MIKA 7:18 - OTSAO BAIBEL (BSI)

¹⁸ O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

MIKA 7:18 ပူးပေါင်းရင်းမြစ်များ

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

JEREMIA 32:41

Hwom hanpakma müikya mwot mokkya to mongmüiüi, ilaxle kue hwom a ija haxtok ma othuithui hanpak ang ating-anokle ngo ang tomüi.

JEREMIA 3:12

“Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

MÜNCHUAK-TSAI 89:8

Jowanpa Khüthak Zang, nang lailaile tsak-zongkya owachu müntüi; O Jowanpa, nang a pangnuli to chialekya mongong füi ngopu.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

MÜNCHUAK-TSAI 65:3

hwom ochaxbu hanpakma a. Kwom thaikyae kwom to lütle, ikoxlechu nange hwom ang thailakkya tüi.

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

1 WANGHOMBU 8:23

ilaxle zangjop: “Jowanpa, Israel nok Zang, thakchi ding to tamchu fangchi hax to nang lailaikya zang owachu müntüi! Nange nang khünaknu füikya tsaotsüt thom ilaxle hwome kün-hi-mong makhange abakle nang kax ma laxle changpongma nange hwom hato nang mongkün aho.

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

JOEL 2:32

IKoxle opange Jowanpa ang asunhüile thüiüihex, hwom khosünkya tüiüi. ‘Züizüi Jerusalem to paole azangüi; kue zünle kopdaokyabu azangüi’ le Jowanpae akax daokya ningle.”

ISAIA 57:16

Kue ku khünakbu ang khüzün koxpu, ilaxle kue hwom ma tsaitox-kaxfele münngoüi chichangba othuithuima hwom füi mongmale münngoüi.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

DANEL 9:9

Kwome ibibile nang zan to kale changdaobachu, nang a chingchajaja hia thailak tüikya Zang.

JEREMIA 3:5

Nang a othuithuima mongtsikle münngoüi; ku füi nang jento mongmale münngo.’ Israel, ija kax nange akaxpu, ikoxle nange tsuakkya kople ochax mwot mokpu.”

ISAIA 65:19

Jerusalem hia she ma tüikya khünaknu khoma ku ngaxchu mongmüi-tungle tüiüi. Ikhato sop-juakya hia fongmix sele akhongkya müntüiüi.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

MÜNCHUAK-TSAI 130:4

Kwom nang thua zale ajong angkya hanpakma nange kwom ang thailak fa.

MÜNCHUAK-TSAI 71:19

Zang, nang otsaoe zangdingkho alople tüile. Nange tüle chongkya mwot mokle tsuakdaoa; nang lailaikya owachu müntüi.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

ROM NOK HATO ZAKYA POL LAIZA 11:4

Zange chix kax to chemle lan? “Othai Bal zang chishwomkya khünak; ku hanpakma hajat anüt khünak thompu.

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

AMOS 7:8

Chixe ku ma atüi: “Amos, nange chem ngünpu?” Kue lan: “Jandwonsa tuita shashale ngünle.” Ija ma chixe thüi: “Kue ija a, ku khünakbu a katuk ashei le paoünkya ningle tüile le aho ang twonpu. Kue hwom to sikngün fa angkya bama ku mong tamchatle münalüix.

JEREMIA 31:34

Hwom opupuechu tomzi hama Jowanpa tsingle lax angkya wüile anwot-ano ngo angkya müntüi, chemthüikoxle hixkya makhange chongkya kople hwom pangnusae ku awanle changüi. Kue hwom ochaxbu alaküi ilaxle hwom thaikyabu mong ma münthomüi. Ku, Jowanpae ija akaxdaoa.”

ISAIA 57:10

Mama baozangbu lom ang hünzom ipongpongle na-jua-le maxle azong, ikoxlechu hünzome twotle chitox. Hünzome thüt ibu jannong alüile tüikya chapabue hünzom ang janzüi faüi, ikhoma hünzom otuechu na-juale chichang.

