MIKNGÜN-OHÜN 1:2 - OTSAO BAIBEL (BSI)

² ilaxle chixe ngünkya pangwüi Juhan hama wünle kox. Zang tokhange kopkya kaxho hia Khrista-e angaile fakya otsingtsing bama ija a chix kaxkhi changle.

MIKNGÜN-OHÜN 1:2 ပူးပေါင်းရင်းမြစ်များ

1 KORIN 1:6

Jowanpa Jisu Khrista bama Kaxho Müikya hünzom ma shingmongle tüiüna,

MIKNGÜN-OHÜN 12:17

Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

JUHAN 21:24

Ijabu bama kaxkhi fa tamchu owae zale kop, ija füizuimix a chix changpu. Chix kaxkhi a otsingtsing changpu le kwome awanle.

JUHAN 19:35

Ija ngünkya mixe kaxkhi fa: Chixe otsingtsing wüi akaxle, chixe kaxthai zang münwün le kue awanpu; ija a hünzomechu mongong angkya hanpak changle.

MIKNGÜN-OHÜN 1:19

Idaile nange ngünkya jali, athaxkyachu üntoxle füima chang angkyachu pangnu zale kopkox.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

WANGSHEMBU MWOT 26:16

Ikoxlechu zolax, nang chama ajonglax. Nang hato ku ngaikya a, nang a ku da ang kam angkya hanpakma changle; nange ku bama anyix chem ngünpuix ilaxle kue nang hama füichi hanpak chem aho angkya tüipuix ija bama nange mix hama kaxkhi fa angkya changle.

JUHAN 12:17

Chixe Lazar chatle azang ang tom pongma chix füi tomle asukya khünaknu othome chix bama ibu kaxwün wang.

MIKNGÜN-OHÜN 6:9

Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

1 JUHAN 4:14

Hopae Hosa chaxwannu to khosünpa ang ajokya changpu le kwome ngün ang kop ilaxle mix hama apuapu.

1 KORIN 2:1

Tüinaohom, ku hünzom hato Zang jojüi apukle hüikya zuma, tsaichong-kaxbong hia kue tsingwankyabu kax chemchu chiakax.

WANGSHEMBU MWOT 4:20

Chemthüikoxle kwome ngündaokya hia atat daokya mo chiwün homle zak ang müntho.”

JUHAN 3:11

Otsingtsingma kue nang ang thüipu, kwome chem awanpuix ija akaxpu, ilaxle kwome ngündaokya bama kaxkhi fapu; ikoxlechu hünzom opupue ngaxchu pongle kop ang chitsu.

JUHAN 1:32

Ilaxle Juhan-e ija kaxkhi fa: “Osu ningle Chasa julaxle chix khangkho ma paxkya kue ngündaoa.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

3 JUHAN 1:12

Demetria bama khünak noke wüi tamchu otsingtsinge ngaxchu alüile kaxkhi fale; üntoxle kwomechu kaxkhi fapu ilaxle ija ma thaikya müntüile nange awanpu.

WANGSHEMBU MWOT 22:15

Nange chem ngündaopuix üntoxle atatdaopuix ibu pangnu khünak nok hato wün angkya bama nang tuita chix kaxkhi ang achangüi.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 22:21

Opunu Jisu chingchajaja Zang khünaknu pangnusa füi ngohüi.