MIKA 7:14 - OTSAO BAIBEL (BSI)

¹⁴ Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

MIKA 7:14 ပူးပေါင်းရင်းမြစ်များ

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

ISAIA 37:24

Nang man-kanlinbu füi nange Lebanon Haxnu pangwüi lütle koptsuakdaoale tsaichong-kaxbong füi nange nang dapa ku hato ahüipu. Nange ikhato tokya ojang lokya sedarbu tamchu amüikya saipres pünbu dak tsuakdaoale tsaichong-kaxbongpu, ilaxle nange shonak-lingnu mong süzukya khato alopdaoale ngampu.

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

MÜNCHUAK-TSAI 95:7

kem a chixe apu-achangle ngokya khünaknu changle, chixe osüt füi tuxle ngokya chunzyem a.

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

JUHAN 17:16

Chemle ku chaxwannu kux chichang puix, ija ningle hwomchu wüi chaxwannu kux münchang.

MATHI 2:6

“‘Jehudi angkya Bethlehem; nang a Jehudi chaxwan ma tüikya tingnubu khama ahixkya le münchang; Chemthüikoxle nang makhange lompa tuita lai angkya changle. Chixe ku wangpün Israel khünaknu, lom azui angkya changle.’”

MALAKI 3:4

Ikoxtix amipongkya ningle, Judah hia Jerusalem angkya khünaknue Jowanpa hato apüikya tö chix zongto mongzom ma müikya ang changüi.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

MANGSOP 5:21

Kwome nang hato chat ang tomüi, Jowanpa! Kwom chat ang tomhüi! Kaitantokya kwom fuazang achatle fahüi.

ISAIA 65:10

Hwome ku to shwomüi ilaxle hwom chun hia osu-maihubu hannopchi angkya Sharon Haxsha ma tamchu handünchi angkya Sikngün Haxsha ma fum tsüt ang tomüi.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

MÜNCHUAK-TSAI 143:5

Leünkyabu hanpak kue texle atakle; nange mokdaokya pangnu bama kue ajangle laxle, nang mwot pangwüi kue mongto thütle atakle.

TSAITONG-KAXTONG 33:28

Ikhoma Jakop sixli hwom mongsom ma ngo, zampa hia grep-tie awangle tüikya haxtok ma, ojong khato ding tokya nyenti füi haxtok ma ti koxpuix.

HUAKE LAIPEX 23:9

Tsuathakya longnubu kho tokhange kue hwom ngün ang thole; Haxhuabu tokhange kue hwom to hungo ang thole. Hwom a matata ngokya jat-li tuita changle; Mama jat-libu to kaile hwom to mohimankya hwome awan ngole.

LAIPAO 33:16

Nang kwom füi tomle chihüi jangthüi: khünaknu füi tamchu ku füi nang mongzom müile le owawae chemle awanle laxüi? Nang kwom füi tomle womle tüikoxtix, kwom a chaxwannu angkya khünakbu füi chixlili changle le awan ang tsuaküi.”

MANGSOP 1:7

Maxkya chifün ma she tata athax, Jerusalem-e she sünmüi-joma thütle atak. Chemtue she a zanpabu chak to dongpuix, she to asunle fa angkya mix tuita chitüi; She to anaokya zuma lütkyabue she chanyile wanjai.

LIWI 27:32

Tsom-pom bün kha angkya müitom tuita a Jowanpa hanpak changle. Chemtue müi akiakle changüihex, ipongma bün kha angkya tom tuita a Jowanpa kux ang koxüi.

TSAITAX-NGAONÜI 4:1

Ku mowünnu sün jo chemkuxma müipuix! Khangkho nyi khung to mongkün füi nyanle, nang mik-hu ning chemkuxma müipuix. Nang shingsham le azüi, zwonzyem fütüi ningle, Gilid haxnu tokya zwonzyem juüi ningle.

JEREMIA 49:31

‘Nguihüi! Hwom to chemchu münthüithole ngokya khünakbu to keme singhax! Hwom tingnu ma pan hia kapat-ja chemchu müntüi ilaxle ija a khotho-ngaizale tüile,’

EZEKEL 36:11

Kue ku khünaknu hia müibu pu-tsale chang ang tomüi. Hünzom a amipongma ile otuechu matüitox le tsaüi, ilaxle hünzom ang susabu huanuma tüiüi. Kue hünzom a ngohomkya ningle ikhama ngo ang tomüi, ilaxle amipongkya to kaile hünzom a ahak-alua ang tomüi. Ifüima hünzome ku a Jowanpa changpule awan ang kopüi.

HUAKE LAIPEX 32:1

Reuben hia Gad homjen ang tsom-pombu tüle tüikya. Chemtue hwome Jazar hia Gilid haxtok müitsom ang müikya haxtok changle le ngünle lax,

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

OBADIA 1:19

“Shuathongchi Judah angkya khünakbue Edom haxtok kopüi; hannopchi haxnucha ma ngokyabue Filistia haxtok kopüi. Efraim hia Samaria haxtok a Israel noke kopüi; Benjamin khünakbue Gilid haxtok laxüi.

ZEKARIA 10:10

Ijip nok hia Asiria nok tokhange kue hwom ma tingtok to chat ang tomüi ilaxle hwom haxtok ma hwom ngo ang tomüi. Kue hwom Gilid hia Lebanon to chuwüi ngo ang tomüi; haxtok pangkhato wüi khünake awangle changüi.

ZEKARIA 11:7

Opange chun apüi ilaxle hangle changpuix, ibue ku hingchak shak, ilaxle ku a lang angkya chunbu nyetmix ang achangpao. Kue kiathox anyi lax: Tuita ang kue “Mongtsu” ilaxle ata ang “Notom”, le nyak. Ilaxle kue chunzyembu nyele ngo.