MIKNGÜN-OHÜN 13:3 - OTSAO BAIBEL (BSI)

³ Ija müi ang okhang tuita a omang ang achangle thomzün apong ikoxlechu ija mak müiünkya ningle kue ngün. Omang ang achangle mak laxdaokya müikya ngünlaxle chaxwannu pangwüi abüt ilaxle ija müi füito azui.

MIKNGÜN-OHÜN 13:3 ပူးပေါင်းရင်းမြစ်များ

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 17:17

Chemthüikoxle Zang kax changle mangai tanto hwome notom le saxmokkya hia apün-ada angkya hwom tsakzong müi ang koxkya tokhange chix mongtex mokle le angkya hanpakma Zange hwom kün-mongto mongtsukya tutex fadaoa.

MIKNGÜN-OHÜN 17:10

hwom aga nguakdaoa, tuitae athaxchu apün ngole, ilaxle mama tuita a mahüi; otue chix nguiüihex, chixe hidaole wüi apün angkya changle.

EZEKEL 30:24

Ifüima kue Babilon nok wanghompa chak to tsak-zongle chang ang tomüi ilaxle ku changlobu a chix chak ma atwonüi. Ikoxle Ijip nok wanghompa chak to kue apaküi, ilaxle chix a awaole wotlaxle chix zanpa tunthoma zile paoüi.

MIKNGÜN-OHÜN 17:13

Hwom bün bibi pangwüi mongtex tuita changle, ilaxle hwom tsakzong hia apün-adakya hwome müi ang koxle.

MIKNGÜN-OHÜN 13:12

Chix thüntho ma ijae owang pongkya müi tsakzong tüle chongkya chixe twon. Makkha daokya azangkya owang pongkya müi to shwom angkya chaxwannu angkya khünak pangnu to chixe atsang.

WANGSHEMBU MWOT 8:13

Simon-e ngaxchu wüi Jisu Khrista to ong; ilaxle bapti lax füima Filip füi asüi le ngo, üntoxle chixe Filip-e mokle ngokya khomtsikya hia ohünotün mwotbu ngünlaxle chixchu wüi abüt.

KAXHO MÜIKYA LUK 2:1

Iponge Roman Wangting pangkha towüi khünak akiak angkya chongwangpa Agastas-e kaxkox.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

JUHAN 12:19

Farisibue tata ang thüi: “Keme a chemchu mok ang chitho; hulax, chaxwannu pangwüi chix füito azuiüna!”

MIKNGÜN-OHÜN 17:11

Üntoxle müi oja tam ozün ma tüikya hex, ikoxlechu athax ozün ma tamchitüi, chix a achyet lükya wanghom changpu. Chixchu wüi anüt khama tuita ilaxle amüt angkya nui to chixchu wüi pao angkya changle.