MIKNGÜN-OHÜN 13:7 - OTSAO BAIBEL (BSI)

⁷ Zang khünaknu füi azan üntoxle hwom to lüt angkya chix ang kox, ilaxle pangnu jat-li, chaxwan longkho, kaxngao hia homjenbu thakma apün-ada angkya zong kox.

MIKNGÜN-OHÜN 13:7 ပူးပေါင်းရင်းမြစ်များ

DANEL 7:21

Kue hule ngopongma, ija müizonge Zang khünakbu füi azan ilaxle hwom to anao.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

MIKNGÜN-OHÜN 12:17

Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

DANEL 7:25

Chixe Khüthak Zang adix-adale akaxüi ilaxle Zang khünakbu to zothuple changüi. Chixe ibu zanglom tüikya wanlombu hia hwom pangpwonbu mamale lüi ang azongüi, ilaxle chix tsak-zong chak fang ma Zang khünakbu a zanglao azom lyet azok ngoüi.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

MIKNGÜN-OHÜN 17:15

Chatlechu kaxtaimixe ku füi akaxle thüi: “Nange ngünle ngokya tibu, oja dingma tsahangcha thungle tüilaxpuix, ibu a chaxwanbu, khünakbu, jat-libu tamchu kaxngaobu changpu.

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

JUHAN 19:11

Jisu-e chix kax to lan: “Thakchi tokhange Zange chifa thüikoxle ku zongto tüi angkya zong nang ma chemchu chitüise. Ikhoma, owae ku nang chak to fünle koxlaxpuix, amakya ochax chix ma tüile.”

MIKNGÜN-OHÜN 10:11

Ifüima ku füi akax: “Tamchatlechu nange chaxwan longkho, jat-li, kaxngao, ibu tamchu wanghombu bama Zang kaxho apuk-apua angkya changle.”

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

KAXHO MÜIKYA LUK 4:6

Haxshixe thüi: “Nang ang kue ibibi tsakzong hia ngunsyen bakle koxüi. Ibu pangnu ku ang koxle thomdaoa, ku mong atsutsu ang kue ibu abakle kox ang tsuaküi.

LAIPAO 9:16

Ikoxlechu chix tsak-zong aho ang tamchu chix mün zangfang pangnu khato fuale naxpao ang nang ozün ma thompu ta.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

ISAIA 37:26

“Ibu pangwüi kue kaiwüi ile chang angkya tsuakle thompule atat laxmami? Athax kue ija ile chang ang tompu. Zyakople thomkya tingnubu tingtakle ama laxle oma-oshix athünkya nui ang achang angkya nang ang kue tsak-zong koxpu.

ISAIA 10:15

Ikoxlechu Jowanpae akax: “Twonkya mix füi ma wüi achongkya changpule wa-e akax ang tho ang chami? Ija twonkya khünak füi janzütbit wüi achongkya changchami? Kiathox-e khünak nwonkya münchang ikoxle khünake mix kiathox nwonpu.”