MIKNGÜN-OHÜN 1:9 - OTSAO BAIBEL (BSI)

⁹ Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

MIKNGÜN-OHÜN 1:9 ပူးပေါင်းရင်းမြစ်များ

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

MIKNGÜN-OHÜN 1:2

ilaxle chixe ngünkya pangwüi Juhan hama wünle kox. Zang tokhange kopkya kaxho hia Khrista-e angaile fakya otsingtsing bama ija a chix kaxkhi changle.

MIKNGÜN-OHÜN 13:10

Koplaxle pao angkya le tüikyabu koplaxle pao angkya wüi changle; changlo füi langüi thüikyabu, changlo füi lang angkya jao changle. Ikhama Zang khünakbu hanpakma, adukya hia mongong tüi angkya lomle.

FILIPI 4:14

Ikoxle ku sikngün le ngopongma hünzome ku to humekya a hünzom zongma omüimüi wüi.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

ROM NOK HATO ZAKYA POL LAIZA 8:25

Ikoxlechu keme ngün ang chikopkya to monghomkya jangchang thüiba, keme ija hanpakma adule tan angkya changle.

MIKNGÜN-OHÜN 14:12

Opange Zang kaxtombu kax ma lax üntoxle Jisu tokya mongong ma shingmongle ngopuix, ibu Zang khünakbu hanpakma ikhama adu angkya lomle.

IBRI 10:36

Zang mongtex mwot mok ang tamchu chixe tsaokyabu kop angkya hanpakma hünzome adu angkya changle.

FILIPI 1:7

Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

MIKNGÜN-OHÜN 12:17

Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

MIKNGÜN-OHÜN 6:9

Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

MIKNGÜN-OHÜN 1:4

Asia haxtok ma tüikya müimüithom anüt hato Juhan tokhange: Zang owa athax tüipuix, tüikyahex, üntoxle tüi angkya hex chix tokhange; üntoxle chix ngwotnui thüntho ma tüikya chasabu anüt tokhange,

2 THESALONIKA 3:5

Jowanpa mongkün tsingwankya süchongkya hato tamchu Khrista ang fakya adukya hato Jowanpa-e hünzom naxzun hüi.

MATHI 20:23

Jisu-e hokhi ang thüi: “Changpu hünzome ku pe makhange ling ang thoüi, ibachu ku tsaxchi hia ku nongchi ma owa thungüi hex, ija kam angkya ku ma chem olom müntüi. Ijabu ngwotnui a opang hanpak ma-ole Apae achwonle tüilaxpuix hwom kux changpu.”

MARK 10:39

Okhie chix ang thüi: “Kukhie thoüi.” Jisu-e hokhi ang thüi: “Kue oja pe ling angkya hex ija pe ma hünkhie ling ang thokoxlax, tamchu ku baptikya olom ma bapti angchu thokoxlax;

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

2 KORIN 1:7

Hünzome kwom sikngünbu tom-hankya ningle kwome kopkya mongsomchu wüi tom-hanle le kwome awanle. Idaile hünzom tokya kwom monghom otuechu münasho.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.