MIKNGÜN-OHÜN 17:3 - OTSAO BAIBEL (BSI)

³ Ku ma chasa wang, ilaxle kaxtaimixe ku faokha to pao. Ikhato kue khisumkya müi tok ma thungdao le mixcha tuita ngün; ija müi ma Zang mün ama le zakyabu okhui apongle tüikya. Ija müi ma okhang anüt üntoxle ozong bün le tüikya.

MIKNGÜN-OHÜN 17:3 ပူးပေါင်းရင်းမြစ်များ

MIKNGÜN-OHÜN 12:3

Chatlechu ding to khomatsikkya mama mowan tülai. Khisumkya tamchu tüle chongkya okhang anüt füikya, ozang bün tüikya üntoxle okhang ma tyale khohom sünle, le dragon tuita lai.

MIKNGÜN-OHÜN 17:18

“Nange ngünkya mixcha a chaxwannu wanghombu pangnu thakma apün angkya chongkya tingnu tuita changle.”

MIKNGÜN-OHÜN 12:6

Ija mixcha a hwome she to humele nyix 1,260 thom angkya hanpakma Zange achwonle tüikya nui, ija faokha to paole she azün.

MIKNGÜN-OHÜN 17:4

Ija mixchae lumle khikya hia khisumkya nyi lax üntoxle hun, thalix long, liknu, ibu füi zingkya lik-wün she tsangtsa awang le tüikya. Ilaxlechu she chak ma nushix dongkya tamchu she chinunchakkai chitsao chithakya mwote awang laxle hun pe tuita tüikya.

MIKNGÜN-OHÜN 12:14

Dragon zansing chak tokya she paole azang tho angkya hanpakma, zanglao azom boma lyetkua azok hwome she to humele thom angkya nui, ija faokha to pile nguitsuak angkya kuxma she ang chongkya ola lanu ozang anyi kox.

DANEL 7:25

Chixe Khüthak Zang adix-adale akaxüi ilaxle Zang khünakbu to zothuple changüi. Chixe ibu zanglom tüikya wanlombu hia hwom pangpwonbu mamale lüi ang azongüi, ilaxle chix tsak-zong chak fang ma Zang khünakbu a zanglao azom lyet azok ngoüi.

DANEL 7:20

Ilaxle kue chix khang ma tüikya müizong bün bamachu tsingle laxse tsu, tamnüile chu ofüima zongzün tuita donglaxle tüi ngoünkya ozong azom adüt. Ija ma omikbu hia otun zailaxle tüikya. Ija füi tüile tsaingam-kaxngam le zangwün; ija bama kue tsingle laxse tsu. Ija a mama müibu pangwüi füi za-adünle tüikya.

DANEL 7:8

Kue hule ngopongma, ibu ozongbu obama mama zongzün tuita dongle hüikya kue ngün. Ijae laile ngoünkya ozong azom butle adüt. Ija müizong ma khünak mik hia tun tuita tüikya, ija tun makhange kax achongchong akax.

MIKNGÜN-OHÜN 21:10

Üntoxle chasa ma chixe ku tüle tsuakya tuita haxnu kho to pao. Zang tokhange, zangkangting tokya juüi, tuita Otsao Tingnu Jerusalem chixe ku hama aho.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

EZEKEL 3:12

Ifüima Zang chasae ku nwon, ilaxle ku tokfüichi makhange tüle-tüle chongkya kaxzing tuita kue ile atat: “Zangkangting thakchi to Jowanpa fuazangkya achuak kox!”

TSAITAX-NGAONÜI 8:5

Sak-haxchi tokya nguile ngokya chuja owahex, mongkün shem füi akün-künshi lea? Apel pünsum fang ma kue nang azwotpu, ojongkha ma nang puxpuix, ikhama a.

MIKNGÜN-OHÜN 1:10

Jowanpa sedongkya nyix chasae ku awang, ilaxle ku nuakfüi tokhange nyazong tuita mütkya zing lailaile ozing zongkya tuita kue atat.

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

2 WANGHOMBU 2:16

Hwome chix ang thüi: “Athax hulax, nang thothale ngokyabu füi tomle, nang tunthoma mixtsak-naomüi hwom sün 50 tüile; nang hopunu lom ang ibu tsanle apaokox; ile chichang thüiningle Zang Chasae nwonle dünlaxle chix a ojongjong haxnukho to chichangba haxbang khato adütle chuwüi thomtüilax.” Elisha-e lan: “Ile münchang, hünzom a chipaoüi.”

1 WANGHOMBU 18:12

Jowanpa Chasa makhange ku tok füima lüile nang chingün-chizik chaxwan to pikle paole jangchangba? Ifüima kue Ahap hama nang ikhama tüile le wünkoxüi, ikoxle chixe nang chiatakle changkya zuma, chixe ku langle awütüi. Ku naosa ma tüitan tokhange wüi mongkoxle Jowanpa to shwomkya mix tuita changpule texle ataklax.

MIKNGÜN-OHÜN 4:2

Allele chasae ku awang. Zangkangting ikhato owawa thungdao le chongwang tüntong tuita tüikya.

WANGSHEMBU MWOT 8:39

Okhi tikha tokya laikya zuma Jowanpa Chasae Filip tswonle pao. Ija alixachonge chix tamchatle chingün, ikoxlechu mongmüi atungle chix hom to chat.

MATHI 27:28

Hwome chix nyi sik ilaxle nyikhike awunle kox.

MIKNGÜN-OHÜN 18:12

Hwom angkya hun, khop, thalix long, jaknyi, baxnat, nyimüi hia nyikhikbu; ongan müikya pün oli pangwüi, luak-zong füi zingkya mwot-kat pangnu li, otha ngamkya pünbu makhange zingkya mwotkatbu, tamchu khop, jan üntoxle haxwa-longwa, ibu füi zingkya mwotkatbu;

MIKNGÜN-OHÜN 18:16

ilaxle thüiüi, “Ku taxaza! She zongma chemtukuxkya thama hex! She-e jaknyi, baxnat, nyikhikbu awun; thalix long hia liknu, ibu füi zingkya likwün füi, aza-apua laxle tüikya changdai!