MIKNGÜN-OHÜN 2:9 - OTSAO BAIBEL (BSI)

⁹ Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

MIKNGÜN-OHÜN 2:9 ပူးပေါင်းရင်းမြစ်များ

MIKNGÜN-OHÜN 3:9

Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

ROM NOK HATO ZAKYA POL LAIZA 9:6

Israel khünak pangnu wüi Zange zünle kopkyabu chichangkya khoma; kue Zang kaxtsao thaiüna le thüi angkya münchang.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

KAXHO MÜIKYA LUK 6:20

Jisu-e wangshembu to hulaxle thüi: “Mohiman a hünzom zasabu; Zang Wangting a hünzom kux!

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

1 TIMOTHI 1:13

chix thotha angkya ku asukya ang lax ilaxle kamle kopkya khoma kue chix ang münchong fapu. Ikoxlechu Zange ku to chingcha chemthüikoxle ipongma ku ma mongong matüi üntoxle ikhoma kue chemmok laxpuix kue chitsing.

1 THESALONIKA 3:4

Chemthüikoxle kwom hünzom füi ngotanto, ile changüi thoto wüi acha le kem to zothup angkya changle le hünzom hama kwome wündaopu; ilaxle hünzome sümüile awanpu, ija lailaile changtomtapu.

2 KORIN 8:2

Hwome kaile toxdaokya sikngünbu füi hwom ozya ma lüjao wanle ano daokya changle; ikoxlechu ibukuxle hwom chitüi chinang le maxkox ngaxchu hwom ma mongmüi chongle tüikya khoma chakzun ma hwom ozya lyemle mongtsukya tüi.

ROM NOK HATO ZAKYA POL LAIZA 8:35

Jangchang thüiba, Khrista mongkün füi kem owae ajan tsuak angkya? Sikngün tuitai, thang dangkya, zothupkya, chichangba woknuak tilan, otui onuak, thomzün maklax, zikya thama, iningkyabue ajan ang thoüi hia?

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

KAXHO MÜIKYA LUK 22:65

Ile hwome chix zong to adix-adakya kax huanuma akax.

KAXHO MÜIKYA LUK 12:21

Jisu-e ile akaxle ashuk: “Zang miksho ma a, chix ma chemchu chitüi, ikoxlechu ma hanpakma thanu juapa huanuma athünle thomkyabu hanpakma ija ningle changpu.”

ROM NOK HATO ZAKYA POL LAIZA 2:17

Ajang anohu, nange nang Jehudi khünak changpu lea thüi; nang wanlom to onglaxle ngo ilaxle Zang bama tsaichong-kaxbongle chang;

WANGSHEMBU MWOT 26:11

Kue obi thomthom ma hexle sinagok pangkha towüi hwom to zothup ilaxle hwom ang Zang ajao ang kox ang azongpu. Hwom füi mong athukle tsikkya mixnok tingkhua to ma apüile kue hwom zothuppu.”

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

MIKNGÜN-OHÜN 2:24

“Ikoxlechu Taithira nok ma ota tamtüikyabu hünzome ija ochax hwon-nwot man chito; oja ang mamabue ‘zule tüikya bao huxsa mwot’ le nyak Ija hünzome awanle chikop. Kue hünzom ang thüipu: Kue hünzom ang mama hünlix chemchu münfa.