MIKA 7:13 - OTSAO BAIBEL (BSI)

¹³ Ikoxlechu ikhama ngole tüikya khünaknu khoma haxtok a sak-hax ang achangüi.

MIKA 7:13 ပူးပေါင်းရင်းမြစ်များ

JEREMIA 25:11

Ija haxtok pangkha wüi amale dantoxüi ilaxle ija a mikngün ma za-adünkya tuita changüi, ilaxle tomzi nokbue zanglao puzom-bün hanpak ang wanghompa Nebukadnezar thothale changüi,

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

MIKA 6:13

Idaile hünzom pün angkya hia amüt angkya kue owang wangdaoa.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

WANWÜNKAX 31:31

She mwot pangnu bama she ang münchong fakox. She a noknusae ese ang asupu.

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 1:31

Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

JOB LAIPEX 4:8

Ochax manzai üntoxle ochax liwüi saikya kue ngünle hüipu; athax ibue chimüikya hia ochax oziak-opua athünle ngopu.

EZEKEL 12:19

Kaxho ija a hwom haxtok ma ngole tüikya Jerusalem angkya khünaknu ang koxkya kaxho changpule zangfang pangnu nok hato apuakox: Hwome fong zangale saxüi ilaxle ti a mong-shunzole lingüi chemthüikoxle ikhama ngokya owaechu wanlom chilax homtoxle ngokoxle hwom haxtok a zuazoxle dantoxüi.

EZEKEL 33:28

Kue onok a khünak chingole awütkya haxtok ang achangüi, ilaxle hwom mongngam ang laxle ngokya tsak-zong a oshuk ang achangüi. Israel haxnubu a owachu mata-anyi le ang chithokya shonak-lingnu ang achangüi.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

ISAIA 17:9

Chemtue ija nyix nguile hüipuix, müile ziakople thomkya tingnubu khünak chingole awüt-toxüi ilaxle ibu a Hip nok hia Amor nokbue Israel nok zantho to paoüima hwom tingnubu danle awüt toxkya ningle changüi.