ISAIA 40:25

Otsao Zang a owa füi apyenüi? Chix lailaikya owawa tamtüi chami?

ISAIA 40:18

Zang a owa füi tomta apyenüi? Chix iningle tüile le nange chemle akhix-akhanüi?

MÜNCHUAK-TSAI 103:13

Hopa tuitae sasün to chemle chingcha puix, itukuxle chix chathua zale tüikyabu zongto Jowanpa chingcha tüi.

MÜNCHUAK-TSAI 35:10

Ku mong makhange abakle kue Jowanpa füi akaxle thüiüi: “Nang lailaikya owachu müntüi. Otsak-ozong tüikyabu chak tokya nange tsak-zong chitüikyabu khosün, hwom to afangle thomkyabu chak tokya mixshix-zasabu khosün.”

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

JEREMIA 38:8

Ikhoma Ebedmelek ikhato ngui ilaxle wanghompa ang thüi:

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.

PONGWANG LAIPEX 4:7

Nange mwot changle mokdaokoxba, nang a nyinyole tüise; ikoxle nange chichangchizang mwot mokkya khoma ochax a nang luapox ma zuile tüile. Ijae nang kopsele mongtsukya tüile; ikoxle nange ija to lüt angkya oli changle.”

2 PUKAX-PANGAO 6:21

Ija onui chito hulaxle kue tamchu nang khünaknue zangjople changpongma, nange kwom zangjop to lanhüi. Zangkho-wangting nang hom tokhange kwom to lanhüi ilaxle kwom ang thailak tüihüi.

2 PUKAX-PANGAO 30:9

Hünzom Jowanpa hato chatle jangchang, hünzom haxnu-homsabu zanda ang koplaxle paole thomkya khünakbue hwom to chingchajajale changüi ilaxle hwom a hom to chat ang danüi. Hünzom Jowanpa a mongkün hia chingcha füikya Zang changpu, ilaxle hünzom chix hato chatle janghüi, chixe hünzom a ponglekop angkya changle.”

ISAIA 33:24

Kem haxtok ma ngokya owaechu tamchatle kaklak bama kaxthup-ngaotünkya müntüiüi, ilaxle ochax pangwüi thailakkya tüiüi.

ISAIA 64:9

idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

JEREMIA 9:24

Owawae tsaichong-kaxbongle tüise jangtsu, ibu hwome ku tsing-wankya bama tsaichong-kaxbongle chang ang tsuak, chemthüikoxle ku mongkün ma ojem münfün, ilaxle kue chem supuix tamchu chem changpuix ijatix mokpu. Ku mong amüi angkya mwotli a ibutix changpu. Ija a, Jowanpa, kue akaxdaoa.”

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

JEREMIA 33:8

Hwome ku zongto thaile mokdaokya ochaxbu tokya hwom atsaole koxüi, ilaxle hwom ochaxbu hia ku zan to kale tüikyabu, kue hwom ang thailak tüiüi.

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

KAXFÜNPA-HWOM 10:16

Ikhoma hwome mixnok baozang ibu danle tox ilaxle Jowanpa to shwom; ilaxle Israel nok sikngün bama chix mongto kak.

MÜNCHUAK-TSAI 65:4

Nange zünle kopkyabu a mongmüi mixbu changle, nang otsao ngwotnui ma ngo ang nange apüikyabu a. Nang homkha ma tüikya müikya tuina füi ku ang mongtexshakya tüiüi, nang otsao Zangshwom-Hom mohimanbu füi a.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

EZEKEL 33:16

Chixe mokkya ochax kue thailak tüiüi, ilaxle chixe sukya hia müikya mwot mokle changkya khoma chix a ozün ma ngoüi.

HOSIA 14:5

Israel khünaknu zongto ku a haxzan zongto zangwat ningle changüi. Hwom a maipuabu füi tomle puaüi; Hwom a tsingju-kamong le changüi Lebanon angkya pünnubu lailaile.