MIKNGÜN-OHÜN 20:4 - OTSAO BAIBEL (BSI)

⁴ Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 20:4 ပူးပေါင်းရင်းမြစ်များ

DANEL 7:27

Zangfang angkya wangtingbu tsak-zong hia chuak-chongkya pangwüi Khüthak Zang khünakbu chak to koxüi. Ija chongwang wangting a tam münmax, ilaxle chaxwannu angkya apün-awangle tüikya noknusae chix thothale chix kax ma laxle ngoüi.”

DANEL 7:18

Ilaxle Khüthak Zang to shwomkya khünakbue ija wangting apünkya tsak-zong a hwom chak ma kopüi ilaxle ija jento hwom chak ma thomüi.”

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

MIKNGÜN-OHÜN 6:9

Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

DANEL 7:22

Ifüima othuithuima ozün ma ngokya mix ngui ilaxle Khüthak Zang khünaknu chima sele kaxfün kaxzakdünle akax.

MIKNGÜN-OHÜN 20:6

Ija pongwang lükya zidaokya azangle zokya khama womkyabu a tüle mongmüi tamchu mohiman changle. Anyi lükya zike hwom to chemthüi ang müntho; hwom a Zang hia Khrista nguapabu ang achangüi, ilaxle hwome chix füi tomle zangpua hajat tuita apünüi.

DANEL 7:9

Chemtue kue hupuix, wanghom tüntongbu onui ma dan. Jento ozün ma ngole tüikya tüntong tuita ma thung. Chix nyi a jun büta tsele tüikya, ilaxle kho a paiput tsaotsao ningle tüikya. Ochakan füikya chix tüntong a wünle wüi khisumle tüikya,

KAXHO MÜIKYA LUK 22:30

Ku Wangting ma hünzome ku tsap ma sax-lingüi, ilaxle Israel homjen bün anyi thakma apün-awang ang hünzom chongwang ngwotnui ma thungüi.

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

MIKNGÜN-OHÜN 15:2

Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

MIKNGÜN-OHÜN 14:11

Hwom fuxtsüikya wün makhange laikya wünkhut othuithuima ding to dongle ngoüi. Ija müi hia chix chapa to shwomkyabu opange ija mün ma münwan koplaxpuix hwom hanpakma zangnak zangngai chemtuechu nazak müntüi.”

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

JUHAN 14:19

Noxta ngokya füima, chaxwannue ku münngünüi, ikoxlechu hünzome a ku ngün ang kopüi; tamchu ku ozün ma tüikoxle hünzom chuwüi ozün ma ngo angkya changle.

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MIKNGÜN-OHÜN 11:11

Hanpak nyix azom okao nui füima, Zang tokhange khüzün zakdün hüi ilaxle hokhi ma nop, ilaxle hokhi ajong, üntoxle ija ngünkyabu pangwüi abüt-aban.

MIKNGÜN-OHÜN 11:3

Kue ku kaxkhi sün anyi pongkhwon za laxlaxle tsanle apaoüi, ilaxle nyix 1,260 bama hwome Zang kaxho apuk apuaüi.”

ROM NOK HATO ZAKYA POL LAIZA 11:15

Chemthüikoxle hwom chilaxkya zuma, chaxwannu a Zang füi zuikhui ang achang. Ikoxle hwom pongle kopkya zuma chemle changüi? Ija a zingo ünkyabu hanpakma khüzün ang changüi!

KAXHO MÜIKYA LUK 1:17

Ajepa Elija ningle otsak-ozong füi, Jowanpa thoma achale chix shongleüi. Chixe hopa hia sasün hwom chatle motom ang koxüi; chixe kax ma chilax kya khünakbu otsao tutex hato chatle apüiüi; chixe sungle ngokya Jowanpa khünaknu chix thoma acha achwonle nui ang koxüi.”

MALAKI 4:5

“Ikoxlechu ipong chongkya hia za-adünkya Jowanpa hanpak nguile hüiüi thoto, kue hünzom hato ajepa Elija ahüiüi.

MARK 9:11

Ilaxle hwome chix ma atüi: “Wanlom nwotmixbue pongwang ma Elija wüi shonghüi kop angkya changle le büthüikoxle thüipuix?”

MARK 6:27

Ijadaile chixe athaxthax wüi Juhan khangtom apüi ang da tuita tsanle apao. Ija da pao üntoxle kunkha to nguilaxle Juhan khang düt;

MARK 6:16

Wanghompa Herod-e ija kax atatlaxle thüi: “Chix a, kue dingsom le lang daokya chatle azangle zokya Juhan changpu!”

MATHI 24:10

Iponge süchong tukuxe mongong danle toxüi; hwome tata khohangüi ilaxle tata thua anule tüiüi.

KAXHO MÜIKYA LUK 14:14

ijama hwome nang to mohimanüi; chemthüikoxle hwome nang ang olüix achatle kox ang chithoüi; ikoxle otsao khünakbu chatle zo ningle Zange nang ang olüix a chatle koxüi.”

MIKNGÜN-OHÜN 1:2

ilaxle chixe ngünkya pangwüi Juhan hama wünle kox. Zang tokhange kopkya kaxho hia Khrista-e angaile fakya otsingtsing bama ija a chix kaxkhi changle.

MIKNGÜN-OHÜN 2:26

Opange zan to lütpuix, opange ku mongtex mwot, oshuk kople mokle hüipuix, Kue hwom ang chaxwanbu, apün angkya tsakzong koxüi;

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

MIKNGÜN-OHÜN 7:3

Kaxtaimixe thüi: “Kwome kem Zang thothakyabu khangpong ma chix shin matop tanto, hünzome chaxwannu chichangba Molo-Tinu chichangba pünzua ang sik shongtax angün.”