MIKA 6:7 - OTSAO BAIBEL (BSI)

⁷ Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?

MIKA 6:7 ပူးပေါင်းရင်းမြစ်များ

2 WANGHOMBU 16:3

chixe Israel nok wanghombu man to. Israel noke hwom haxtok alople changpongma, Jowanpae jwonle apaokya khünakbue mokkya, nushixdongle baozang to shwomkya olom tole, chixe chix sasün tuita zokle ashunkya tö hanpak ang chapa ang kox.

MÜNCHUAK-TSAI 51:16

Nange tö koxkyabu laxse chitsu, chichangba kue ibu kox ang chitho; zokle ashunle koxkya töbu füi nang ang mongzom chimüi.

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

HOSIA 6:6

Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

MÜNCHUAK-TSAI 50:9

Üntoxle kue hünzom müitsom nui angkya maihupongbu münlom chichangba nang müizyembu kha angkya zwonbuchu münlax;

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

2 WANGHOMBU 3:27

Ikhoma chixe chix sasün tüichongpa, owae chix man ma wanghom küntong mantswon angkya tüipuix, chix koplaxtoxle pao, ilaxle Moab nok baozang ang chix a tö tuita ang koxle pan angkya zün ma lang. Ija ngünlaxle Israel khünakbu tüle abüt-aban ikhoma hwom ija tingnu angkya anong laxle ma chaxwan to chat.

ISAIA 40:16

Lebanon faonu ma tüikya müi pangwüi Zang ang tö kox angkya okho münngui ilaxle ikha ma tüikya pünbu a ima lax ang tak ang okho münngui

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

FILEMON 1:12

Athax kue chix nang hato achatpu, ilaxle chix füi tomle ku kün-mongchu wüi ngui ang tompu.

AMOS 5:22

Chemtue hünzome ku hato zokle ashunkya to hia saxziak tö, ibu apüile changpuix, kue ibu pongle münkopüi; ku hato apüi angkya hanpakmale hünzome tuxle anutkya müibu kue pongle münkop.

EZEKEL 23:37

Okhie chapabu füi chinunchakkaile chang ilaxle hokhie ku ang puxle koxkya naosombu langle changdaoa. Okhie ku naosombu hwom chapabu ang tö koxle chang.

JEREMIA 19:5

ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

JOB LAIPEX 29:6

Ku maihu hia zwonbue tsomti tüle-tüle koxhomkya; ku olip pünbu longtsoxtsüt khato nyemhukya.

KAXFÜNPA-HWOM 11:39

Lyetjang anyi füima she hopa hato chatle ngui. Chixe chemle Jowanpa füi tsaotsütle changdaopuix ile mok, ilaxle she a naocha ma wüi zi. Gilid angkya Jefthah sasün sacha hanpakma faoto paolaxle zanglao to nyix ali pong

KAXFÜNPA-HWOM 11:31

chemtue ku zan to lütlaxle chatüihex, ku homkha angkya khünak pongwang ma ku füi apong ang laile hüikya mixhuak kue nang ang tö tuita ang koxüi.”

LIWI 20:1

Jowanpae Mosa ang

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 21:3

Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.

ISAIA 1:1

Ija laipex ma Judah hia Jerusalem hato fakya kaxho tüile. Ija kaxho a Amoz sasün Isaia hato, Uzziah, Jotham, Ahaz hia Hezekiah, Judah nok wanghombu hato Zang-e ngaile ahokya kaxhobu changle.

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

MÜNCHUAK-TSAI 51:18

O Zang, Zaion to chingchakox üntoxle she to fongkox; Jerusalem katukbu azünle zingkox.

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.