MIKNGÜN-OHÜN 2:5 - OTSAO BAIBEL (BSI)

⁵ Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

MIKNGÜN-OHÜN 2:5 ပူးပေါင်းရင်းမြစ်များ

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

MIKNGÜN-OHÜN 2:16

Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

MIKNGÜN-OHÜN 2:19

Nange chem mokpuix kue awan ngole. Nang mongkün, nang mongong, nange thothakya, nange adukya ibu pangwüi kue awanpu. Owang pongkya füichu nange athax ponge wüi süchongle mokle, ija kue awanpu.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

EZEKEL 20:43

Ipongma hünzome chemtukuxle zakkop mwot mokle hüidaopuix tamchu hünzom chitsaokya ang achangle hüidaopuix ibu hünzome texle ataküi. Hünzome mokle hüidaokya ochax mwot pangwüi makhange hünzom a alüile nushix dongle thütüi.

KAXHO MÜIKYA LUK 1:17

Ajepa Elija ningle otsak-ozong füi, Jowanpa thoma achale chix shongleüi. Chixe hopa hia sasün hwom chatle motom ang koxüi; chixe kax ma chilax kya khünakbu otsao tutex hato chatle apüiüi; chixe sungle ngokya Jowanpa khünaknu chix thoma acha achwonle nui ang koxüi.”

MALAKI 4:6

Chixe hopa hia sasün hwom tamchatle wonmüi ang tomüi; ile chichang thüikoxle ku nguilaxle kem haxtok a komkaile olithule amadaose.”

ISAIA 1:26

Kaitanto tüikya ningle kue hünzom ang pünpa-chongwangbu hia nguakax-wangkhobu koxüi. Ifüima Jerusalem ang ‘otsao hia mongong tüikya tingnu’, le nyaküi.”

KAXHO MÜIKYA LUK 20:16

Chix nguiüi, üntoxle ibu manzai mixbu pangnu wüi oli thule amütüi üntoxle ija grep haxtok mama manzai mixbu ang koxüi.” Üntoxle ija kax atatkya zuma hwome thüi: “Ile büle changüi?”

MARK 12:9

Jisu-e atüi: “Jangchangba grep haxtok hopupae chemle hwonüi? Chix nguiüi ilaxle mwot mokmixbu pangnu langüi ilaxle ija grep haxtok a mama mix ang koxüi.

EZEKEL 36:31

Hünzome mokle changdaokya ochax hia thaikya mwotbu hünzome texle ataküi, ilaxle hünzom ochax lyenle hia thaile changdaokya khoma ma füi alüile nushix dongle changüi.

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

GALATIA 5:4

Wanlom tokya makhange opang Zang zongto sukya ang achang ang azong laxpuix, hünzom a Khrista füi janüna. Hünzom a Zang chingcha ziamong ma müntüi.

MALAKI 3:4

Ikoxtix amipongkya ningle, Judah hia Jerusalem angkya khünaknue Jowanpa hato apüikya tö chix zongto mongzom ma müikya ang changüi.

ISAIA 14:12

Babilon nok wanghompa, anopningle nyankya lyettsi, nang a zangkangting tokhange dütdaoa! Thochi ma nange chaxwanbu to lütle tsuak, ikoxle athax nang a haxkha to tswonle awütdaoa.

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

MIKNGÜN-OHÜN 16:9

Tüle khamkya ija wün khame hwom to akhatle hat, ilaxle ibu thama thakma owae apünpuix, ija Zang mün to hwome thuakzom; üntoxle fuazangkya achuak achen ang hwom ang mong chichat.

MATHI 5:14

“Chaxwannu hanpakma hünzom a zangngai tuita changle; haxhua ma zingle tüikya tingnu pyen ang müntho.

MATHI 5:15

Owaechu wüntik tuita atsoplaxle khong füi akhuple münthom; ikoxle wüntik a thomnui ma danüi; ikoxtix ijae homkha zang angaiüi.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.