MIKNGÜN-OHÜN 12:3 - OTSAO BAIBEL (BSI)

³ Chatlechu ding to khomatsikkya mama mowan tülai. Khisumkya tamchu tüle chongkya okhang anüt füikya, ozang bün tüikya üntoxle okhang ma tyale khohom sünle, le dragon tuita lai.

MIKNGÜN-OHÜN 12:3 ပူးပေါင်းရင်းမြစ်များ

MIKNGÜN-OHÜN 17:12

“Ozong bün ojapang nange ngündao laxpuix, ibu a apün ang masütkya wanghom bün changle, ikoxlechu hwom ang müi füi tomle wanghom le apün ang khonta tuita hanpak fa angkya changle.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

MIKNGÜN-OHÜN 17:16

Nange ngünkya müizong bün üntoxle müi, ibue tsahangcha to miktsaküi; hwome she kuxka komle paoüi ilaxle she ohua ma dantoxüi; hwome she müi saxüi üntoxle wün füi she amütüi.

MIKNGÜN-OHÜN 17:7

Kaxtaimixe ku ang thüi: “Nang ang chem jepapu? Ija mixcha hia she ngale tüikya müi oja ma okhang anüt üntoxle ozong bün tüipuix, hokhi ba angkya huxsa zangwün kue nang hama apuafang.

DANEL 7:24

Ilaxle müizong bün a ija wangting ma apün angkya wanghom bün hanpak changpu. Ifüima mama wanghom tuita laiüi; ija wanghom a tüile ngokya mama wanghombu füi aje thole tüiüi ilaxle wanghom hwom azom to lütlaxle chixe hwom dyetüi.

DANEL 7:20

Ilaxle kue chix khang ma tüikya müizong bün bamachu tsingle laxse tsu, tamnüile chu ofüima zongzün tuita donglaxle tüi ngoünkya ozong azom adüt. Ija ma omikbu hia otun zailaxle tüikya. Ija füi tüile tsaingam-kaxngam le zangwün; ija bama kue tsingle laxse tsu. Ija a mama müibu pangwüi füi za-adünle tüikya.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

MIKNGÜN-OHÜN 12:4

Lyettsibu othom azom ma ahankya thom tuita chix müikua füi linle ahüilaxle ding tokya chaxwannu to tswonle awüt. Puxle adütkya füi shemle nao sax angkya hanpakmale chix a ija mixcha thüntho ma ajong.

MIKNGÜN-OHÜN 12:1

Ifüima tüle khompua atsikkya mowanbu ding to lai. Zanghan a zapua ang lax ilaxle lyetnu a she chifa fang to thom üntoxle lyettsi bün anyi füikya khohom sünle, le mixcha tuita tüikya.

MIKNGÜN-OHÜN 16:13

Ifüima lukbu lailaikya chitsaokya chasabu azom kue ngün. Ibu a dragon wikha angkya tamchu othai ajebu wikha angkya laikyabu changle.

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

ISAIA 27:1

Ija nyix Jowanpae chix tsak-zong hia mik amüt angkya changlo a Lewiathan, oja tüle ozik tsuakkya fwotnu, kwom-kwomlanle tüikya dragon hex, ija hia punu lang ang twon, ibu a tinu khato ngokya müibu changkya.

MIKNGÜN-OHÜN 19:12

Chix mikbu a wünle ningle tüikya, üntoxle chix khang ma khohom obiobi asün. Chix ang ija ma mün zale tüikya, ikoxlechu chix boma ija chemhex owaechu chiawan.

MIKNGÜN-OHÜN 12:17

Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

DANEL 2:42

Chakhibu—züizüi jan züizüi a komhax—ija a wangting jongpong to tsak-zongle tüiüi ikoxle jongpong to naile tüiüilükya kax changpu.

MIKNGÜN-OHÜN 12:7

Ifüima zangkangting to zan lai. Maikel hia chix kaxtaimixbu dragon füi azan; dragonechu chix kaxtaimixbu laxlaxle hwom füi azan;

MIKNGÜN-OHÜN 12:13

Otue ija dragone chix chaxwannu to tswonle awütkya awanle hüi, ijama chixe lükasa puxle alaikya mixcha achua ang süt.

MIKNGÜN-OHÜN 13:1

Ifüima tinu kha tokya müi tuita laikya kue ngün. Ija ma ozong anüt üntoxle okhang anüt le tüikya; ozong pangwüi ma khohom tüikya ilaxle okhang pangwüi ma Zang mün amakya münbu zalaxle tüikya.

MIKNGÜN-OHÜN 13:2

Ija müi sünngün ma chaxnu ningle, ocha a chep cha ningle üntoxle owikha a mailang wikha ningle, le tüikya. Dragon-e ija müi ang ma tsakzong, ma chongwang tüntong tamchu mae apün-adakya zong, ibu kox.

MIKNGÜN-OHÜN 13:4

Chixe ma tsakzong müi ang koxdao koxle pangnue wüi dragon tongshwom. Hwome müichu wüi shwom, ilaxle thüi: “Ija müi ningkya owa tamtüi? Chix füi azan ang owae thoüi?”

MIKNGÜN-OHÜN 15:1

Ifüima kue ding to tüle chongkya tamchu khom atsikkya tuita ngün. Ikhama kaxtaimix anüt thama lianüt füi tüikya. Ibu thama a oshuk okia, chemthüikoxle ibu a Zang mongtsik ahokya oshuk lükyabu changle.

DANEL 2:41

Nange ija cha hia chikhibu jongpong-jongpong a komhax füi ikoxle mamakhabu a jan füile zingle tüikyachu ngünle lax. Ija a athax ma wangtingtingle lai angkya hanpak changpu. Ija ma jan ningle tsak-zong füikya wangting züizüi tüiüi, chemthüikoxle ikhama jan füi haxchu awonle zingle tüile.