MIKNGÜN-OHÜN 15:4 - OTSAO BAIBEL (BSI)

⁴ Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

MIKNGÜN-OHÜN 15:4 ပူးပေါင်းရင်းမြစ်များ

MÜNCHUAK-TSAI 86:9

Nange zingle alaikya jat-li pangnusae wüi nang tong to nguilaxle akhuxüi; nang chongkya hwome achuak-achenüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

JEREMIA 10:7

Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

ZEKARIA 14:16

Ilaxle Jerusalem zan to kale changdaokya jat-libu khama ota toxle tüikyabu pangwüi zangfokya to ikhato Jowanpa Khüthak Zang to shwom ang nguiüi ilaxle ikhato hwome Pomsa Pangpwon saxüi.

ISAIA 25:3

Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

ISAIA 45:23

Ku kaxtsao a otsingtsing changpu, ilaxle ija alüix angkya münchang. Ikhoma ku chemle tüipuix ile kue tsaosaxpu; Noknusa wüi ku hato nguiüi ilaxle akhuxüi ilaxle ku kax ma laxle ngo angkya tsaosaxüi.

MIKNGÜN-OHÜN 4:8

Ibu ozün ma tüikya müi pangnu ang wüi ozang azok pong tüikya, üntoxle ibu a, omong tochu otok tochu mik füi awang le tüikya. Zangnak zangngai hwome ija ngaokya chizak: “Otsao, otsao, Otsao, Opunu khüthak Zang; Owa tüikyahex, tuipuix, üntoxle tüi angkya hex.”

1 PITAR 1:16

Otsao Lai-e thüile: “Nang otsao ma ngolax chemthüikoxle ku a otsao changle.”

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

MIKNGÜN-OHÜN 16:7

Ifüima zomtong makhange akaxkya kaxzing kue ile atat, “Jowanpa Khüthak Zang! Nang kaxfün otsingtsing, tamchu sukya changle!”

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

ISAIA 26:9

Mong makhange zongbakle zangnak ma kue nang sung; chemtue nang ija chaxwannu hia ija khünaknu kaxfünle changpuix, hwom pange wüi sukya chem hex ija awanle laxüi.

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

ROM NOK HATO ZAKYA POL LAIZA 15:9

Zang a otsingtsing changle le aho angkya Khrista Jehudi nok ang achang. Otsao Lai kax ningle, “Idaile kue mixnokbu khato, nang ang münchong faüi; kue nang achuakle tsai ngaoüi.”

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

ISAIA 6:3

Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

MIKNGÜN-OHÜN 6:10

Hwome azaxle akhong: “Khüthak Jowanpa, Otsao üntoxle Otsingtsing! Kwom langkya khoma chaxwannu angkya khünaknu kaxfün angkya tamchu sikangün angkya athaxchu otukux omüi?”

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

MÜNCHUAK-TSAI 105:7

Jowanpa a kem Zang changle; chix kaxtombu a chaxwannu pangnu hanpak changle.

MÜNCHUAK-TSAI 99:9

Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.

MÜNCHUAK-TSAI 22:3

Ikoxlechu nang a Otsao Tuita ang tüntong ma thongle tüipu, nang a Israel noke achuakkya Zang changpu.

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

ISAIA 60:5

Hünzom ija ngün ang kopüi ilaxle mongmüi atungle changüi; Zongbakle mongmüikyae hünzom asuaüi. Chaxwannu nok angkya tuinabu hünzom hato apüiüi; Molo-Tinubu akaile hwom okop-olwotbu nguile hüiüi.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 24:15

ilaxle handün chito tüikyabue chix achuaküi. Molo-Tinu ajole tüikya khünakbue Jowanpa, Israel nok Zang achuakle changüi.

MÜNCHUAK-TSAI 99:5

Jowanpa kem Zang achuak kox; chix tüntong tunthoma achuak kox! Chix a Otsao changle!

MÜNCHUAK-TSAI 97:8

Zaion angkya khünaknu mongmüile, ilaxle Judah angkya tingnubu pwonla dongle Jowanpa, nang kaxfünbu khoma a.

MÜNCHUAK-TSAI 22:23

“Hünzom Jowanpa dapa hwom! Hünzom Jakop su-sa hwom, hünzome chix achuak kox! Hünzom Israel khünakbu, hünzome chix tong shwomkox!

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

MIKNGÜN-OHÜN 16:5

Ti to hu ang ngokya kaxtaimixe akaxkya kaxzing kue ile atat, “Nange zingkya kaxfün sule, O Atsaokya; nang owa tüipuix tamchu tüikyahex!

MIKNGÜN-OHÜN 19:8

Jikjepkya jaknyi tsaothakya füi, she aza-apua ang koxdaoa.” (Nyitse a Zang khünakbue mokkya mwot müikya changpu).