MIKNGÜN-OHÜN 19:9 - OTSAO BAIBEL (BSI)

⁹ Ifüima kaxtaimixe ku ang thüi: “Ija zalax: Chun Hosa aju-asomkya püntuxkya to ahyenkyabu mohiman.” Kaxtaimixe chatlechu thüi: “Ijabu a otsingtsing Zang kaxbu changle.”

MIKNGÜN-OHÜN 19:9 ပူးပေါင်းရင်းမြစ်များ

MIKNGÜN-OHÜN 22:6

Ifüima kaxtaimixe ku ang thüi: “Ibu kax a otsingtsing tamchu mongong tüiangkya changle. Üntoxle Jowanpa Zang owae ajebu ang chix chasa fapuix, chixe chwon chwonle wüi chem chang angkya tüipuix ija chix dabu hato aho angkya hanpakma kaxtaimix tomle apao.”

MIKNGÜN-OHÜN 21:5

Ifüima chongwang tüntong ma thungle tüikya mixe thüi: “Athaxpi kue pangwüi hozün ang zingdaoa!” Chixe ku angchu wüi thüi: “Ija zalax, chemthüikoxle ibu a otsingtsing tamchu mongong tüiangkya kaxbu changle.”

MIKNGÜN-OHÜN 1:19

Idaile nange ngünkya jali, athaxkyachu üntoxle füima chang angkyachu pangnu zale kopkox.

MIKNGÜN-OHÜN 3:20

Apalax! Kue fülom ma ajong laxle kahak to hongpu; owawae ku kaxzing atatlaxle ka daple jangfa thüiba, ku chix hom to noplaxle chix füi tomle fongsaxüi, üntoxle chixe ku füi tomle fong saxüi.

HABAKUK 2:2

Jowanpae ku ang kaxlan ija fa: “Nang hama kue chem ngaile ahopuix, tam mik-hu mawüi ele tsuakkya lima, longkhaobu ma tsaothale zale koplax.

MIKNGÜN-OHÜN 14:13

Ifüima kue zangkangting tokya ija kaxzing atat: “Ija zale koplax: Athax makhange opang Jowanpa thothakya mwottho ma zilaxpuix, hwom mohiman!” “Ija changtomtale! Hwome azong le mokle ngokya mwot tokya nazak ang kopüi; chemthüikoxle hwom mwot hwom füito azui angkya changle.”

MIKNGÜN-OHÜN 10:4

Ibu zangdung anüte ozing alaikya füima kue laiza ang achwonle tüikya. Ikoxchu zangkangting tokya kax zing kue ile atat, “Zangdung anüte akaxkya pyenle naxngokox; ija zale taxkop!”

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

MIKNGÜN-OHÜN 3:1

“Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

MIKNGÜN-OHÜN 2:12

“Pargama ma tüikya müimüithom kaxtaimix hato zalax: “Ija kaxho a nongnong-naxkya changlo owa ma tüipuix, chix tokhange hüikya changle.

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

ISAIA 8:1

Jowanpae ku füi akax: “Zale koppüli jali chongkya tülaxlax ilaxle ija ma kaxmuakbu chongle zalax: ‘Allele Sing, Lebama Tswonle Pao’, le zakoplax.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

2 TIMOTHI 2:11

Ija kax a otsingtsing changle: “Kem chix füi tomle jangzi daoba, kemchu chix füi tomle ngoüi.

1 TIMOTHI 4:9

Abakle pongle kop angkya tamchu mongong angkya kax ija a otsing tomta changle.

1 TIMOTHI 1:15

Changpu le pongle kop angkya hia ong angkya bama: Khrista Jisu a chaxwannu to ochaxbu sün ang nguipu. Ku a hwom khama sümakya ochax khünak tuita,

KAXHO MÜIKYA LUK 22:16

chemthüikoxle kue hünzom ang thüipu, Zang Wangting to ija angaile changle ma-aho tanto kue ija fong chatle tam münsaxüi.”

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

MIKNGÜN-OHÜN 17:1

Ifüima kaxtaimix anüt kha angkya tuita anüt lükya pe koplaxle tüikya mixe ku hato hüilaxle thüi: “Oman, kue nang hama fuale wünkya tsahangcha, thüikoxle shuajenbu hama zingle tüikya chongkya tingnu tuita to chem sikangün angkya hex ahofang.

MIKNGÜN-OHÜN 17:17

Chemthüikoxle Zang kax changle mangai tanto hwome notom le saxmokkya hia apün-ada angkya hwom tsakzong müi ang koxkya tokhange chix mongtex mokle le angkya hanpakma Zange hwom kün-mongto mongtsukya tutex fadaoa.