MIKNGÜN-OHÜN 2:14 - OTSAO BAIBEL (BSI)

¹⁴ Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

MIKNGÜN-OHÜN 2:14 ပူးပေါင်းရင်းမြစ်များ

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

HUAKE LAIPEX 31:16

Texle ataklax, Balam kax ma lax üntoxle Peor ma khünaknu ang Jowanpa zongto mong chiongle tüi ang tomkya a shekobu mwot münchangdai hia? Ija khokho ma Zang khünaknu hato kaknu-laknu le ang tompu.

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

JIHUSUA 24:9

Ifüima Moab nok wanghom, wanghompa Balak, Zippor sasün, chix hünzom füi azan. Chixe Beor sasün Balam hato kaxho akatle hünzom to thuakzomle chang angkya kaxkox.

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

WANGSHEMBU MWOT 21:25

Ikoxle mongong mixbu ang achangle hüikya mixnokbu hanpakma ‘chapabu ang koxkya süt taxsax; aji taxsax; üntoxle aji chiajen homle langkya müi chemchu taxsax; üntoxle hünzom chinunchakkai mwotbu füi malualua to atsaile ngolax’ le kwome wündaokya kax laiza le apuadaoa.”

HUAKE LAIPEX 31:8

Ikhama Midi nok wanghombu ibibi wom: Ewi, Rekem, Zur, Hur, ilaxle Reba. Hwome Beor sasün Balam chuwüi lang.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 KORIN 7:2

Ikoxlechu chinunchakkaikya huanuma tüikya khoma lüka nok ang wüi ma kakonu tupong tüi angkya olom changle, ilaxle sheko angchu wüi ma kakopa tüi angkya changle.

MATHI 18:7

Chaxwannu hanpakma khompuatsi le; chemthüikoxle khünaknu ochax to adüt angkyadu olom tüihule! Ija ningle jento changle ngo angkya jao, ikoxlechu owa makhange ibu chang ang tompuix, chix maxsax.

EZEKEL 3:20

“Müikya khünak owawa ochax mwot mok ang süt ilaxle kue chix hato thama ahüi, ija bama nange chix ang kaxkhün chikox thüiningle chix a zile paoüi. Chix a chix ochaxbu khoma zilaxpu: chixe mwotmüi mokle changdaokyabu texle münngo: ilaxle chix zikya bama kue nang ma feüi.

HUAKE LAIPEX 24:14

Balam-e Balak ang thüi: “Athax ku a ma khünakbu hato chatüi, ikoxlechu ku chatüima, athax füichima Israel khünakbue hünzom to chemle moküihex, ija bama kaxkhün koxle toxfang.”

ROM NOK HATO ZAKYA POL LAIZA 14:21

Ma füikya mongong üitho tuita ochax to adüt angkya oli mwot chimok, müi-nyax chisax, ju-khan chilingle ibu füi atsai ngokya wüi tuita sukya mwot changpu.

ROM NOK HATO ZAKYA POL LAIZA 14:13

Idaile kemepi tata bama kaxfünkya zakünhax. Itülüi, nang mongto mongzangwünle tsuak angkya a ija changle: Nang tüi-hi-nao asuakya li, chichangba ochax to adüt angkya oli chemchu chimok angkya hanpakma.

EZEKEL 44:12

Ikoxlechu Israel khünakbu hanpakma hwome chapabu to shwomkya mwot moklaxle khünaknu ang ochax lyen ang tomle changdaokya khoma, Jowanpa Khüthak Zang, kue otsingtsing ma tsaosaxle akaxpu, kue hwom to sikangün angkya wüi changpu.

JEREMIA 6:21

Ikhoma kue ibu khünak ang chikho thule nguak ang tomüi. Nu-pa hia su-sa hwom zile paoüi, ija lailaile zuikhui hia tomzi-longzibu chuwüi changüi.”

MIKNGÜN-OHÜN 2:4

Ikoxlechu nang ang kue thüipu: Ami owang pongkya ningle nange ku to mongkünkya müntüi.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

ROM NOK HATO ZAKYA POL LAIZA 11:9

Ilaxle Dawid-e thüi: “Hwom fongkhat ma womhax oman; hwom naxnguak, hwom sik naxngün!

ROM NOK HATO ZAKYA POL LAIZA 9:32

Hwome ija büthüikoxle chiatak? Chemthüikoxle hwome chem mokpuix ija a mongong ma chichang homle mokkya mwot ma afün laxle mok. “Chikho asua angkya long” ma hwom chikho asuale lax.

ISAIA 57:14

Jowanpae thüile: “Ku khünakbu ku hato chat ang tomkox. Hwom lomtang angkya obax-obang pangwüi apaokox! Lomnu zingkox, ilaxle ija achwonle zinglax!