MIKA 7:12 - OTSAO BAIBEL (BSI)

¹² Handünchi Asiria tokya, shuathongchi Ijip nok tokya, Eufrat shuanu tui tokya, ochu to tinu kha tokyabu ilaxle tsailonu haxhua tokyabu, pangnu chitokya nang khünaknu nang hato chat angkya changle.

MIKA 7:12 ပူးပေါင်းရင်းမြစ်များ

HOSIA 11:11

Hwom a Ijip tokya nguiüi, osa pik ma pile, ilaxle Asiria tokya, osubu lailaile. Kue hwom, hwom hom to tamchatle apüiüi. Ija a, Jowanpa, kue akaxdaoa.”

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

EZEKEL 37:21

Hwom hama akaxkox, Jowanpa Khüthak Zang-e pangnu khato chiakle sam ngokya chix khünaknu, ta ma asüilaxle, hwom a hwom chaxwan to tamchatle apüi angkya changle.

EZEKEL 29:21

“Chemtue ija changle hüiüihex, kue Israel khünak tsak-zongle chang ang tomüi, ilaxle Ezekel, noknusae nang kax atat ang tsuakle chang angkya onui makhange nange akaxkox, izuma hwome, ku a Jowanpa changpule tikle laxüi.”

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

ISAIA 49:12

Ku khünakbu a tsailo tokhange nguiüi, shuakux hia hannopchi tokyabu a, ilaxlechu Aswan tokhange shuathong chitokya.”

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

JEREMIA 46:27

“Ku khünaknu, hünzom taxza, Israel khünaknu, hünzom a taxabüt-ban. Tsailo nok chak tokya kue hünzom khosünle changüi, zanda ang hünzom ngole hüikya nok chak tokya a. Hünzom a hom to chatle chatüi ilaxle mongsom ma ngo ang kopüi; hünzom to chem münthüi: ilaxle owaechu hünzom aza-anale münchang.