MIKA 6:8 - OTSAO BAIBEL (BSI)

⁸ Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

MIKA 6:8 ပူးပေါင်းရင်းမြစ်များ

WANWÜNKAX 21:3

Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

HOSIA 6:6

Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

KAXHO MÜIKYA LUK 6:36

Hünzom Hopa ma chingcha tüikya ningle hünzomchu chingcha füi tüilax.

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

AMOS 5:24

Itülüi, sukya kaxfün a shuasa ningle jenle ju ang tomkox, ilaxle otsao a tamchu chizopkya shuanu ningle jen ang tomkox.

MATHI 5:7

“Mix to chingchakyabu mohiman; Zange hwom to chingchaüi!

EFISIA 4:32

Itülüi Khrista makhange Zange hünzom ang thailak koxkya ningle tata zongto chingchajaja hia jonai ma ngolax.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

HOSIA 12:6

Idaile athax, Jakop su-sa hwom, Zang to mongong tüilax ilaxle chix hato chatlax. Mongkoxle chix thothalax ilaxle sukya kaxfün ma ngolax, ilaxle hünzom Zang-e mok angkya to adule tanlax.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

MÜNCHUAK-TSAI 37:26

Othuithuima hwome mix ang amuamuale kox-zunle changle, ilaxle hwom su-sabu a mohiman ang achangle.

NEHEMIA 9:13

Sinai Haxnu ma nang zangkangting tokya ju; nange nang khünaknu füi zangwün ilaxle nange hwom ang müikya wanlombu hia sukya hwon-nwotbu kox.

MÜNCHUAK-TSAI 112:4

Müikya khünakbu hanpakma zangnak to zangngaie faüi, chingchajaja hia sukya olom ma ngokyabu hanpakma a.

MANGSOP 3:26

Idaile thuakjokle tan angkya a kem zongto amüikya changle—kem khosün bama chix thatan angkya a—

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

MÜNCHUAK-TSAI 73:28

Ikoxlechu ku hanpakma, Zang zui ma ngo angkya chemtukuxkya ohünotün changüihex, Khüthak Jowanpa hama, chix ziamong ma ngo ang kop angkya üntoxle chu chixe chempang mokdaopuix ibu bama khuapule ngo angkya a!

2 PUKAX-PANGAO 34:27

ilaxle kue Jerusalem hia ima tüikya khünaknu sikngün apong ang tom angkya azale changkya kax atat pongma, nang nyizabu akyetle tamchu sople, mong puinaikya füi ku tunthoma mongchatle changdaoa. Kue nang zangjop atatle laxdaoa,

JAKOP 2:20

Ikoxle, O anga! Mokkya mwot chitüi homtoxle mongong tata ma chem mwot müntüile nange ahose tsupuix nyi?

ROM NOK HATO ZAKYA POL LAIZA 7:16

Kue mokse chitsukya kue mokkya zuma, kue wanlom ma thaikya müntüile laxkya imjo ahole.

2 PUKAX-PANGAO 32:26

Oshukma, Hezekiah hia Jerusalem angkya khünaknue hwom alüile pui-naile chang, ikhoma Hezekiah mazikya kople Jowanpae khünaknu to sikangünle chichang.

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

ROM NOK HATO ZAKYA POL LAIZA 9:20

Ku zuikhui, Zang kax to anongle lan angkya mix nang a owa changlax? “Nange ku ile büthüikoxle zingpu?”, le hax tikkuxe jaopupa füi münakax.

KAXHO MÜIKYA LUK 10:42

Meri-e wüi changkya lom zünle kopdaoa, ilaxle ija she angkya chipaoüi.”

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

PONGWANG LAIPEX 5:22

Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

LIWI 26:41

oja khoma kue hwom hato tok aho ilaxle hwom mixnok zanpabu haxtok to samle ngo ang koxpuix, ibu ochax pangwüi hünzom su-sabue angaile thailak tüihüile thüiüi. Chemtue hünzom su-sabue hwom ochax hia pupabu ochax bama thathom tsuaklaxle puinaile changüihex,

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

1 KORIN 7:16

Kakonu, nange ma kakopa sünle kopüi le chem ma awan? Kakopa, nange ma kakonu sünle kopüi le chem ma awan?

2 PUKAX-PANGAO 30:11

Ikoxlechu Ashar, Manasseh hia Zebulun tokya khünakbu, Jerusalem to nguisele tsukyabu chuwüi tüile ngokya.

KAXHO MÜIKYA LUK 12:14

Jisu-e chix kax to lan: “Mixsün! Hüntüi hünkhi bama kaxfün le fa angkya hia tingtok ahanle fa angkya ku owa changkya?”

TSAITONG-KAXTONG 30:15

“Anyix kue hünzom ang, ochax hia otsao, ozün hia omang nyi bama tütapu zünle kop angkya danpu.

ISAIA 56:1

Jowanpae chix khünaknu ang thüi: “Chem supuix tamchu oja changpuix ija moklax, chemthüikoxle lebama wüi kue hünzom khosün angkya changle.

EZEKEL 33:14

Kue ochax khünak owawa ang chix zikmüt mangkho bama kaxkhün koxle changüi, ipongma chixe ochax lyenkya zak laxle sukya hia müikya mwot mokle jangchang:

MIKA 6:9

Jowanpa chathua za angkya a hwontüi-jelangkya changpu. Chixe tingnu nyakle akax: “Apalax, hünzom tingnu ma asoxle tüikya khünaknu!

ZEKARIA 7:9

“Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.

TSAITONG-KAXTONG 27:10

idaile chix kax ma laxle tüilax ilaxle anyix kue hünzom ang koxle ngokya kaxtombu thomlax.”

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

MÜNCHUAK-TSAI 101:1

Ku tsai a tsaisax-kaxlaxkya hia sukya bama changle, ilaxle kue ija nang ang ngaopu, O Jowanpa.

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

JEREMIA 22:16

Chixe zasabu hanpakma sukya kaxfün fa, ilaxle chix füi pangnu wüi müile le. Jowanpa tsingpu le ija ang tix nyakpu.