MIKNGÜN-OHÜN 11:8 - OTSAO BAIBEL (BSI)

⁸ ilaxle hwom Jowanpa takle langkya tingnu tingsho fato hwom mangbu awüt thomüi. Chasa kaxpyen ma ija tingsho ang Sodom chichangba Ijip le nyakle.

MIKNGÜN-OHÜN 11:8 ပူးပေါင်းရင်းမြစ်များ

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

MIKNGÜN-OHÜN 18:10

She sikngün ma wom ang zalaxle hwome ochu to ajong üntoxle, “Zahua! Zahua! Ipong chongkya Babilon tingnu nang; khonta tuita mong ma wüi, nang ang sikngün fatsuak daoa!” le thüi.

MIKNGÜN-OHÜN 18:21

Ifüima tüle tsakkya kaxtaimix tuitae anthut long büta chongkya longnu tuita tswonlaxle ija tinu khato tswonle awütle thüi: “Ilailaile chongkya tingnu tuita, Babilon a zongma laxle tswonle awütüi, ilaxle ija chatle tamchingünüi.

IBRI 13:12

Ija khoma Jisu chuwüi, chix aji jao makhange ochax tokya khünaknu atsao ang tingnu pankai to zile.

MIKNGÜN-OHÜN 18:18

ilaxle she zokle ashunkya wünle hia wünkhutbu ngün pongma akhongle thüi: “Ija tingnu ningle, chongkya tingnu tümatüitox!”

MIKNGÜN-OHÜN 11:9

Pangnu kaxngao, jat-li, üntoxle saxthom homjen tokya khünaknue zo ang chitom le ibu mang to hanpak nyix azom okao hule nuiüi.

JUD LAIZA 1:7

Ilailaile Sodom hia Gomorah tamchu akhople tüikya tingshobu, ojapange kaxtaimixbu ningle ma alüile chinunchakkai mwot to koxpuix ilaxle chimok angkya oli mwot mokle tüipuix, hwome oshuk chitüikya wün ma sikngün apongkyae apyen angkya aho, ibu texle atalax.

2 PITAR 2:6

Zange Sodom hia Gomorah, tingsho anyi, tha ajao; ibu wün füi amüt, üntoxle Zang chilax homtoxle ngokyabu to chemle changüi hex, ija hanpak kaxpan ang ija tingsho nyi achang.

MATHI 10:15

Otsingtsingma kue hünzom ang thüipu, Zange kaxfün nyix ija tingkhua angkya khünaknu füi Sodom hia Gomorah nok hato wüi chingcha chongle ahoüi.

AMOS 4:11

“Kue hünzom züizüi a Sodom hia Gomorah nok amütpupu le max ang tompu. Hünzom opang azangle tüilaxpuix ibu chuwüi wünkha tokya alaile laxkya wünchua füikya hatua tuita ningle changle. Ikoxle ngaxchu hünzom a ku hato mongchat le münhüipu.

EZEKEL 23:27

Ijip nok to tüitan tokhange wüi nange mokle hüikya zakkop mwotbu hia nang mongzok kue ashuk ang tomüi. Nange anaole chapabu to zalo angkya hia Ijip nok sung angkya athax müntomüi.”

EZEKEL 23:19

She a amipongkya füingaxchu sisi-mix tsangtsa hangkya mixcha ang achangle pao, ilaxle ami naocha pongma Ijip nok to mokpupule mokle ngo.

EZEKEL 23:8

Ijip nok to ngopongma naocha chang zakle oja tsangtsa hangkya mwot mokle hüipuix ija tamchizak. She naochasa ang ngotan tokhange wüi, lükabu she füi jip-pomle she a tuita tsangtsa hangkya mixcha thama twonle hüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

LAIPAO 3:7

Ifüima Jowanpae akax: “Kue ku khünakbu Ijip chaxwan to sikngün ashukle ngokya nuzao ngünle laxdaoa, hwom mwot to hu-ang ngokya da humix khoma hwom sople ngokya kue atatdaoa. Hwom sikngün kue awan tomta daoa.

