MIKNGÜN-OHÜN 13:6 - OTSAO BAIBEL (BSI)

⁶ Ijae, Zang, chix mün, chix ngwotnui tamchu zangkangting tokyabu pangwüi thuakzom ang süt.

MIKNGÜN-OHÜN 13:6 ပူးပေါင်းရင်းမြစ်များ

MIKNGÜN-OHÜN 12:12

Idaile zangkangting tamchu, opang ikhato ngolaxpuix, pangwüi mongmüilax! Ikoxchu chaxwan hia tinu hanpakma, tüle chongkya hama tüile! Bao a hünzom hato nguile tüile, chix a mongtsike awangle tüile, chix ang hanpak moxkya ngünlaxle”, le azaxle akhongkya ozing kue atat.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

MATHI 12:34

Hünzom pubu; ma chimüi khato müikya chemle akax thoüi changkoxkya. Chemthüikoxle mong chem füi awang laxle tüipuix, tun ma ibibi tix ngaipu.

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

MIKNGÜN-OHÜN 11:12

Ifüima zangkangting tokhange akhongle hokhi füi akaxkya ozing ija aje nyie atat. Ija kaxzing a: “Ikhato oman!” Okhi zongto zan ang ngokyabue hule ngopongma wüi, hokhi zangfwom ma zangkangting to dong.

MIKNGÜN-OHÜN 7:9

Ifüima kue hukoxle: owaechu akiak ang chitho le tüle tülekya khünaknu tusox tüikya! Hwom a pangnu jat-li, saxthom homjen, chaxwan longkho, kax-ngao tokyabu changkya. Hwom a chak ma pam pünkangbu twontwon le nyi tsekyabu awunlaxle, chongwang tüntong hia Chun Hosa thüntho ma ajong.

MIKNGÜN-OHÜN 5:13

Üntoxle zangkangting to tüikya, hax ma tüikya, hax fang to tüikya, tinu khato tüikya: ding hia hax ma tüikya zünmok pangwüie tsai ile ngaokya kue atat: “Chongwang tüntong ma thungkya mix, tamchu Chun Hosa ang; oshuk chitüi achuak achenkya, chathua zakya tamchu fuazang, tsakzongkya naxchang!”

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

MIKNGÜN-OHÜN 4:1

Izuma kue mama mikngün-ohün kop üntoxle zangkangting to ka daplaxle fülom tuita ngün. Üntoxle nyazong ozing lailaile kaxzing tuita, oja ku füi akaxkya ami pongma kue atatdao laxpuix, chixe thüi: “Ikhato donglax üntoxle ifüima chemle chang angkya hex ija kue nang hama ahofang.”

IBRI 9:2

Otsao Nui le nyakkya, otok to ngünkya Nyihom tüikya. Ija ma wüntik dannui üntoxle Zang ang fakya an füi tsap tuita tüikya.

ROM NOK HATO ZAKYA POL LAIZA 3:13

Hwom wikha a zuk-kha ningle; huxtsing-loptsang zangwün komkaile hwom leza ma lai; mikmüt zangwün, puje jaojaole, hwom tun ma dong;

KOLOSI 2:9

Chemthüikoxle Khrista ma tamchu chix khünak ang achangkya ma Zang jaopo komle tüile,

KOLOSI 1:19

Chemthüikoxle Hosa ma Zang jaopo komkaile tüi angkya a Zange chix mongto wünle tsuak daokya tuita changle.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

JOB LAIPEX 3:1

Oshukma hwom dangle ngokya kaxzakdünle Job-e chix puxkya nyix to thuakzomle chang.

MÜNCHUAK-TSAI 73:9

Zangkangting tokya Zang mowün amale hwome zangwün ilaxle chaxwan tokma tüikyabu ang hwom kaxkax ma wüi angkya le atsangle kaxtombu kox,

DANEL 7:8

Kue hule ngopongma, ibu ozongbu obama mama zongzün tuita dongle hüikya kue ngün. Ijae laile ngoünkya ozong azom butle adüt. Ija müizong ma khünak mik hia tun tuita tüikya, ija tun makhange kax achongchong akax.

DANEL 7:25

Chixe Khüthak Zang adix-adale akaxüi ilaxle Zang khünakbu to zothuple changüi. Chixe ibu zanglom tüikya wanlombu hia hwom pangpwonbu mamale lüi ang azongüi, ilaxle chix tsak-zong chak fang ma Zang khünakbu a zanglao azom lyet azok ngoüi.

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

MIKNGÜN-OHÜN 7:15

“Ikhoma hwome nyixfokya to, Zang chongwang tüntong thüntho ma, ajong laxle zangnak zangngai, chix zangshwom-hom ma chix thothale. Chix womlaxle chongwang tüntong ma, thungle tüikya mixe, hwom khosünle thomüi.

MIKNGÜN-OHÜN 15:5

Ifüima Zang womle tüikya nyihom füi, zangkangting zangshwom hom ka dapkya kue ngün.