MIKNGÜN-OHÜN 16:9 - OTSAO BAIBEL (BSI)

⁹ Tüle khamkya ija wün khame hwom to akhatle hat, ilaxle ibu thama thakma owae apünpuix, ija Zang mün to hwome thuakzom; üntoxle fuazangkya achuak achen ang hwom ang mong chichat.

MIKNGÜN-OHÜN 16:9 ပူးပေါင်းရင်းမြစ်များ

MIKNGÜN-OHÜN 16:21

Tüpong tüpong chongkya jun, tuak punyi bün pong lixkyabu ding tokya düt, ilaxle jun makhange apüikya thamabu khoma Zang to thuakzomle changkya khünaknu ding to ibu düt ang tom, chemthüikoxle ibu thama a tüle chongkya sikngün changle.

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

KAXHO MÜIKYA LUK 13:5

Kue hünzom ang thüipu: Münchang! Ikoxle mong chialex jangthüiba hünzom chuwüi ilailaile maxüi.”

KAXHO MÜIKYA LUK 13:3

Kue hünzom ang thüipu: Münchang! mong chialex jangthüiba, hünzomchu pangnu wüi hwom lailaile max angkya ataküi.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

ISAIA 8:21

Khünaknu a chaxwan faole ahamüi; hwom mong athoüi ilaxle woknuak tilan ma maxüi. Hwom woknuak ma tamchu hwom mongtsik ma hwome ma wanghom hia ma Zang to thuakzomle changüi. Hwome zangkho chito hukoxlax

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

2 WANGHOMBU 6:33

Chixe ija kaxchu ashukpu, wanghompa nguilaxle chix ang thüi: “Kem hato ija thama apüikya a Jowanpa chix jaoe apüikya changle! Chixe tütali mok angkya tha kue omalax ang tanngoüi hexmi?”

JIHUSUA 7:19

Jihusua-e chix füi akax: “Ku sasün, ikhama Jowanpa, Israel nok Zang tunthoma otsingtsing ngailax. Nange chem mokdaopuix, ija ku hama ngaihüi. Nange ku miksho ma pyen ang taxazong.”

JEREMIA 13:6

Hanpak noxta ngokya füima Eufrat hato paolaxle ibu nyi apüi angkya Jowanpae ku füi akax.