MIKNGÜN-OHÜN 20:9 - OTSAO BAIBEL (BSI)

⁹ Chaxwannu pangnu khato chiakle hwom paoüi ilaxle Zang khünaknu thongnui hia chixe mongkünkya tingnu akhople kopüi. Ikoxlechu zangkangting tokya wün düt laxle hwom amütüi.

MIKNGÜN-OHÜN 20:9 ပူးပေါင်းရင်းမြစ်များ

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

EZEKEL 39:6

Kue Magog haxtok hia tinu kax achole tüikya onokbu, ojong khato khünaknu owaechu chipox-chino le ngopuix, ikhato wüi laile changüi, ilaxle noknusa ang ku a Jowanpa changpule tsing ang tomüi.

EZEKEL 38:22

Okak-olak hia aji ajenkya füi kue chix to sikangünüi. Thuple thuple watkya zangwat hia jundütkya, ifüi tomle wün hia khat, ibu a chix tamchu chix süpahibu ding to anaolechu chix chikao ma sele tüikya mixnokbu ding to düt ang tomüi.

EZEKEL 38:9

Chix ilaxle chix süpahibu tamchu chix füi tomle chaxwannu onok obiobi koplaxle, zangchei zangwat bütale single ilaxle haxtok to zangfwom füi chwopkya ningle chwopüi.”

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

MÜNCHUAK-TSAI 106:18

hwom füito azüikyabu ding ma wün düt ilaxle ibu chichang-chizangkya khünakbu zokle ashun.

MÜNCHUAK-TSAI 97:3

Wün chix tunthoma le le ilaxle chix akhople tüikya chix zanpabu zokle ashunle.

MIKNGÜN-OHÜN 13:13

Anyi lükya müi ijae khomatsikkya mwotbu tüle mokle aho. Ijae nok mikngün ma chaxwannu to ding tokya wün düt ang kox.

MIKNGÜN-OHÜN 11:5

Owawae hwom to thama adün ang jang azong thüiningle, hwom wikha angkya wün lailaxle hwom zan max ang tomüi, ile hwom to thama adün ang azongkyabu langüi.

KAXHO MÜIKYA LUK 17:29

Ikoxle Lute Sodom tingkhua dantoxlaxle laile paokya nyix ding tokya zangwat ningle wün hia longkhik düt, ilaxle hwom pangnu lang.

KAXHO MÜIKYA LUK 9:54

Wangshem Juhan hia Jakop nyie ija ngünkya zuma, hokhie thüi: “Jowanpa, hwom tha ama ang kwome ding tokya wün se ang nang mong tsucha hex?”

ISAIA 37:36

Jowanpa kaxtaimix Asiria nok thongnui to ngui ilaxle 185, 000 khünak süpahibu langle tox. Ngainop ningle zangngai thoma hwom pangwüi nguakle omang ma bang!

HUAKE LAIPEX 16:35

Ifüima Jowanpae ajokya wün chuale lai ilaxle ongan müikya tö apüile tüikya 250 khünaknu pangwüi zokle ashun.

HUAKE LAIPEX 11:1

Hwom sikngün bama khünaknue Jowanpa to jua ang süt. Jowanpae ija atatkya zuma chix ang mongtsik ilaxle khünak hato wün ajo. Ijae hwom khama wün alai ilaxle hwom pom okao tuita zokle ashun.

IBRI 13:13

Idaile, chix thünzak tom-han ang kem homtho to laihax.

HABAKUK 1:6

Za-adünkya hia chakjao chidangkya Babilon nok ang kue apün-awangle chang ang tompu. Hwom a chaxwannu akaile mama haxtokbu kop ang zan to ka ang laile.

MIKA 2:13

Zang-e hwom ang lom daple koxüi ilaxle zanda ang ngokya hwom alaile apüiüi. Hwom a tinglongbu pan daple lailaxle mongtex ma ahamle paoüi. Hwom chongwangpa, Jowanpa chix jaoe hwom zunle alaiüi.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

2 WANGHOMBU 6:15

Ngainop ningle swomsae Elisha dapa zolaxle hom angkya homtho to laile pao ilaxle man hia man-kanlinbu füi tinglong akhople ngokya Siria nok süpahibu ngünlelax. Chix Elisha hato chat ilaxle thüi: “Alixachong, kempi maxkya changa, chemle wünüi?”

PONGWANG LAIPEX 19:24

Jowanpae allele Sodom hia Gomorah ding ma chuale ngokya khat zangwat ningle düt ang tom.

KAXHO MÜIKYA LUK 21:20

“Otue hünzome Jerusalem zanbue akhop laxle ngünüi hex, iponge she ama angkya chwonünale hünzome awanüi.

KAXHO MÜIKYA LUK 19:43

Chemthüikoxle zanbue akhople kopkya hanpak nang hato hüiüi; hwome nang kat-wün lom pangnu tsyenüi, ilaxle pangnuchi tokhange nang to singüi.

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

MÜNCHUAK-TSAI 87:2

Israel haxtok angkya mama onui füi chixe Jerusalem tingnu to mongkün.

JOB LAIPEX 38:18

Chaxwannu chemtukux chongpuix ija bama nange ajang tsuakcha? Nange tikle jangtüiba ku kax to lanhüi.