MIKNGÜN-OHÜN 13:1 - OTSAO BAIBEL (BSI)

¹ Ifüima tinu kha tokya müi tuita laikya kue ngün. Ija ma ozong anüt üntoxle okhang anüt le tüikya; ozong pangwüi ma khohom tüikya ilaxle okhang pangwüi ma Zang mün amakya münbu zalaxle tüikya.

MIKNGÜN-OHÜN 13:1 ပူးပေါင်းရင်းမြစ်များ

MIKNGÜN-OHÜN 12:3

Chatlechu ding to khomatsikkya mama mowan tülai. Khisumkya tamchu tüle chongkya okhang anüt füikya, ozang bün tüikya üntoxle okhang ma tyale khohom sünle, le dragon tuita lai.

MIKNGÜN-OHÜN 17:3

Ku ma chasa wang, ilaxle kaxtaimixe ku faokha to pao. Ikhato kue khisumkya müi tok ma thungdao le mixcha tuita ngün; ija müi ma Zang mün ama le zakyabu okhui apongle tüikya. Ija müi ma okhang anüt üntoxle ozong bün le tüikya.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

MIKNGÜN-OHÜN 17:16

Nange ngünkya müizong bün üntoxle müi, ibue tsahangcha to miktsaküi; hwome she kuxka komle paoüi ilaxle she ohua ma dantoxüi; hwome she müi saxüi üntoxle wün füi she amütüi.

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

MIKNGÜN-OHÜN 15:2

Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

MIKNGÜN-OHÜN 17:5

She khangpong ma huxsa zangwün füikya mün tuita ile zale tüikya: “Achongkya Babilon a chaxwannu ma chinunchakkaile tüikyabu hia nushix dongkya mwot-kat honu changle.”

MIKNGÜN-OHÜN 13:11

Ifüima chaxwannu angkya laikya müi mama kue ngün. Ija ma chun zong lailaile ozong anyi zaile, ilaxle ijae dragon zangwün ma wünle tüikya.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 13:15

Pongwang angkya müi chapa zingle tüikya to, ija chapa akax ang tsuak tamchu chix tong chishwomkyabu pangwüi lang ang tsuak le tüikya hanpakma, anyi lükya müi ang ija chapa to khüzün fakya zake müt ang tom.

MIKNGÜN-OHÜN 16:13

Ifüima lukbu lailaikya chitsaokya chasabu azom kue ngün. Ibu a dragon wikha angkya tamchu othai ajebu wikha angkya laikyabu changle.

MIKNGÜN-OHÜN 19:19

Ifüima mankho ma ngale tüikya mix hia chix süpahibu füi azan ang chaxwannu angkya müi hia wanghombu tamchu hwom füikya süpahibu tomle asoxkya kue ngün.

DANEL 2:41

Nange ija cha hia chikhibu jongpong-jongpong a komhax füi ikoxle mamakhabu a jan füile zingle tüikyachu ngünle lax. Ija a athax ma wangtingtingle lai angkya hanpak changpu. Ija ma jan ningle tsak-zong füikya wangting züizüi tüiüi, chemthüikoxle ikhama jan füi haxchu awonle zingle tüile.