MIKA 7:3 - OTSAO BAIBEL (BSI)

³ Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

MIKA 7:3 ပူးပေါင်းရင်းမြစ်များ

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

AMOS 5:12

Hünzom ochaxbu chemtukux khomtsikyabu hex tamchu hünzome chemtukuxle mix mik amüt daopuix kue awan ngopu. Hünzome müikya khünakbu to zothuple chang, zuizunbu lax, ilaxle mixshix-zasabu ang khwa ma sukya kaxfün kop ang chitom.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

MATHI 26:15

“Kue Jisu hünzom ang owüiole jangkoxba hünzome ku ang chem faüi?” Hwome jan ngun huak tsübün akiak laxle chix ang kox.

HOSIA 4:18

Hwome tokle ju lingkya füima, tsangtsa hangkya ma mongzom müi, ilaxle chingcha chitüikya chifün mix achuaksele tsu.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

EZEKEL 22:6

Israel nok lompabu pangnusae wüi hünzom janzüi to alüile mongongle ilaxle mik amütkya mütkople.

JEREMIA 3:5

Nang a othuithuima mongtsikle münngoüi; ku füi nang jento mongmale münngo.’ Israel, ija kax nange akaxpu, ikoxle nange tsuakkya kople ochax mwot mokpu.”

ISAIA 26:21

Jowanpa a chix ngwotnui zangkangting tokhange, hwom ochaxbu khoma chaxwannu angkya khünakbu to sikangün ang nguile ngole. Chaxwan tok ma zuile mix mik amütkyabu kotok to angaiüi, ilaxle mik amütdaokyabu chaxwantoke athax pyenle münthom.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 17:23

Chichangchizangkya kaxfünpabue huxsa zuizunbu laxle, ikoxle sukya kaxfün a chifa.

ISAIA 3:5

Hwome tata to adale changüi. Naolibue tüichong mixmüibu chathua zale chitüiüi, ilaxle laxli chitüikya khünakbue ma thakma akhokyabu to e-sele chitüiüi.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

HOSIA 7:3

Jowanpae thüile: “Khünaknue hwom huxtsing-loptsang mwotlom tokhange wanghom hia chix nguakax wangkhobu dyenle chang.

MIKA 2:8

Jowanpae lan: “Hünzome ku khünaknu to zan nok to singpupu le sing. Zantam tokya khünaknu, homhax haxmüi-zangmale tüile le ajangle chat, ikoxle ikhama hünzom a, hwom tok angkya nyiwunbu ahuxle pa-pao ang tanle nui.

MIKA 3:2

ikoxlechu hünzome chem müipuix ija thua anu ikoxle chem ochax hex ija to mongkün. Hünzome ozün ma wüi ku khünaknu khwon khuak ilaxle hwom zabu angkya hak lik.

WANWÜNKAX 16:30

Watyax-zonghakya khünak chingünle taxtüi; hwom ma tutex oma lita tüile.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

EZEKEL 34:21

Hünzome okak-olak füikyabu othom kha angkya apaolaxle sanpat to sam ang tompu.