MIKNGÜN-OHÜN 1:16 - OTSAO BAIBEL (BSI)

¹⁶ Chix a tsaxchi chak ma lyettsi anüt koplaxle tüikya, ilaxle nongnong-naxkya changlo chix wikha makhange lai. Chix thün a tungto senyan ningle nyanle tüikya.

MIKNGÜN-OHÜN 1:16 ပူးပေါင်းရင်းမြစ်များ

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

MIKNGÜN-OHÜN 2:16

Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

MIKNGÜN-OHÜN 19:15

Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.

MIKNGÜN-OHÜN 2:12

“Pargama ma tüikya müimüithom kaxtaimix hato zalax: “Ija kaxho a nongnong-naxkya changlo owa ma tüipuix, chix tokhange hüikya changle.

EFISIA 6:17

Khosün a khohom ang pongle kop; ilaxle Zang kax a chasae nang ang fakya changlo tuita ang pongle koplax.

ISAIA 49:2

Chixe ku kaxfa ang changlo füi ngaxchu anaxle zing. Chix chak makhange jao chixe ku khosünle kop. Chixe ku sanjun lailaile zingle alai, Thuile twon ang müile jao anaxle.

MIKNGÜN-OHÜN 19:21

Mankho ma ngale tüikya mixsün wikha makhange laikya changlo füi süpahibu a komle langle awüt; osabue ibu müi otsuaktsuak ma sax.

MATHI 17:2

Hwome hule ngopongma wüi Jisu sün lüile hüi; chix thün zanghan ningle nyan, ilaxle chix nyizabu a tüle nyanle tse.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

MIKNGÜN-OHÜN 3:1

“Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

WANGSHEMBU MWOT 26:13

Ija a lom fawa to tüipongma tungto shene changkya, O Wanghompa! Zanghan füingaxchu sütsexkya wünnyan tuitae ku ilaxle ku füi tomle tüikya khünakbu akhople nyankya kue ngün.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MIKNGÜN-OHÜN 12:1

Ifüima tüle khompua atsikkya mowanbu ding to lai. Zanghan a zapua ang lax ilaxle lyetnu a she chifa fang to thom üntoxle lyettsi bün anyi füikya khohom sünle, le mixcha tuita tüikya.

MIKNGÜN-OHÜN 10:1

Ifüima otsak ozong füikya kaxtaimix mama zangkangting tokya jukya kue ngün. Chix zangfwome lwop üntoxle nomlong füi khangngüi daole tüikya. Chix thünza a zanghan ningle tüikya. Chix chabu a wün thong lailaile tüikya.

DANEL 12:3

Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

JOB LAIPEX 38:7

Anopningle swomsa ma lyettsibu tomle tsaingao, üntoxle zangkangting tokyabu mongmüi laxle akhong.

DANEL 8:10

Ija a zangkangting süpahibu hia lyettsibu füi jao azan ang tsuakle janzüi tüile chong, ilaxle ijae züizüi a hax to tswonle awüt ilaxle ibu ding ma cha füi ting.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

KAXFÜNPA-HWOM 5:31

Idaile nang zanpabu a ilele wüi naxziün, O Jowanpa, ikoxlechu nang zuikhuibu a dongüi senuja ningle naxnyan! Ifüima chaxwan tok ma zanglao 40 tumüi-lomkhaole ngo.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.

TSAITAX-NGAONÜI 6:10

Mik-husa wüi huazung zangngai ningle ija a owa? She a osün müi wüi müile, kaküile, lyetnu zanghan ningle nyan wüi nyan.

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

KAXFÜNPA-HWOM 3:16

Ehud, chix jaoe sokta lokya, pangnyichi anaxkya changlo tuita zingle kop. Chixe ija changlo nyi fang to tsaxchi sam ma pyenle kop.