MIKNGÜN-OHÜN 2:7 - OTSAO BAIBEL (BSI)

⁷ “Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

MIKNGÜN-OHÜN 2:7 ပူးပေါင်းရင်းမြစ်များ

MIKNGÜN-OHÜN 2:17

“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.

MIKNGÜN-OHÜN 2:11

“Na azaizaie müimüithombu füi chasae wünkya zangwün apalax! “Opange tholün laxpuix, hwom to zike tamchatle sikngün fa ang müntho.

MATHI 11:15

Hünzom ma na jangzaiba apahüi!

MIKNGÜN-OHÜN 13:9

Owa ma na zaipuix chixe apalax!

MATHI 13:43

Ijama otsaobue ma Hopa Wangting to zanghan ningle nyanüi. Na zaikya mixe atatle koplax!

MATHI 13:9

“Na zaikya mixe apalax”, le akaxlaxle Jisu zangwün ashuk.

WANWÜNKAX 11:30

Otsaoe khüzün fale, changnong-pünthomle tüikyae ija paole.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

KAXHO MÜIKYA LUK 23:43

Jisu-e chix ang thüi: “Otsingtsingma kue nang ang thüipu: Anyix wüi nang ku füi tomle zangkang to ngoüi.”

PONGWANG LAIPEX 2:9

Osün müikya tamchu oziak sax ang tüle müikya pünziak füikya pün oli pangwüi chixe ikhama nyem ang tom. Tsawat osungkha ma khüzün koxkya pün hia omüi-oma pangwüi awan angkya jepün nyemle tüikya.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

MARK 7:15

Kotok tokya noplaxle khünak tuita chitsaokya ang achang angkya olili müntüi; itülüi chix chitsaokya ang achang angkya a, chix mongkha tokya laikyae tix changpu.

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

1 KORIN 2:10

Ikoxlechu Zange kem hato chix Chasa makhange ngaile aho. Chemthüikoxle zukya Zang tutex to lünle Chasae pangnu lomle.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

EZEKEL 28:13

Nang a Zang tsawat kha, Eden ma ngokya, ilaxle thalix long jojojüikyabu nang tsangtsa awangle tüikya. Long ibu a: topaz, beril, kemelin, jaspar, safir, emarel, gamet, ibu changkya. Nang ma hun likwünbu tüihukya. Ibu a nang zingle changpongma nang hanpakma le zing.

WANWÜNKAX 13:12

Chemtue monghom thule akhünpuix, mong thule akhünpu, ikoxle ile changle hüi angkya mongtexe nang ang mong amüile.

2 KORIN 12:4

ilaxle khünak dingdün makhange chiwün tsuak angkya, ilaxle ija bama akax ang owa angchu chitom iningkya zing ikhato chixe atat.

EZEKEL 31:8

Zang tsawat mong angkya sedar tuita chu ija füi apyen ang chitho. Pün tüta ningkya angchu ija ningle okang-olang füi chitüi, Ija powan müikya ningle powan müikya pün tuita chitüi. Zang tsawat kha angkya pün ngaxchu ija ningle osün müikya tuita chitüi.

WANWÜNKAX 15:4

Chingcha zangwüne khüzün apüile, ikoxle mongtsik zangwüne nang chasa thule akhünle.

MIKNGÜN-OHÜN 15:2

Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

MIKNGÜN-OHÜN 14:13

Ifüima kue zangkangting tokya ija kaxzing atat: “Ija zale koplax: Athax makhange opang Jowanpa thothakya mwottho ma zilaxpuix, hwom mohiman!” “Ija changtomtale! Hwome azong le mokle ngokya mwot tokya nazak ang kopüi; chemthüikoxle hwom mwot hwom füito azui angkya changle.”

WANWÜNKAX 3:18

Jetüi-hwonlangkya mix ang achangkya a mongmüi mix changpu; je-hwone hwom ang khüzün faüi.

MARK 4:9

Ilaxle Jisu-e ashuk: “Atat ang na zaikya mixe atatlax!”

KAXHO MÜIKYA LUK 8:8

Üntoxle tsaxtsang züizüi a haxwan Müikya khato düt; ibu tsaxpün tsong ilaxle otsang hopong nguile saxto dün.” Üntoxle Jisu-e ashuk: “Nang ma na jangzaiba apalax.”

1 JUHAN 2:13

Apu-apahom, pongwang tokhange wüi, tüile hüikya mix hünzome awankya khoma kue hünzom hato lai zangopu. Tsünzünhom, hünzome onu-oma to lütdao koxle, kue hünzom hato laiza ngopu.

MARK 7:16

Owawa ma atat angkya na jangtüi apa koplax.”