MIKNGÜN-OHÜN 12:7 - OTSAO BAIBEL (BSI)

⁷ Ifüima zangkangting to zan lai. Maikel hia chix kaxtaimixbu dragon füi azan; dragonechu chix kaxtaimixbu laxlaxle hwom füi azan;

MIKNGÜN-OHÜN 12:7 ပူးပေါင်းရင်းမြစ်များ

JUD LAIZA 1:9

Kaxtaimixbu khama akhokya Maikel-e ngaxchu ile chimok. Mosa mang ma atinle bao füi ahe pongma ngaxchu Maikel-e chix adix-adale chichang ikoxle “Nang to Zange wüi naxsakox”, le tata thüi.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

DANEL 10:13

Parsia angkya kaxtaimix wanghomsae ku nyixtsa büta jao abaxle thompu. Ifüima Maikel, tuita kaxtaimixbu khama lompa, ku to fong ang nguipu, chemthüikoxle ku a ija Parsia nok to ku tata danle tox.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

2 THESALONIKA 1:7

üntoxle sikngün apongkya ma hünzom ang hwom füi tomle nazak faüi. Zangkangting tokya Jowanpa Jisu Khrista tsakzong füikya chix kaxtaimixbu füi,

2 KORIN 12:7

Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.

MIKNGÜN-OHÜN 13:7

Zang khünaknu füi azan üntoxle hwom to lüt angkya chix ang kox, ilaxle pangnu jat-li, chaxwan longkho, kaxngao hia homjenbu thakma apün-ada angkya zong kox.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

MATHI 13:41

Khünak Hosae chix kaxtaimixbu tsanle apaoüi; chix Wangting bama chikho asua ang koxkyabu hia mix ang ochax lyen ang tomkyabu pangwüi afoxüi;

MÜNCHUAK-TSAI 78:49

Zikmüt-mangkho kaxhomix ningle nguilaxle chix mongtsik thokle tamchu hwom khang ma hongle, chixe hwom to huanuma kak-kox.

MATHI 26:53

Kue ku to asun angkya hanpakma Apa ma jukoxle chixe kaxtaimix bün anyi füi sülui le fa ang those le hünzome münawan hia?

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

ISAIA 55:4

Kue chix lompa ang tamchu onok akhokya ang zingpu, ilaxle chix makhange kue hwom hato ku tsak-zong ahopu.

ISAIA 34:5

Jowanpae chix changlo zangkangting to achwonle tüile, athax ijae Edom to thupüi; ibu khünakbu a amüt angkya wüile ahaidaokyabu changle.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

MIKNGÜN-OHÜN 12:8

ikoxlechu dragon to lüt, ilaxle chix hia chix füikya kaxtaimixbu zangkangting to ngo ang chitom.