MIKA 5:2 - OTSAO BAIBEL (BSI)

² Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

MIKA 5:2 ပူးပေါင်းရင်းမြစ်များ

MATHI 2:6

“‘Jehudi angkya Bethlehem; nang a Jehudi chaxwan ma tüikya tingnubu khama ahixkya le münchang; Chemthüikoxle nang makhange lompa tuita lai angkya changle. Chixe ku wangpün Israel khünaknu, lom azui angkya changle.’”

JUHAN 7:42

Chemthüikoxle Otsao Lai-e ‘Khrista a Dawid homjen angkya, chix ngokya tingnu Bethlehem makhange nguiüi’ le münthüi dai hia?”

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

KOLOSI 1:17

Pangnuli thoto wüi Khrista tüikya, üntoxle chix füi notom laxle pangnu li ang ma chifün tüi.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

1 SAMUEL 17:12

Dawid a Jesse sasün changkya, ilaxle Jesse a Bethlehem angkya Efrath nok changkya. Jesse ang lüka naosom hwom achyet tüikya. Sol wanghom ang achang pongma chix a owüiole azule taikopa ang changdaokya.

PONGWANG LAIPEX 48:7

Kue ija hünnu Rachel khoma ile mokpu. She a Kanan haxtok ma wüi, Efrath füi chemnule chiatsai le tüipongma chingcha ashukle zikya changpu. Ipongma kwom a Mesopotamia tokya chatüi lomba to changkya. She-e ku ang mongjao lax angkya chitüile asop toxpu. Kue she a Efrath lomnu zui ma zule toxpu.” (Efrath ang athaxpongma Bethlehem le nyakle.)

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

IBRI 13:8

Jisu Khrista a münyix, anyix üntoxle othuithuima otyatya.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

RUT LAIPEX 4:11

Ikhama tüikya lompabu hia khünak mamabue thüi: “Changle, ngünmixbu kwom changpu. Nang kakonu wüi, Jakop ang sasün hwom huanuma pux-paile koxkya Rachel hia Liah nyi ningle Jowanpae wüi naxachang kox. Efrath saxthom ma tamchu Bethlehem ma nang ahak-aluale naxtüi.

PONGWANG LAIPEX 35:19

Rachel zikya zuma, she a Efrath lomnu zui ma zu; ijakha ang athaxpongma Bethlehem le nyakle.

IBRI 7:14

Chix a Jehudi jat-li homkha ma puxkya changpu le awan ngopu; üntoxle zommix-zangmixbu mo wünkya zuma Mosa-e ija jat-li mo bwomle chiwün.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

JEREMIA 30:21

Hwom thak ma apün ang hwomkha angkya wüi ngaiüi, hwom wanghom ang hwomkha angkya ngaiüi. Kue sepongma chix ku hato hüiüi, chemthüikoxle chinyakkya mix ku hato owa mongchongle hüiüi? Hwom a ku khünaknu ang changüi, ilaxle ku a hwom Zang ang changüi. Ku, Jowanpae ija akaxdaoa.”

ISAIA 53:2

Haxzan to tsingküi jule pün chongkya ningle chix dapa tsong angkya a Jowanpa mongtex changkya Kem ang chixsün-chixjo aho angkya hanpakma chix ma münchong hia osün chitüi. Chix bama mikzalokya oli chemchu chitüi, kem chix hato jikle ahüi fang chemchu chitüi.

1 SAMUEL 10:19

Ku a hünzom Zang changpu. Hünzom sikngün tuitai hia thangshix pangnu chak tokya hünzom khosünle hüikya a ku changpu, ikoxle anyix a hünzome ku wünhaile changpu ilaxle wanghom laxhüi le mix jupu. Müihule, jangthüiba hünzom homjen-homjen hia saxthom-saxthom ma süile Jowanpa tuntho to asoxlax.’”

KAXHO MÜIKYA LUK 23:38

Üntoxle IJA JEHUDI NOK WANGHOM le chix khangkho ma zale tox.

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

1 PUKAX-PANGAO 5:2

Ikoxlechu pangnu saxthom züjen ang apün angkya lompabu koxle a Judah homjen tsak-zongle hüi.)

