MIKNGÜN-OHÜN 2:3 - OTSAO BAIBEL (BSI)

³ Nange tüle adudaoa, nange ku hanpakma sikngün aponghudaoa, ilaxle nange danle chitox.

MIKNGÜN-OHÜN 2:3 ပူးပေါင်းရင်းမြစ်များ

IBRI 10:36

Zang mongtex mwot mok ang tamchu chixe tsaokyabu kop angkya hanpakma hünzome adu angkya changle.

IBRI 12:1

Kem hanpak ang kaxkhi kox angkyabu kem akhople ija chongkya othom tüile. Ikhoma kem lom tsyenkya pangnu li tamchu kem to mongle kün thomkya ochax füi atsaihax, üntoxle kem thüntho ma tüikya zikkya khato monge texkya füi zik-hax.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

KOLOSI 1:11

Hünzome pangnu li to thuakjokle adu tho angkya hanpakma, chix fuazang zong makhange hüikya zong pangnu füi hünzom tsakzong le naxchang.

JUHAN 15:21

Ikoxlechu hünzom a ku kux changkya khoma, hwome hünzom to ibu pangwüi mokpu. Chemthüikoxle hwome ku tsanle ajokya mix chitsing.

1 KORIN 13:7

Mongküne otuechu danle müntox; ilaxle mongkün ma tüikya mongong, monghom tamchu adukya thaile nuiüi le münchang.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

IBRI 6:15

Abraham ma monglomkya tüi, ikhoma Zange chem tsaosüt thomlaxpuix ija chixe kop.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

IBRI 6:10

Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

2 THESALONIKA 3:13

Ikoxlechu tüinaohom, hünzom a müikya mwot mokkya ma najua angkya oli münchang.

2 KORIN 4:16

Ija khoma otuechu kwom ang mong münhix. Kwom tsangtsa tsün zaze-zazele zatnaile hüile, ikoxlechu kwom chasa tsün a nyixta füima nyixta le sümüile azünle.

2 KORIN 4:1

Zange chix chingcha makhange kem ang ija mwot mok le koxdaoa, ikhoma kwom ang mong münhix.

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

ROM NOK HATO ZAKYA POL LAIZA 8:25

Ikoxlechu keme ngün ang chikopkya to monghomkya jangchang thüiba, keme ija hanpakma adule tan angkya changle.

KAXHO MÜIKYA LUK 14:27

Ku füito ma pünsak pai laxle chihüikya mix ku wangshem ang achang ang müntsuak.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

2 PITAR 1:6

tsingwankya to alüile akumathumkyae bo; ma alüile akumathumkya to adukyae bo; adukya to otsaoe bo;

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

2 KORIN 5:9

Kem hom ikhato wüi changlax chichangba chukha towüi changlax, tüta khato wüi ngokoxlechu, pangnu to nüile keme chix ang mong amüise tsupu.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

KAXHO MÜIKYA LUK 18:1

Mong chihix le othuithuima zangjop angkya changle le chix wangshembu hama apua ang Jisu-e ija kaxpan tuita akax.

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

IBRI 13:13

Idaile, chix thünzak tom-han ang kem homtho to laihax.

1 TIMOTHI 5:17

Mixpa tüichongbu opange lompabu ang achang laxle müikya mwot mokpuix, hwom ang othom anyi tsyen amün kox angkya asule tüile, tamnüilechu hwon-ano ang tamchu anwot-ano ang azongle opange moklaxpuix, ibu ang.

2 THESALONIKA 3:8

Omün chifa homtoxle ngat to owawae fongkya kwome pongle chikop. Itülüi kwome mokpu üntoxle thangpu; hünzom opupu zong tochu kwom tuita thabakkya ang nakchang ünkox le kwome nak-hex ngai-hex mwot mokpu.

2 THESALONIKA 3:5

Jowanpa mongkün tsingwankya süchongkya hato tamchu Khrista ang fakya adukya hato Jowanpa-e hünzom naxzun hüi.

1 THESALONIKA 2:9

Kutüi kunaohom, kwome mokdaokya hia sikngün apong daokya, hünzom mong ma tüiün angpu! Zang tokhange hüikya Kaxho Müikya hünzom hato apuk-apuakya zuma hünzom zongto kwom tuita tingtui dongle nakchang ünkox le kwome zangnak zangngai mwot mokpu.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

GALATIA 6:2

Tata jua fongle tüikox, iletix hünzome Khrista wanlom kax ma laxle tüiüi.

2 KORIN 10:15

Ikhoma Zange kwom ang koxkya zia akaile mokle lekya mix mwot bama kwom münngam. Itülüi, Zange koxle thomkya mwot ziathüt mong ma, hünzom mongong ma tsong angkya ilaxle kwome hünzom khato süchongkya mwot tsuak angkya hanpakma kwome monghompu.

2 KORIN 6:5

Kwom to chak mokpu, kun to shopu, ilaxle tuwuk adünpu; kwome mwotnüi mokpu ilaxle chijip chipom homle chichangba chisax chiling homle akaipu.

ROM NOK HATO ZAKYA POL LAIZA 16:12

Jowanpa mwottho ma sütkya Traifania hia Traifosa nyi, ilaxle ku zuikhui Parsi, owae Jowanpa hanpakma huanuma mwot mokdaopuix, hwom pangnu hato ku salam.

KAXHO MÜIKYA LUK 21:19

Shingmongle ajonglax, ikoxle hünzome makho alüile azün ang thoüi.

MARK 15:21

Sereni nok Simon (Alekjendar hia Rufa nyi hopa) tingkhua tokya nguiüi hwom füi apong. Pünsak pai angkya süpahibue chix atsangle hwom füito pao.

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

MÜNCHUAK-TSAI 69:7

Ku thajao-wünhaikya a nang hanpakma changle ilaxle ku a thünzake akhup laxle tüile.

1 THESALONIKA 5:12

Opange hünzom khristan tsün lom ma zun ilaxle adangle fa ang hünzom khama mwot mokle tüipuix, hwom to olom ma chathua zakya tüikox le, tüinaohom, kwome zingmüi ma hünzom füi chingcha jule akaxpu.

1 KORIN 16:16

iningkya lompabu üntoxlechu hwom füi tomle saxmokkyabu füito azuilax.

KAXHO MÜIKYA LUK 5:5

Simon-e lan: “Kwome jamütungle sha thuppu ikoxle tuita ngaxchu chikop; nange ile jangthüiba kue sha thuple anohuhax.”