MIKA 7:6 - OTSAO BAIBEL (BSI)

⁶ Ija tuk ma sasün hwome hopa to ongat ningle hwonüi, sacha hwome honu füi alaüi, ilaxle nomcha hwome ma-nyenu hwom füi ahele changüi; hünzom zanpa ang a hünzom homkha khünak wüi lüile changüi.

MIKA 7:6 ပူးပေါင်းရင်းမြစ်များ

KAXHO MÜIKYA LUK 12:53

“Hopabu sasün hwom zongto tüiüi, hosabu hopa hwom zongto tüiüi; honu hwom sacha hwom zongto tüiüi, nomcha hwom honye hwom zongto tüiüi; honye hwom honomcha hwom zongto tüiüi, nomcha hwom honyenu hwom zongto tüiüi.”

MATHI 10:21

“Hotüie honao, hopae sasün lang angkya hanpakma owüiole koxüi; tamchu sasün hwome honu hia hopa hwom füi alünle ajong laxle hwom lang ang owüiole kox angkya changle.

MÜNCHUAK-TSAI 41:9

Ku zuikhui amüikya, owato kue ataxle mongong tüipuix, owae ku füi saxtsom ahanle saxpuix, chixe ngaxchu ku zan to kale.

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

WANWÜNKAX 30:11

Hopa hwom to thuakzomle changkya hia honu hwom achuakle chichangkya khünakbu tüile.

KAXHO MÜIKYA LUK 21:16

Manu-mapa hwome ilaxlechu matüi-manao hwome üntoxle kako: homkhae, tamchu üipa-zuikhuibue, hünzom a owüiole koxüi, üntoxle hwome hünzom züizüi a omang jao amütüi.

MATHI 26:23

Jisu-e hwom kax to lan: “Ku füi tomle khua tuita ma chix an somkya mixe ku khohang angkya changle.

OBADIA 1:7

Hünzom zankat üithobue wüi hünzom dyenle tsuak; hwome hünzom a hünzom haxtok angkya jwonle apao. Hünzom füi tumüi ma ngokyabue wüi hünzom tingtak tsuakpu. Hünzom füi tomsax-tomling ngokyabue wüi hünzom tsünle amanpu; hwome hünzom ang thüi: ‘Chixtsing-chixtsang omaxün puix?’

JEREMIA 20:10

Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

JEREMIA 12:6

Hünzom haxnu homsabu ngaxchu, hünzom homkha khünakbu, hwome ngaxchu nang pongle chikop; hwom nang zan to ka ang mix füi womtüi. Hwom to mong taxong, hwome kaxmüi zangchu kangnaxwün.”

WANWÜNKAX 30:17

Nange hünpa chanyi chichangba azu füima manu ajao-adale jangchang,, nang a okun-olae saxdao angkya changle chichangba okhabue nang mik lokdao angkya changle.

2 SAMUEL 16:11

Ilaxle Dawid-e Abishai hia chix nguakax-wangkhobu ang thüi: “Ku a ku sasüne lang ang tungle ngopu; idaile ija khoma hünzome Benjaminbu büthüikoxle abüt angkya? Jowanpae chix ang thuakzom angkya akaxpu; idaile chix to chemchu chithüile chix tata dantox dao.

PONGWANG LAIPEX 49:4

Nang a tinu tichap ningle, ikoxchu nang akhokya le chichang, chemthüikoxle nang a ku dacha füi jipkya mix changle; nange hünpa lya wün ahaidaoa.

ISAIA 9:19

Jowanpa Khüthak Zang ang mongtsik ngaikoxle, chixe chaxwan okhao angkhange zokle ashundaoa. Khünakbu a wün tak angkya ha thatha ang changdaoa; ilaxle khünak owaechu mik chiamütle matüi-manao ota toxkya müntüiüi.

JEREMIA 9:4

Ma zuikhuibu zongto pangnusasa wüi mik-hingle ngo angkya changpu, ilaxle haxnu-homsa to owaechu mongong angkya müntüi; chemthüikoxle mamixbu chuwüi pangwüi Jakop lailaile mix dyenle tüile, ilaxle pangnusasae wüi ma zuikhuibu ajao-ahaile changle.

ISAIA 3:5

Hwome tata to adale changüi. Naolibue tüichong mixmüibu chathua zale chitüiüi, ilaxle laxli chitüikya khünakbue ma thakma akhokyabu to e-sele chitüiüi.