MIKA 7:9 - OTSAO BAIBEL (BSI)

⁹ Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

MIKA 7:9 ပူးပေါင်းရင်းမြစ်များ

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

MÜNCHUAK-TSAI 37:6

chixe nang otsao senu zatzong pongkya ningle nyan ang tomüi.

1 SAMUEL 24:15

Jowanpae kaxfün faüi, chixe künyi opupu thaipuix ija bama chixe zünüi. Zangwün tsaitong-kaxza to chixe hulaxle, nang chak tokya chixe ku khosele tamchu khosünle naxchang.”

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

MALAKI 3:18

Otsao khünakbu hia ochax khünakbu chemle mali-mali changpuix, ku thothakya hia ku tho chithakya khünak to chemle mali-mali changpuix, ija nyi bama anaolechu kue süile awan ang kox.”

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

MÜNCHUAK-TSAI 43:1

O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

MÜNCHUAK-TSAI 7:6

Nang mongtsik füi ajongkox, O Jowanpa! Tüle shixkya ku zanpabu füi alünle ajongkox; nang ajongkox üntoxle ku to asunkox! Nange lomkya a sukya kaxfün changle,

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

2 SAMUEL 24:17

Dawid-e khünaknu langle hüikya kaxtaimix ngünle lax ilaxle Jowanpa ang thüi: “Thaikya mix a ku changpu. Ochax mwot mokkya khünak a ku changpu. Ibu mixshix-zasabue chem zia amadaopu? Nange ku ilaxle ku homkha towüi zothuplax angpu?”

1 SAMUEL 26:10

Kue ozün ma tüikya Jowanpa mün ma thüipu, zikmüi-kualo ma wüi changlax chichangba zanhok ma wüi changlax, Sol a Jowanpa chak fang ma tix lam angkya changle.

1 SAMUEL 25:39

Chemtue Dawid-e Nabal zikya zing atatpuix, chixe thüi: “Nomfui, Jowanpa; ku ajaokya khoma chixe Nabal to olüix khomdaoa ilaxle chix dapa kue thaile mokse pa abaxdaoa. Jowanpae Nabal to chix ochax khoma sikangündaoa.”

1 SAMUEL 3:18

Ikhoma Samuel-e chix hama pangwüi wünle kox; chiwün homle chemchu chitox. Eli-e thüi: “Chix a Jowanpa changpu; chix zongto chem müipuix ija chixe chimok homle chitoxüi.”

LIWI 26:41

oja khoma kue hwom hato tok aho ilaxle hwom mixnok zanpabu haxtok to samle ngo ang koxpuix, ibu ochax pangwüi hünzom su-sabue angaile thailak tüihüile thüiüi. Chemtue hünzom su-sabue hwom ochax hia pupabu ochax bama thathom tsuaklaxle puinaile changüihex,

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

MÜNCHUAK-TSAI 94:15

Khwabu ma tamchatlechu sukya kaxfün atak ang kopüi, ilaxle otsao khünaknu pangnue ija to juafong.

MÜNCHUAK-TSAI 119:154

Ku ba angkya zangwün khoselax, ilaxle ku danlax; nang kaxtsao tüikya ningle ku khosün hüi.

ISAIA 42:7

Nange mike chingünkyabu ang mik daple kox angkya changpu ilaxle zangnak fangto kun khato ngokyabu alai angkya changpu.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

ISAIA 56:1

Jowanpae chix khünaknu ang thüi: “Chem supuix tamchu oja changpuix ija moklax, chemthüikoxle lebama wüi kue hünzom khosün angkya changle.

JEREMIA 10:19

Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!

JEREMIA 51:10

Jowanpae thüi: “Ku khünakbu akhong kox, ‘Jowanpae kem a sule ngopule ahodaoa. Jowanpae chempang mokdaopuix ija bama Jerusalem ma ngole tüikyabu hama apuahax.’”

JOB LAIPEX 35:14

Job, nange Zang ngün ang münthole thüitüi; ikoxlechu adule ngohüi, nang zangwün a chix pomtho ma tüile.

ISAIA 51:22

Jowanpa hünzom Zang-e hünzom kho awale akax: “Kue wansa tswonle paongopu kue ku mongtsik ma koxkya wansa a. Athax hünzome ija tam chilingüi hünzom shushüile achangkya ju a.

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.