LAIPAO 18:21

Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

MÜNCHUAK-TSAI 132:6

Bethlehem ma kwome Tsaotsüt Suak bama atat ang koppu, ilaxle ija kwome Jearim haxtok ma atakle.

1 PUKAX-PANGAO 2:54

Salma, Bethlehem ting kopkya khünak, chix a Netofath, Atroth Beth Joap, ilaxle Zor nok, ibu ma tüikya khünaknu, hwom ang Manahath angkya homjen anyi khünakbu changkya. (

1 SAMUEL 23:23

Chix khünle ngokya tamting tomtata awanle kop-hüi ilaxle ija kaxho ku hato küithole apüi angkya wüi changle. Ifüima ku hünzom füi tomtomle paoüi, ilaxle chix ikhama wüi tüile jangchang thüiningle, kue chix zole changüi; ija hanpakma Judah haxtok bak-khak lomkoxchu lomüi.”

1 SAMUEL 17:18

Ilaxle lompa tüichong hwom hanpak ang ibu ankhao bün koplax. Hüntüi hwom chemle tüipuix ija opak tikle toxlax ilaxle nange onui alople toxdaoa le ilaxle hwom pangwüi müimüi tüile le aho ang ku hato münwan tütali thüichu apüile changhüi.

TSAITONG-KAXTONG 1:15

Idaile hünzome ma homjen angkya zünle kopkya jetüi-hwonlangle tüikya hia jali othwon lople tüikya khünakbu kue laxpu, ilaxle kue hwom hünzom thakma lompabu ang achangpu. Züizüie hajat khünak tu ma lompa ang changüi, züizüi a oho tu ma lompa ang changüi, ilaxle züizüi a bün tu ma lompa ang changüi. Kue homjen foto mama okax-okhobu chuwüi kampu.

1 SAMUEL 8:12

Hwom kha angkya züita chixe hajat thakma lompa ang zingüi, ilaxle züizüi a 50 thakma lompabu ang zingüi. Hünzom su-sabue chix haxtok ma thomole manzai koxüi; chix sax-zütle faüi ilaxle chix chang-pax hia man-kanlinbu ma lax angkya oli-olak komkaile zingle faüi.

LAIPAO 18:25

ilaxle mokle tho tangkya mix Israel khünaknu kha angkya zünle kop. Chixe hwom ang hajat thakma, hota thakma, punyi-bün thakma üntoxle bün thakma apün ang tom.

MATHI 2:1

Wanghom Herod ma apünle ngoponge, Jehudi angkya Bethlehem ma Jisu pux. Ifüi shemle handünchi tokya, lyettsibu bama awankya züita tsingpa-manpabu Jerusalem to ngui üntoxle atüi,

PONGWANG LAIPEX 35:16

Jakop-e hwom kako pangwüi Bethel to dantoxlaxle achex, ilaxle hwom a Efrath alop haxkhakha ma tüipongma, Rachel ang nao ngün angkya otu nguile hüi ilaxle she a tüle nuzaole sikngün.

KAXFÜNPA-HWOM 17:7

Ipongma Liwi sün tuita tüikya; chix a Judah angkya Bethlehem ma ngole tüikya.

RUT LAIPEX 1:1

Kaitanto, Israel nok ma wanghom tüiüi thoto, hwom chaxwan to otui-onuak hüi. Ikhoma Elimelek le amünkya mixsün, owa Efrath homjen changkya hex üntoxle owa Judah angkya Bethlehem ma ngole tüikya hex, ija mixsün chix kakonu Naomi hia sasün anyi, Mahlon hia Chilion nyi koplaxle onox ma Moab nok to ngo ang pao. Hwom ikhato ngopongma,

ISAIA 55:4

Kue chix lompa ang tamchu onok akhokya ang zingpu, ilaxle chix makhange kue hwom hato ku tsak-zong ahopu.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

MIKA 4:10

Kwom-kwomlanle wotle, Jerusalem angkya khünakbu, mixnu tuitae nao ngünüi ninglea, chemthüikoxle athax hünzom tingnu dantoxlaxle kothofa to ngo angkya changle. Hünzom a Babilon to pao angkya changle, ikoxlechu Jowanpae ikhato zanpabu chak tokya hünzom khosünle kopüi.