MIKA 7:1 - OTSAO BAIBEL (BSI)

¹ Monghom angkya ojao müntüi! Ku a, fupsa pün ma pünziak tuita chiatak ilaxle grep zu ma grep ziak tuita chiatakle woknuak maxngokya mixsün tuita ningle. Grep hia ipong müikya fupsa ziakbu a komkaile khaibang daoa.

MIKA 7:1 ပူးပေါင်းရင်းမြစ်များ

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

ISAIA 28:4

Pongwang ma jumkya fupsa ziak, jumkya füi tomle khaile saxtsuakkya ningle mongngam füikya lompabu fuazang ang maxle samdao angkya changle.

ISAIA 24:13

Zangfang angkya pangnu haxtok towüi ija a ile chang angkya changle. Ija a olip tsang hongle tsuak tamchu grep ziak khaile tsuaklaxle puamün wünle tsuak füima changkya ningle changüi.

ISAIA 17:6

Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

JEREMIA 45:3

nange akax ngole, ‘Kue dantoxüi changa! Jowanpae ku sikngün to mongthang füi janbo langle. Awaokyakyae ku sumle paoüna, ilaxle kue nazak chemchu münatak angkya changle!’

JEREMIA 15:10

Ku a chemtukux mongmüi chitüikya khünak tuita hex! Anue ku chemkhoma ija chaxwannu to ngui ang tompuix? Haxtok angkya khünak pangwüi füi ku ahe-atsi ilaxle kax ma ala. Kue ngun-syen owa angchu chikox chichangba owa angkya kue chilax; ikoxlechu noknusae ku to thuakzom.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

MÜNCHUAK-TSAI 120:5

Hünzom khato ngokya a Meshek ma ngokya tukuxle male chichangba Kedar nok khato ngokya tukuxle male,

JEREMIA 24:2

Pongwang lükya tsong ma müikya fupsa pongwang ole jumkyabu shole tüikya; mama tsong ma a fupsa omabu shole tüikya, ibu a sax ang ojao chimüikya oma.

HUAKE LAIPEX 18:13

Ibu pangwüi nangkux. Nang homkha angkya khünak zanglom ma tsaothale angongo pangnue ija sax ang tsuak.

WANWÜNKAX 20:6

Noknusae wüi ma müikya hia sukya mowün amüile zangwünle, ikoxle otsingtomtata ma iningle mix owawa atak ang azonglax!

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.