MIKNGÜN-OHÜN 17:8 - OTSAO BAIBEL (BSI)

⁸ Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 17:8 ပူးပေါင်းရင်းမြစ်များ

MIKNGÜN-OHÜN 17:11

Üntoxle müi oja tam ozün ma tüikya hex, ikoxlechu athax ozün ma tamchitüi, chix a achyet lükya wanghom changpu. Chixchu wüi anüt khama tuita ilaxle amüt angkya nui to chixchu wüi pao angkya changle.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

MIKNGÜN-OHÜN 3:5

Zan to lütdaokyabu ang ija lailaile nyi tsekya awunle koxüi, ilaxle khüzün Laipex angkya hwom mün otuechu münamüt. Apa thüntho ma tamchu kaxtaimixbu pomtho ma hwom a ku kux changpu le kue ngaile akaxüi.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MIKNGÜN-OHÜN 20:12

Üntoxle chongwang tüntong thüntho ma mangbu, chongkya hixkya talailaile ajongkya kue ngün. Laipexbu dap, ilaxle mama laipexchu dap, ija a khüzün Laipex. Laipexbu ma chemle bangpuix, ija ningle hwome ma mwot füifüi to zidaokyabu ang kaxfün fa.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

DANEL 7:11

Kue hule ngopongma, ija müizong ahixpüsae zamanle tsaichong-kaxbong ngokya zing kue atat. Kue hule ngopongma wüi ali lükya müi langle awüt, ilaxle chix mang a wün chuale ngokya khato tswonle awütle max ang tom.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

DANEL 11:45

Chixe chongkya chix wanghom Nyihom tinu hia haxhua nyi zo ma, Zangshwom-Hom ajongle tüikya khama zingüi. Ikoxle chix to asunle fa angkya mix tuita chitüile chix a zile paoüi.”

DANEL 7:26

Ifüima zangkangting kaxfün khwa ma kaxfün ang thungüi, ilaxle chix tsak-zong chix angkya paoüi, ilaxle chix a okothomle amütüi.

DANEL 7:7

Kue hule ngopongma wüi ali lükya müi lai. Ija a tsak-zong huanuma tüikya, khompuatsik le za-adünkya müi. Faix-tangtangkya jan wa füi akopkop shaole sax, ilaxle chixe ibu to cha füi nakle tox. Mama müibu füi ajele ija ma ozong bün tüikya.

1 PITAR 1:20

Chix a, chaxwannu zingüi thoto wüi Zange kamle kopdaokya mix tuita üntoxle hanpak oshuk nguile hüi pongma hünzom hanpak ang chix ngai.

MÜNCHUAK-TSAI 69:28

Khüzün Laipex angkya hwom mün fwotle naxamütkox; ilaxle hwom a nang khünaknu münzakya khato naxathütkox.

DANEL 7:3

Tinu kha tokya chongkya müi ali laile hüi, ilaxle müi ibu a mai mali.

KAXHO MÜIKYA LUK 8:31

Chingchalaxle othong chitüikya tswom khato kwom taxawütünfa le haxshixbue Jisu ma chingcha ju.

KAXHO MÜIKYA LUK 10:20

Ibachu haxshix chasabue hünzom kax ma laxkya khoma hünzom ang mong taxmüi, itülüi zangkangting to hünzom mün zale tüikya khoma mongmüilax.”

MIKNGÜN-OHÜN 17:2

Chaxwannu angkya wanghombue she füi chinunchakkai, üntoxle she angkya müi-hi-aji mongzok ju ling laxle chaxwannu angkya khünaknu jutok le changüna.”