MIKA 6:5 - OTSAO BAIBEL (BSI)

⁵ Ku khünaknu, Moab wanghompa Balak-e hünzom zan to ka ang chemle wünkya dai tamchu Beor sasün Balam-e ija to chemle lankya dai, ibu texle ataklax. Akasia tokhange Gilgal lom to lekya lom to chempangle changkya dai, ibu texle ataklax. Hünzome ibu texle ataklax ijama hünzom khosün angkya hanpakma kue chempangle mokpuix ibu awanle lax ang kopüi.”

MIKA 6:5 ပူးပေါင်းရင်းမြစ်များ

HUAKE LAIPEX 25:1

Akasia haxhua ma Israel noke pom zailaxle ngopongma, ikhato tüikya Moab shekobu füi Israel nok lükabue chinunchakkaile chang.

KAXFÜNPA-HWOM 5:11

Apakoplax! Tüküi akhople khünaknu mwopkya ozinge Jowanpae lütkyabu bama wün-ngole, Israel noke zan to anaokya mo a! Ifüima Jowanpa khünaknubu hwom tingnubu tokhange achuale ju.

JIHUSUA 4:19

Khünaknue Jordan shuanu pongwang angkya lyetnu nyix bün lükya to tale le ilaxle Jeriko zongma handün chikao, Gilgal ma pom zaile athong.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

1 JUHAN 1:9

Ikoxlechu keme ma ochax Zang pomtho ma jangngaiba, chixe chix kaxtsao thomüi ilaxle chem supuix ija moküi: Chixe kem ochaxbu thailak faüi üntoxle thaikya mwot pangnu tokhange kem tsaotha ang tomüi.

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

MÜNCHUAK-TSAI 143:11

Jowanpa, nang kaxtsao tüikya ningle ku khosünle kop-hüi; nang müikyae thamabu chak tokya ku azünhüi!

TSAITONG-KAXTONG 16:3

Chemtue hünzome ija Kaitox Pangpwon saxle changüihex, twonkhax awon zingkya ankhao taxsax, chemthüikoxle nyix-anüt mong ma hünzome an a twonkhax chiawon homle zingkya tix sax angkya changle. Hünzome ipongpong nonokhaile Ijip nok dantox pongma ngaxchu ile wüi mokpu. Iningkya an saxlax, ija ang sikngün an le nyaküi: ikoxtix hünzome hünzom mazi tanto hünzom Ijip nok angkya laile paokya nyix tamchu ija sikngün ashukle ngole hüikya haxtok chialaküi.

TSAITONG-KAXTONG 9:7

“Hünzome Jowanpa hünzom Zang, sak-hax to tüipongma chemle mongtsik ang tomdaopuix, ija taxalak. Hünzome Ijip danle toxkya nyix makhange ikha alople nguikya nyix kople, hünzom a chix füi alünle hüipu.

TSAITONG-KAXTONG 8:18

Hünzom tüi-nangkya mix ang achangkya a Jowanpa hünzom Zang tokhange changpule hünzome texle ataklax. Chix a anyix mathule hünpu-hünpa hwom füi ma Tsaotsüt tüikya bama mongong chiathole ngokoxle chixe ile mokpu.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

HUAKE LAIPEX 31:16

Texle ataklax, Balam kax ma lax üntoxle Peor ma khünaknu ang Jowanpa zongto mong chiongle tüi ang tomkya a shekobu mwot münchangdai hia? Ija khokho ma Zang khünaknu hato kaknu-laknu le ang tompu.

HUAKE LAIPEX 31:8

Ikhama Midi nok wanghombu ibibi wom: Ewi, Rekem, Zur, Hur, ilaxle Reba. Hwome Beor sasün Balam chuwüi lang.

HUAKE LAIPEX 23:27

Balak-e thüi: “Oman, ku füito, kue nang mama khato paofang. Owatsing, ku hanpakma, etokhange ibu Israel khünakbu to thuakzomle chang angkya Zang mongchu tsu ang tsuak.”

HUAKE LAIPEX 22:41

Ngainop ningle Balak-e Balam a Bamwoth Bal alople pao. Imakhange Balam-e Israel nok haxsüt hidaole ngün ang kop.

MÜNCHUAK-TSAI 111:4

Jowanpa chix ohünotün mwotbu keme alakle asam ang müntom;

MÜNCHUAK-TSAI 71:19

Zang, nang otsaoe zangdingkho alople tüile. Nange tüle chongkya mwot mokle tsuakdaoa; nang lailaikya owachu müntüi.

MÜNCHUAK-TSAI 36:10

Opange nang tsingpuix üntoxle otsao khünakbu ang müikya mwot mok ang awanpuix, hwom to chizakle mongkünkox.

1 SAMUEL 12:7

Athax hünzom ma ngwotnui nui to ajonghüi, ilaxle Jowanpa pomtho ma kue hünzom to tsaitox-kaxfele hünzom hia hünzom putong hwom khosün angkya hanpakma Jowanpae mokkya ohünotün mwotbu hünzom ang texle atak ang tomkya makhange ngaile wünfang.

JIHUSUA 2:1

Ifüima Kanan haxtok to zyetle hu ang tamnüile chu Jeriko tingnu to hu ang Akasia angkya thongnui makhange Jihusua-e huxsa ma zanhu mix tsanle akat. Ija tingnu to hwom nguikya zuma, hwom a wünpom ang, ma tsangtsa hangle ngokya mixcha Rahap hato ngui.

JIHUSUA 3:1

Ofüinop swomsa ma wüi, Jihusua hia Israel khünaknu kaiwüi zo, Akasia angkya pom dantox, ilaxle Jordan to ngui. Shuanu ta angkya tanle hwom ikhama athong.

KAXFÜNPA-HWOM 11:25

Moab nok wanghompa Balak, owa Zippor sasün changkya hex, chix füi hünzom wüi sümüikya changpule hünzome thütle ngodaicha? Chixe Israel nok füi otuechu zongsaile chichang. Chix tam ngaxchu kwom zan to kale changhexcha?

ISAIA 1:27

Jowanpa otsao changkya khoma, chixe Jerusalem tamchu ima tüikya opang ang künlop-monglüile chang ang tompuix, hwom khosünüi.

HUAKE LAIPEX 25:2

Ibu shekobue, Moab nok baozang ang tö koxle pangpwon sax pongma ibu khünakbu ahyen. Israel khünak ibue ikhato fongsax ilaxle Peor angkya baozangbu to shwom.

TSAITONG-KAXTONG 23:6

Hünzom jat-li tuita ang ngokya kople mixjat-mixli ibu to fong ang chichangba hwom ahak-aluale chang angkya oli tuita chu mokle taxkox.