PONGWANG LAIPEX 19:24

Jowanpae allele Sodom hia Gomorah ding ma chuale ngokya khat zangwat ningle düt ang tom.

PONGWANG LAIPEX 13:13

Ibu khünakbu a Jowanpa zongto chichang-chizangkya tamchu ochax khünakbu changkya.

MIKNGÜN-OHÜN 18:2

Chixe tüle azaxle thüi: “She nguakdaoa! Chongkya Babilon nguakdaoa! Athaxpi she a, bao hia haxshix chasabu, ngwotnui ang achangdaoa; chitsaokya tamchu nushix dongkya susabu, oli pangwüi she ma awangüna.

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

MIKNGÜN-OHÜN 14:8

Anyi lükya kaxtaimixe owang angkya füima azuile thüi: “She nguaküna! Tüle zaxzangle tüikya Babilon nguaküna! She-e ma müi-hi-aji mongzokkya ju ozya khünaknu noke ling ang tom!”

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

IBRI 6:6

Ingale hwome ma mongong danle toxpu! Hwom tamchatle mongzangwün angkya hato ahüi angkya tsuak angkya oli münchang, chemthüikoxle hwome Zang Hosa tamchatle pünsak ma takle langpu tamchu tamchatle chix ang noknu thüntho ma zak tam akopkya changpu.

WANGSHEMBU MWOT 9:4

Chix hax to düt ilaxle “Sol! Sol! Chem khoma nange ku zothuppu?”, le chix füi akaxkya kaxzing tuita atat.

JEREMIA 26:23

Hwome chix a wanghompa Jehoiakim hato kople apüi. Wanghompa-e chix lang ilaxle chix mang a noknu mangzuk nui to awüt.)

MIKNGÜN-OHÜN 18:24

Ajebu hia Zang khünakbu aji, tingsho ma bangkya khoma, Babilon tingnu to zothuppu; chaxwannu ma opang langdaolaxpuix, pangwüi aji

MIKNGÜN-OHÜN 17:5

She khangpong ma huxsa zangwün füikya mün tuita ile zale tüikya: “Achongkya Babilon a chaxwannu ma chinunchakkaile tüikyabu hia nushix dongkya mwot-kat honu changle.”

MIKNGÜN-OHÜN 17:1

Ifüima kaxtaimix anüt kha angkya tuita anüt lükya pe koplaxle tüikya mixe ku hato hüilaxle thüi: “Oman, kue nang hama fuale wünkya tsahangcha, thüikoxle shuajenbu hama zingle tüikya chongkya tingnu tuita to chem sikangün angkya hex ahofang.

EZEKEL 37:11

Zang-e ku ang thüi: “Ziün angkya khünak, Israel khünaknu a ibu za-tua ningle changpu. Hwome hwom ang monghom hia füichi osho chitüile zanle zingokyabu changle le akaxle.

EZEKEL 16:46

“Hünna a, she füikya ting-nokbu füi tomle, shuakuxchi ma tüikya Samaria changle. Hünnao a, she füi tomle tüikya tingkhuabu womle, shuathong angkya Sodom changle.

EZEKEL 16:49

She hia sacha hwom a mongngamle chemthüikoxle hwom ang sax angkya süt okhonguile tüile ilaxle hwom a tumüi lomkhaole tamchu dangjajale ngole, ikoxlechu hwome mixshix hia zasabu to humele changkya nox müntüi.

MIKNGÜN-OHÜN 14:20

Tingnu pantua tokya grep fyetnui ma zuziakbu fyet, ilaxle ija grep fyetnui ma aji tichen lai. Ija aji tichen sok azok tukux zu ilaxle kilomitar ho-azom jenle pao.

MIKNGÜN-OHÜN 17:18

“Nange ngünkya mixcha a chaxwannu wanghombu pangnu thakma apün angkya chongkya tingnu tuita changle.”