MIKA 6:1 - OTSAO BAIBEL (BSI)

¹ Israel nok zongto tüikya Jowanpa tsetwon to apalax. Ajonglax, o Jowanpa, ilaxle nang tsetwon-zangwün laxkox; haxnu hia haxhuabue nang zangwün nax-apakox.

MIKA 6:1 ပူးပေါင်းရင်းမြစ်များ

JEREMIA 22:29

O haxtok, haxtok, haxtok! Jowanpa zangwün to apalax:

TSAITONG-KAXTONG 32:1

“Ding hia hax, ku zangwünbu apalax, kue akaxkya to soxle apalax.

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

EZEKEL 36:1

Jowanpae thüi: “Ziün angkya khünak, Israel nok haxnubu füi zangwünle, hwom hanpak ang

MÜNCHUAK-TSAI 50:4

Mikngün kaxkhi ang chixe ding-hi-hax sele chixe chix khünaknu kaxfünkya to hua ang a.

TSAITONG-KAXTONG 4:26

Anyix kue mikngün-kaxkhi ang ding-hi-hax sepu: Hünzome ku kax ma laxle chitüi, hünzom a chwonchwonle wüi chaxwan tok angkya amuale paoüi; athax hünzome tingtak laxle kopüi tüikya Jordan Shuanu tachi angkya haxtok ma hünzom ngo angkya münchang. Hünzom a bakle amütüi.

EZEKEL 36:8

Ikoxle ku khünaknu Israel nok haxtok ma a, pünbu ma ochak chatle chuiüi ilaxle hünzom hanpakma ibue pünziak ziakle koxüi. Hünzom a lebama wüi hom to chatle ngui angkya changpu.

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

KAXHO MÜIKYA LUK 19:40

Jisu-e lan: “Kue hünzom ang thüipu, hwom dangkoxlechu longbue hwom lualua to akhong ang sütüi.”

MÜNCHUAK-TSAI 50:1

Khüthak Zang, Jowanpa akaxle; handün hia hannop tokya zangfang pangnu chixe nyakle.

MIKA 1:4

Ifüima chix chitong ma haxnubu chule paoüi wün zui ma müizao chukya ningle; ijabu haxnuchabu to thokle ajenüi haxkho tokhange ti thokle ajenkya ningle.

EZEKEL 37:4

Chixe thüi: “Zabu hanpakma aje-kox. Za zan ibu ang Jowanpa zangwün to apa angkya akaxkox.

JEREMIA 13:15

Israel khünaknu, Jowanpae akaxdaoa! Puinailax ilaxle ku kax to apalax.

AMOS 3:1

Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:

1 SAMUEL 15:16

Samuel-e sale thüi: “Dangün; Jowanpae awün ku füi chemle akaxpuix ija wünfang.” Sol-e lan: “Ija ku hama wünhüi.”

1 SAMUEL 12:7

Athax hünzom ma ngwotnui nui to ajonghüi, ilaxle Jowanpa pomtho ma kue hünzom to tsaitox-kaxfele hünzom hia hünzom putong hwom khosün angkya hanpakma Jowanpae mokkya ohünotün mwotbu hünzom ang texle atak ang tomkya makhange ngaile wünfang.

MIKA 5:15

Ilaxle ku mongtsik chongkya füi kue ku kax ma chilaxle tüikya onok pangwüi to kue olüix khomüi.”

MIKA 6:2

Hünzom haxnubu, oshuk chitüikya chaxwannu chifünbu, Jowanpae tsetwon-zangwün to apalax! Jowanpa ang ma khünaknu füi tsetwon-zangwün tüile. Israel khünaknu ma tsaihux-kaxhux fe angkya tüile.

ISAIA 3:13

Jowanpa a chix kaxfün tsetwon ang achwonle ngole; chix a chix khünakbu kaxfün ang achwonle ngole.

EZEKEL 6:3

Israel haxhuabu hama Jowanpa Khüthak Zang kax atat angkya akaxkox:Jowanpa Khüthak Zang, kue, haxnu, haxhua, longkun longlua hia haxsha: Onüi ibu, ojong khato khünakbue chapabu to shwomle tüipuix, ibu ama ang kue changlo apaoüi.