MIKNGÜN-OHÜN 11:2 - OTSAO BAIBEL (BSI)

² Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

MIKNGÜN-OHÜN 11:2 ပူးပေါင်းရင်းမြစ်များ

MIKNGÜN-OHÜN 12:6

Ija mixcha a hwome she to humele nyix 1,260 thom angkya hanpakma Zange achwonle tüikya nui, ija faokha to paole she azün.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

DANEL 7:25

Chixe Khüthak Zang adix-adale akaxüi ilaxle Zang khünakbu to zothuple changüi. Chixe ibu zanglom tüikya wanlombu hia hwom pangpwonbu mamale lüi ang azongüi, ilaxle chix tsak-zong chak fang ma Zang khünakbu a zanglao azom lyet azok ngoüi.

MIKNGÜN-OHÜN 11:3

Kue ku kaxkhi sün anyi pongkhwon za laxlaxle tsanle apaoüi, ilaxle nyix 1,260 bama hwome Zang kaxho apuk apuaüi.”

DANEL 12:7

Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

MIKNGÜN-OHÜN 22:19

Owawae ija laipex angkya jekaxbu oli tuita ngaxchu awütle jangchang thüiningle, ija laipex ma wünle tüikya khüzün pün angkya pünziak hia Otsao Tingnu angkya chix süntom Zange tswonle paoüi.

MATHI 27:53

Hwome zuk kha danle tox ilaxle chix chatle zokya füima hwom Otsao Tingnu to ngui, ikhato khünaknue hwom ngün.

MATHI 5:13

“Khünaknu zongto hünzom a hum tuita changle; ikoxle hum angkya tikya jangmax dao thüikoxle chem makhange ija atikle laxüi? Hum angkya otik pao füima ija chem mwot ma lax angchu münmüi; ija a homtho to awütüi ilaxle khünake cha füi nak angkya lanwüi.

MATHI 4:5

Ifüima baoe chix otsao Tingnu Jerusalem to paolaxle, Zangshwom Homnu kho ma angwot

DANEL 8:10

Ija a zangkangting süpahibu hia lyettsibu füi jao azan ang tsuakle janzüi tüile chong, ilaxle ijae züizüi a hax to tswonle awüt ilaxle ibu ding ma cha füi ting.

EZEKEL 42:20

ikhoma katuk a pangnuchi ma sok 560 le tüikya tuklaxle tüikya. Chitsaokya hia otsao nyi bama longzi ang ija katuke atsyen.

MIKNGÜN-OHÜN 11:11

Hanpak nyix azom okao nui füima, Zang tokhange khüzün zakdün hüi ilaxle hokhi ma nop, ilaxle hokhi ajong, üntoxle ija ngünkyabu pangwüi abüt-aban.

IBRI 10:29

Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!

DANEL 7:19

Mama müibu füi ajele tüikya ija müinu ali lükya bama kue tamsüile awansele tsu, chemthüikoxle ija a zazabazikya müi tamchu chixe akopkop pangwüi wi-jan chakkhin hia jan wabu füi ibu ashikle akhix ilaxle ibu ding ma chix cha füi ting.

MANGSOP 1:10

Zanpabue she tuina komkaile pale pao. She hwom a Zangshwom-Hom jao to nopüi ngün, Jowanpae ikhato mixnokbu a chiadün angkya kax tüikya.

ISAIA 48:2

Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

MÜNCHUAK-TSAI 79:1

O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

HUAKE LAIPEX 14:34

Hünzom ochax khoma hünzom a zanglao punyi sikngün angkya changle, hünzome Kanan haxtok zyet ang nyix punyi ahom daokya thatha, zanglao tuita nyixpong hanpak ang changüi. Izuma, hünzom zongto ku mongtsik tüikya ija chang koxngünale hünzome awanle lax ang kopüi!

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

EZEKEL 4:6

Chemtue nange ija ashukle changpuix, nang tsaxchi kao to alopkox ilaxle Judah nok thaikya hanpak ang nyix punyi fuxtsüikox: nyixtakya sikngün a zanglao tuita sikngün hanpak ang.

DANEL 8:13

Ifüima kue kaxtaimix tuitae ata kaxtaimix ma ile atüikya atat: “Ija mikngün-ohün ma ngünle ngokyabu chemtukux okuilole ngoüi? Nushix dongkya ochax nyixfokya to koxkya tö füi chemtue alüixle ngünüi? Zangkangting süpahibu hia Zangshwom-Hom to chemtukux cha füi tingle thomüi?”

DANEL 8:14

Mama kaxtaimixe lankya kue atat: “Ija a 2,3000 zangnak hia zangngai, oja bama tö chikoxle zakle ngoüihex, ibibi wanmong ma ngoüi. Ifüima Zangshwom-Hom a tamchatle ajongüi.”

MIKNGÜN-OHÜN 21:10

Üntoxle chasa ma chixe ku tüle tsuakya tuita haxnu kho to pao. Zang tokhange, zangkangting tokya juüi, tuita Otsao Tingnu Jerusalem chixe ku hama aho.