MIKNGÜN-OHÜN 17:4 - OTSAO BAIBEL (BSI)

⁴ Ija mixchae lumle khikya hia khisumkya nyi lax üntoxle hun, thalix long, liknu, ibu füi zingkya lik-wün she tsangtsa awang le tüikya. Ilaxlechu she chak ma nushix dongkya tamchu she chinunchakkai chitsao chithakya mwote awang laxle hun pe tuita tüikya.

MIKNGÜN-OHÜN 17:4 ပူးပေါင်းရင်းမြစ်များ

MIKNGÜN-OHÜN 18:16

ilaxle thüiüi, “Ku taxaza! She zongma chemtukuxkya thama hex! She-e jaknyi, baxnat, nyikhikbu awun; thalix long hia liknu, ibu füi zingkya likwün füi, aza-apua laxle tüikya changdai!

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

MIKNGÜN-OHÜN 18:12

Hwom angkya hun, khop, thalix long, jaknyi, baxnat, nyimüi hia nyikhikbu; ongan müikya pün oli pangwüi, luak-zong füi zingkya mwot-kat pangnu li, otha ngamkya pünbu makhange zingkya mwotkatbu, tamchu khop, jan üntoxle haxwa-longwa, ibu füi zingkya mwotkatbu;

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MIKNGÜN-OHÜN 14:8

Anyi lükya kaxtaimixe owang angkya füima azuile thüi: “She nguaküna! Tüle zaxzangle tüikya Babilon nguaküna! She-e ma müi-hi-aji mongzokkya ju ozya khünaknu noke ling ang tom!”

DANEL 11:38

Itülüi, zanhunui ziakople thomkya baozang towüi chixe achuak-achen. Chix pupa hwome shwom-tole machangkya baozang ang chixe hun, khop, likwün hia thalix hingho chakzunbu koxle changüi.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

EZEKEL 24:11

Athax wi tik ohua a wündix dingma dankox ilaxle ija khile kham ang tomkox. Ima tüikya tikmakbu zokle ashunkya füima ija tik a tamchatle otsao ang achangüi.

1 WANGHOMBU 14:24

Pangnusa füi amakya ibu baozang shwomnuibu to sheko hia lüka ma tsangtsa hangkya khünakbu tüikya. Israel khünaknu ija haxtok to nguipongma mixnokbue chem mokpuix, iningkya zakkop mwot ibu pangwüi Judah khünakbue mok.

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

IZRA 9:11

nang dapabu, aje hwom makhange nange fakya kaxtom kax ma chilaxle tüidaoa. Hwome kwom hama kwome koplax angkya haxtok a chitsaokya haxtok changle chemthüikoxle ikhama ngole tüikya khünaknue kaochi makhange atakao kople nushix dongkya hia chimüikya mokkya mwotbue amünle tüidaoa.

EZEKEL 20:30

Athaxpi Israel nok hama kue akaxle ngokya ija kax apuakox: Hünzome büthüikoxle hünpu hünpa hwome mokle hüikya ochax mokle hwom chapabu hato pao angkya?

2 WANGHOMBU 21:2

Chix khünaknu ngui pongma Jowanpae ija haxtok angkya jwonle apaokya nok zanglom tole nushix dongkya mwot mokkya tokhange chixe Jowanpa zongto ochax lyen.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

TSAITONG-KAXTONG 29:17

Pün, long, khop hia hun, ibu füi zingle tüikya, ibu nok baozang chapabu hünzome ngünle hüipu.

ISAIA 66:3

“Khünaknue hwom zongma chemle müipuix ija ningle mok. Tö ang kox angkya hanpakma maihupong tuita langpuix chichangba khünak tuita langpuix hwom zongto tuitata wüi changle; hwome chun hosa tuita to koxle wüi changlax hisa tuita ngom azople wüi changlax; hwome saxziak tö koxpuix chichangba wak aji koxpuix, hwom zongto tuitata wüi; ongan müikya zo zokle changpuix chichangba chapa tuita to shwomle changpuix, hwom zongto tuitata wüi. Hwome ile dyenlale shwom-tole changkya olom hwom zongto müihule.

EZEKEL 28:13

Nang a Zang tsawat kha, Eden ma ngokya, ilaxle thalix long jojojüikyabu nang tsangtsa awangle tüikya. Long ibu a: topaz, beril, kemelin, jaspar, safir, emarel, gamet, ibu changkya. Nang ma hun likwünbu tüihukya. Ibu a nang zingle changpongma nang hanpakma le zing.

MIKNGÜN-OHÜN 9:21

Tamchu mix langkya, khunkya, chinunchakkai chichangba ahux-alopkya, iningkyabu tokya hwom ang mong chialüix.

MIKNGÜN-OHÜN 21:21

Ngailom bün anyi a liknu bün anyi changkya; ngailom tupong a liknu muakpong füi zing. Tingsho lomnu a hun tsaotsao füi zinglaxle zawan lailaile tsao wüi tsaole tüikya.