MIKA 7:19 - OTSAO BAIBEL (BSI)

¹⁹ Nange tamchatle kwom to chingcha-jajaüi. Nange kwom ochaxbu to hax ma cha füi naküi ilaxle ibu tinu jithong to apaoüi!

MIKA 7:19 ပူးပေါင်းရင်းမြစ်များ

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

ROM NOK HATO ZAKYA POL LAIZA 6:14

Ochax-e nang to apün ang jao taxkox; wanlom fangma chichangle Zang chingcha fangma ngohüi.

JEREMIA 31:34

Hwom opupuechu tomzi hama Jowanpa tsingle lax angkya wüile anwot-ano ngo angkya müntüi, chemthüikoxle hixkya makhange chongkya kople hwom pangnusae ku awanle changüi. Kue hwom ochaxbu alaküi ilaxle hwom thaikyabu mong ma münthomüi. Ku, Jowanpae ija akaxdaoa.”

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

MÜNCHUAK-TSAI 103:12

Hannop füi handün chemtukuxle atsaile tüipuix, itukuxle atsaile chixe kem ochaxbu kem atsaile pao ang tom.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

ROM NOK HATO ZAKYA POL LAIZA 8:13

Chemthüikoxle hünzom müi-hi-aji mongtex ma jangngo thüiba, hünzom zi angkya laiüi; ikoxlechu chasa makhange hünzome hünzom ochax mwot janglang, hünzom ozün ma ngoüi.

HOSIA 14:4

Jowanpae thüi: “Kue ku khünaknu tamchatle ku hato apüiüi. Kue hwom to mong makhange zongbakle mongkünüi; athax ku ang hwom füi mongtsikkya müntüiüi.

MÜNCHUAK-TSAI 130:8

Chixe chix khünaknu Israel hwom ochax pangnu tokya khosünüi.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

MANGSOP 3:32

Chixe keme hato mongtsik-mongma apüi ang tsuak, ikoxlechu chixe kem to mongkünkya a chithai angkya tamchu tsak-zong changle.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

TSAITONG-KAXTONG 32:36

Jowanpae chix khünaknu khosünle kopüi chixe hwom ang janzüi müntüile ngünkya zuma a. Chix thothale changkyabu to chixe chingchakya tüiüi, chingcha ashukle hwom max-samle ngünkya zuma a.

TSAITONG-KAXTONG 30:6

Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

IBRI 8:12

Kue hwom ochaxbu thailak koxüi; hwom ochaxbu mong ma münthom.”

ISAIA 33:24

Kem haxtok ma ngokya owaechu tamchatle kaklak bama kaxthup-ngaotünkya müntüiüi, ilaxle ochax pangwüi thailakkya tüiüi.

JEREMIA 33:8

Hwome ku zongto thaile mokdaokya ochaxbu tokya hwom atsaole koxüi, ilaxle hwom ochaxbu hia ku zan to kale tüikyabu, kue hwom ang thailak tüiüi.

EZEKEL 18:22

Chix ochaxbu pangwüi thailakkya tüiüi, ilaxle chix a ozün ma ngoüi chemthüikoxle chixe chem supuix ija mokdaoa.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

ZEKARIA 3:4

Zangkangting to chix thotha ang ngokyabu füi ija kaxtaimixe thüi: “Ija mixsüne awunle ngokya nyitsyen sikle koxdao.” Ifüima chixe Jihusua ang thüi: “Kue nang ochax awütle fadaoa ilaxle nange awun ang ku nyizün koxüi.”

2 SAMUEL 24:14

Dawid-e lan: “Ku a khosam-ashukle tüile! Ikoxlechu kue khünakbue ku to zothuple chang angkya laxle müntsu. Kwom to Jowanpa chix jaojaoe zothuple naxachang kox, chemthüikoxle chix a chingcha füikya Zang changle.”

MÜNCHUAK-TSAI 85:3

Hwom füi mongtsik haxkux nange thuakjokle azak ilaxle nang shixkya küntsik-mongma abaxle tüi.

MANGSOP 3:22

Mong chiathokya Jowanpa mongkün chingcha otyatya wüi tüile,

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”