chemchu chiatak. Zang chix Chun Hosa chongwang tüntong ija tingnu ma ngoüi, ilaxle chix dabue chix tong shwomüi.