MIKA 7:8 - OTSAO BAIBEL (BSI)

⁸ Kem zanpabu ang kem bama ngadong angkya chemchu müntüiüi. Kem a nguakdaoa, ikoxlechu kem a chatle zoüi. Athax kem a zangnak fangto ngopu, ikoxlechu Jowanpae kem ang zangngai koxüi.

MIKA 7:8 ပူးပေါင်းရင်းမြစ်များ

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

ISAIA 9:2

Zangnak fangto ahamle ngokya khünaknu hwome chongkya zangngai ngündaoa. Hwom a zangnak fang chaxwan to ngokya, ikoxle athax hwom to zangngaie nyanle ngole.

MÜNCHUAK-TSAI 112:4

Müikya khünakbu hanpakma zangnak to zangngaie faüi, chingchajaja hia sukya olom ma ngokyabu hanpakma a.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

OBADIA 1:12

Judah angkya hünzom mamixbue shoma apongkya to hünzom tsaichong-kaxbongle chichanghaxkux. Hwom-max hwom-samle changkya nyix hünzom ang nga chidong haxkux. Hwome nuzaole changpongma hünzome hwom cha chinyi haxkux.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

MÜNCHUAK-TSAI 38:16

Ku shoma khoma ku zangpabue chanyile wanjaikya tüi ang taxtom; kue chithole changkya bama hwom tsaichong-kaxbongkya tüi ang taxtom!

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

JOB LAIPEX 31:29

Ku zanpabu sikngün apong pongma chemtuechu ku ang mong mamüi; hwome thama apong pongma pwonla dongle machang.

MÜNCHUAK-TSAI 97:11

Otsao khünakbu to zangngaie fale, ilaxle müikyabu to mongmüie awangle.

EZEKEL 35:15

Ija a ku kux Israel nok omüt-osam to hünzom ang mongzom müikya ningle changüi. Changle, Seir haxnubu, Edom haxtok, ibu pangwüi laxli chitüikya haxtok ang awütüi. Ifüima noknusae kua Jowanpa changle le awanüi.”

MÜNCHUAK-TSAI 35:19

Ibu tselop, ku zanpabue, ku to lütkya wanjai ang taxtom. Chemtsai-chemkax chitüi khato ku to miktsakkyabue ku mongma ngünlaxle mongmüile wanjaikya tüi ang taxtom.

JUHAN 16:20

Otsingtsingma kue hünzom ang thüipu; hünzom sopüi ilaxle mong maxüi, ikoxlechu chaxwannu a mongmüiüi; hünzom ang mongmaüi ikoxlechu hünzom mongma a mongmüi ang achangüi.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MIKA 7:10

Ikoxle kem zanpabu opange kem chanyi laxle “Jowanpa hünzom Zang a omaxün?”, le akaxpuix, keme ibu to lomtang angkya haxthom to tingpupu le nakle tingle lütkya ngün ang kopüi.

EZEKEL 25:6

“Ija a Jowanpa Khüthak Zang kax changle: Hünzome chakbu akhaole mongmüi tungle fütle. Hünzome Israel haxtok thajao wünhaile chang ang tomle.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

MATHI 4:16

omang zangkhunge khungle thomkya, chaxwan to ngokyabu hato, zangngaie nyan angkya changle!”

JEREMIA 50:11

Jowanpae thüi: “Babilon angkya khünaknu, hünzome ku khünaknu thomjole toxpu. Hünzom a mongmüi-pwonlale ngole, tsaxnakle anguix ngokya maihu tuita ningle chichangba man tuita akhongkya ningle changkoxchu,

ISAIA 49:9

Kue kople thomkyabu ang thüiüi, ‘Paolax!’ ilaxlechu zangnak fang to ngokyabu füi, ‘Zangngai to lailax!’, le thüiüi. Hwom a haxhua to fumtsütle ngokya chunbu ningle changüi;

ISAIA 2:5

Athaxpi, Jakop sixlibu, Jowanpae kem ang fakya zangngai ma ahamhax!

MÜNCHUAK-TSAI 37:24

Hwom ati koxlechu, hwom ikhama nguakle münngoüi, chemthüikoxle hwom zole ajong ang Jowanpa asun angkya changle.

MÜNCHUAK-TSAI 37:21

Chichangchizangkya khünakbue thashe laxle apüile ikoxlechu chemtuechu ija chiachat, ikoxle müikya khünakbu a hwom hinghobu mongtsutsule ahan-achei lelaxle.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

2 KORIN 4:9

zanbu huanuma tüi, ikoxlechu zuikhui chitüi homtoxle kwom otuechu chingo; üntoxle tampong huanuma maklax, ikoxlechu kwom mik chimax.

MÜNCHUAK-TSAI 20:8

Iningkya khünakbu a chikho thuüi üntoxle nguaküi, ikoxlechu kwom a zoüi üntoxle shingmongle ajongüi.

JEREMIA 8:4

Jowanpae chix khünakbu füi ija kax akax angkya ku füi akax: “Chemtue owawa atile changpuix, chix anaole chizole tüizaicha? Owawae lom asamle jangchangba, chix anongle chichatle tüizaicha?

JEREMIA 48:27

Moab, nange Israel nok cha chemle nyikya dai texle atakcha? Nange hwom to ahuxmixbu kopkya to hwonkya lailaile hwondaoa.

EZEKEL 36:5

“Ku, Jowanpa Khüthak Zang-e, ku mongtsik zangkham abakle tomzi nokbu füi akaxdaoa, tamnüile chu Edom nok füi akaxpu. Hünzome ajao-adakya füi tamchu zong ma laxle ku haxtok hia müi tsomnuibu laxle changpu.

MIKA 4:10

Kwom-kwomlanle wotle, Jerusalem angkya khünakbu, mixnu tuitae nao ngünüi ninglea, chemthüikoxle athax hünzom tingnu dantoxlaxle kothofa to ngo angkya changle. Hünzom a Babilon to pao angkya changle, ikoxlechu Jowanpae ikhato zanpabu chak tokya hünzom khosünle kopüi.

ZEKARIA 12:8

Ipongma Jowanpae Jerusalem ma ngokya khünaknu kho-awale thomüi, ilaxle hwom khama anaikya mix ngaxchu Dawid lailaile tsak-zongle tüiüi. Jowanpa kaxtaimix, Zang chix lailaile Dawid sixli hwome ibu lom azuiüi.

MÜNCHUAK-TSAI 143:3

Ku dapabue ku to-zile changle ilaxle ku to owüiole lütle. Hwome ku kun zangnak khato shodaoa, ilaxle ku a kaiwüi zingoünkya ningle changüna.