MIKA 5:7 - OTSAO BAIBEL (BSI)

⁷ Israel khünak opang chizile azang laxpuix, ibu a jat-libu hanpakma Jowanpa tokhange ahüikya tamchatle azün ang tom angkya nyenti ang, pünnu kho to puakya maipuabu ningle changüi. Hwome khünak to chichangle Jowanpa to mongongkya tüiüi.

MIKA 5:7 ပူးပေါင်းရင်းမြစ်များ

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

TSAITONG-KAXTONG 32:2

Ku hwon-nwotbu a zangwat ti ningle dütüi ilaxle chaxwan tok ma nyenti ningle achangüi. Pünsom ding to zang anyaikya ningle ku zangwünbu dütüi, hingzang tok to watshoja jukya ningle.

HOSIA 14:5

Israel khünaknu zongto ku a haxzan zongto zangwat ningle changüi. Hwom a maipuabu füi tomle puaüi; Hwom a tsingju-kamong le changüi Lebanon angkya pünnubu lailaile.

MÜNCHUAK-TSAI 72:6

Wanghompa a haxtok ma zangwat ningle naxchang, chaxwan tok to dütkya nyenti ningle a.

ROM NOK HATO ZAKYA POL LAIZA 10:20

Ilaxle ija akax ang Isaia mong süchong chongle chong, “Ku lomle chingokyabue ku atak, ku chiatüituakyabu hato ku ngui.”

ZEKARIA 14:8

Chemtue ija hanpak nguile hüiüihex, Jerusalem makhange tsaothakya tibu jenüi, ija angkya süifi Omang Tinu to ilaxle süifi a Mediterenian Tinu tole jenüi. Ija a zangwa hia tsonu chisüile zanglao atale jenüi.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

1 KORIN 3:6

Kue otsang küipu, Apolo-e opün to tie lipu, ikoxlechu opün tsong ang koxkya a Zang-tix changle.

ROM NOK HATO ZAKYA POL LAIZA 11:12

Jehudi khünakbu ochaxe zangfang hato huanuma mohiman apüi, ilaxle hwom chasa chima tuinokyae mixnokbu hato huanuma mohiman apüi. Ilaxle Jehudi khünak huak komle athütkya zuma mohiman otukux chongle changüihex!

ROM NOK HATO ZAKYA POL LAIZA 9:30

Ikoxle keme chemle thüi? Ija mixnokbu Zang füi muamüi ang chiazong, ikoxlechu hwome chix to mongongkya khoma Zang, chixe hwom füi muamüi;

WANGSHEMBU MWOT 16:9

Pol-e ija ja mikngün ohün ngün. Ijama chixe Mesidonia tokya mixsün tuita ajong laxle: “Mesidonia to nguilaxle kwom to süfonghüi!”, le chix sekya ngün.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 11:15

Ilaxle kue hwom füi akaxle ngoponge, ami owang pongma kem hato nguikya ningle Otsao Chasa ngui.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

JOEL 2:32

IKoxle opange Jowanpa ang asunhüile thüiüihex, hwom khosünkya tüiüi. ‘Züizüi Jerusalem to paole azangüi; kue zünle kopdaokyabu azangüi’ le Jowanpae akax daokya ningle.”

EZEKEL 47:1

Ija mixsüne ku Zangshwom-Hom dünlom to laxlaxle chat. Zangshwom-Hom homthün thale tüikya chima, ija dünlom makhange handün chito jenle jule ti fuakle laingokya kha tuita tüikya. Ija shuasa a Zangshwom-Hom shuathong chikao makhange tö-tsap zongma shuathongchi akaile jenle ju.

ISAIA 66:19

ilaxle hwom to sikngün ang tomkya a ku changpule awan ang kopüi. “Ikoxlechu kue hwom züizüi sünle tüiüi ilaxle ku mün hia ku zaxzangle changkya matsingkya tsailo nokbu to hwom apaoüi: Spain nok to, Libia nok to, ilaxle Lidia, hwom mankya sanhap mix füi, ilaxle Tubal hia Grik nok to. Ibu chaxwannu nok khato hwome ku chuak-chongle tüikya apuküi.

ISAIA 55:10

“Ku zangwün a jun hia zangwat ningle changpu oja zangdingkho tokhange chaxwannu ashan ang dütpuix. Ibue tsaxsa-hikha lai ang tomle ilaxle küi angkya hia sax angkya hanpakma oziak fale.

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

KAXFÜNPA-HWOM 6:36

Ifüima Gideon-e Zang füi akax: “Kue Israel nok khosün angkya hanpakma nange ku twonüile nange wüi thüipu.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

MIKA 5:8

Mixjat mixli khato danle toxkyabu a faonu mongto chichangba wunsa khato osüt lomle ngokya mailang ningle changüi: ija chun zyem khama nop, ibu to shing, ilaxle ibu ashikle akhix: ilaxle khosünle kop angkya mongong angkya ojao chitüi.

EZEKEL 14:22

Owawa ozün ma tüi ilaxle hwom su-sabu sünle thomkya jangtüi, hwom nang hato nguikya zuma hwom to hule koplax. Hulax hwom chemtukuxkya ochaxbu hex ang, ilaxle kue Jerusalem hato ahüile ngokya zothup a asunpule pongle laxlax;

2 SAMUEL 17:12

Tüta khato wüi ngole tüikoxchu keme Dawid a lomle ataküi, ilaxle chempangle changpuix ija chixe ma-awan tanto keme chix to singüi. Chixchu tamchu chix khünak owachu ozün ma müntoxüi.

MÜNCHUAK-TSAI 133:3

Ija a Zaion haxnu ma dütkya Hermon nyenti ningle changpu! Chemthüikoxle imakhange Jowanpae tsün-tsün to mohiman angkya kaxtom koxle.

WANWÜNKAX 19:12

Wanghompa mongtsik a mailang ahungkya lailai, chix chingcha a zangwat ti dütkya lailai.

DANEL 11:32

Wanghompa dyenkya makhange chixe ma zanglom awütle toxdaokyabu machi ma kopüi, ikoxlechu Zang mantole ngokyabue anongle azanüi.

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

EZEKEL 5:5

Jowanpa Khüthak Zang-e thüi: “Jerusalem to hulax. Kue she a, mama tingnokbue akhople chaxwannu osungkha ma danpu.

MIKA 4:13

Jowanpae thüi: “Jerusalem angkya khünaknu, paokox üntoxle hünzom zanpabu to sikangünkox! Kue hünzom a jan ozong hia khop chisok füikya maihupong tuita ningle tsak-zongle chang ang tomüi. Hünzome jat-libu huanuma olithule changüi, ilaxle hwome changnong-pünthomle kopkya tuinabu hünzome ku Chaxwannu Jowanpa ang kox angkya changpu.”

ZEKARIA 9:13

Süpahibu chak angkya hapnubu ningle kue Judah twonüi ilaxle Israel a sanjunbu ningle twonüi. Zaion angkya khünakbu kue tuita changlo ningle twonüi, ija füi Grik nok füi azan angkya hanpakma.”