MIKNGÜN-OHÜN 1:4 - OTSAO BAIBEL (BSI)

⁴ Asia haxtok ma tüikya müimüithom anüt hato Juhan tokhange: Zang owa athax tüipuix, tüikyahex, üntoxle tüi angkya hex chix tokhange; üntoxle chix ngwotnui thüntho ma tüikya chasabu anüt tokhange,

MIKNGÜN-OHÜN 1:4 ပူးပေါင်းရင်းမြစ်များ

ISAIA 11:2

Jowanpa Chasa makhange chix ang hwon-je koxüi, chix khünaknu to apün angkya hanpakma chix a awan-atsingkya koxüi. Chixe Jowanpa mongtex awanle laxüi ilaxle chix achuak-achenle changüi,

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

IBRI 13:8

Jisu Khrista a münyix, anyix üntoxle othuithuima otyatya.

JUHAN 1:1

Chaxwannu zingüi thoto wüi, Kax tüikya; Chix Zang füi ngokya, ilaxle chix Zang füi tuita changkya.

MIKNGÜN-OHÜN 5:6

Ifüima ozün ma tüikya müi ali hia tüichong mixmüibue akhop laxle chongwang tüntong osung wama Chun Hosa ajongkya kue ngün. Chun Hosa a langdaokya ningle ngün. Ija ma ozong anüt üntoxle omik anüt le tüikya. Ibu a chaxwannu pangkha towüi pao ang tomkya Zang Chasa anüt changle.

MIKNGÜN-OHÜN 4:5

Chongwang tüntong makhange zangchang ajepkyae nyankya, kaxzing tamchu zang adungkyabu lai. Chongwang tüntong ija thüntho ma wünnyan thop anüt chuale tüikya, ija a Zang Chasabu anüt changkya.

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

MIKNGÜN-OHÜN 3:1

“Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

ZEKARIA 4:10

Kaxtaimix-e ku ang thüi: “Wüntik anüt a, zangfang pangnu khato hule ngokya Jowanpa mik anüt changpu.”

ISAIA 41:4

Ija ile chang ang tomkya a owahex? Pukax ile achang angkya owa mong ma ajang tsuak? Ku, Jowanpa, a pongwang tokhange wüi ikhama tüikya, ilaxle ku, Jowanpa, kua oshuk kople ikhama ngoüi.

LAIPAO 3:14

Zang-e Mosa ang thüi: “‘KU A KU CHANGPU’, idaile nange Israel khünaknu hama: Ku a hünzom hato kue tsanle akatpu, le thüikox.”

MIKNGÜN-OHÜN 4:8

Ibu ozün ma tüikya müi pangnu ang wüi ozang azok pong tüikya, üntoxle ibu a, omong tochu otok tochu mik füi awang le tüikya. Zangnak zangngai hwome ija ngaokya chizak: “Otsao, otsao, Otsao, Opunu khüthak Zang; Owa tüikyahex, tuipuix, üntoxle tüi angkya hex.”

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

ZEKARIA 3:9

Kue Jihusua tunthoma long tuita othün anüt füikya danpu. Kue ija ma münwan zale thomüi ilaxle ija haxtok angkya ochax nyixtakya hanpak mawüi awüt faüi.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

2 KORIN 1:2

Zang kem Hopa üntoxle Jowanpa Jisu Khrista-e hünzom ang chingcha ilaxle mongsom naxfa.

1 KORIN 1:3

Zang kem Hopa hia Jowanpa Jisu Khrista-e hünzom ang chingcha hia mongsom fahüi.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

MIKNGÜN-OHÜN 2:12

“Pargama ma tüikya müimüithom kaxtaimix hato zalax: “Ija kaxho a nongnong-naxkya changlo owa ma tüipuix, chix tokhange hüikya changle.

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

ZEKARIA 6:5

Chixe lan: “Ibu a zangchei ali changpu; hwom a athax ile, zangfang pangnu Jowanpa ngwotnui tokya nguikya changle.”

WANGSHEMBU MWOT 2:9

Kwom a Parthia tokya, Medi nok hia Elam tokya; üntoxle Jehudi hia Kapadosia tokya; üntoxle Pontas hia Asia tokya;

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

MIKNGÜN-OHÜN 1:17

Otue kue chix ngünpuix, ipongma ku omang ningle chix chitong ma nguak. Chixe ku to chix tsaxchi chak füi twon ilaxle thüi: “Taxza! Ku a Alfa hia Omega changle.

MIKNGÜN-OHÜN 8:2

Ifüima kaxtaimix anüt Zang thüntho ma ajongkya kue ngün. Hwom ang nyazong anüt kox.

MIKNGÜN-OHÜN 16:5

Ti to hu ang ngokya kaxtaimixe akaxkya kaxzing kue ile atat, “Nange zingkya kaxfün sule, O Atsaokya; nang owa tüipuix tamchu tüikyahex!

MIKNGÜN-OHÜN 22:8

Juhan kue ibu pangwüi atat ilaxle ngündaoa. Ilaxle otue kue ibu ngünkya hia atatkya tsuakle hüipuix, ku hato ibu ahokya kaxtaimix chitong ma nguak laxle kue chix tong shwomüi khakha.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”